ہنسو ، ہنسو کُھل کے ہنسو

:ballybally:

:00009: اُستاد کلاس سے : فرض کرو ایک ٹرین کراچی سے لاھور پچاس میل فی گھنٹہ کی رفتار سے آ رھی ھے اور دُوسری اسلام آباد سے پشاور ساٹھ میل فی گھنٹہ کی رفتار سے جا رھی ھے۔ اب بتاؤ میری عُمر کیا ھے؟

اس عجیب و غریب سوال پر پوری کلاس کو سانپ سونگھ گیا۔ آخر ڈرتے ڈرتے ایک بچے نے ھاتھ کھڑا کیا۔

ھاں بتاؤ

سر آپ کی عُمر چالیس سال ھے

بُہت خُوب ، نہایت اعلیٰ ۔ اب یہ بتاؤ تمھیں اس جواب کا پتہ کیسے چلا؟

سر بات یہ ھے کہ میرا ایک بڑا بھائی ھے وہ نیم (آدھا) پاگل ھے اور اُس کی عُمر بیس سال ھے​

 

مزاحیہ اشعار

دونوں مکان چپکے سے جوئے میں ہار کے
وہ جا رہا ہے کوئی شبِ غم گزار کے

مشکل ہے کہ پھر نقد کی جانب نظر کرے
اک بار جس کو پڑ گئے چسکے ادھار کے

غم روزگار کے بھی کڑے ہیں بہت مگر
دکھ اس سے بھی زیادہ ہیں بے روزگار کے

عینک لگا کے دیکھتے ہیں اس کی سمت ہم
جب دیکھتا ہے وہ ہمیں عینک اتار کے ​

 

سرفراز شاہد

لبوں میں آ کے قلفی ہوگئے اشعار سردی میں
غزل کہنا بھی اب تو ہوگیا دشوار سردی میں

محلے بھر کے بچوں نے دھکیلا صبح دم اسکو
مگر ہوتی نہیں اسٹارٹ اپنی کار سردی میں

مئی اور جون کی گرمی میں جو دلبر کو لکھا تھا
اسی خط کا جواب آیا ہے آخرِ کار سردی میں

دوا دے دے کے کھانسی اور نزلے کی مریضوں کو
معالج خود بیچارے پڑ گئے بیمار سردی میں

کئی اہلِ نظر اس کو بھی ڈسکو کی ادا سمجھے
بچارا، کپکپایا جب کوئی فنکار سردی میں

یہی تو چوریوں اور وارداتوں کا زمانہ ہے
کہ بیٹھے تاپتے ہیں آگ پہریدار سردی میں

لہو کو اس طرح اب گرم رکھتا ہے مرا شاہیں
کبھی چائے، کبھی سگرٹ، کبھی نسوار سردی میں

​

 

ڈاکٹر انعام الحق جاوید

[COLOR="Red"
[SIZE="5"]حبیبی حّٰی حّٰی حبیبی حّٰی حّٰی

اب بھی نہیں لگایا فائل کو تو نے پہیہ
اور مفت میں نہ ہوگا یہ کام میرے بھیا
ہے اب بھی وقت کرلے چپ چاپ مک مکیا
پھر بعد میں نہ کہنا جب ڈوب جائے نیا
حبیبی حّٰی حّٰی حبیبی حّٰی حّٰی

بہتر ہے اب سیاست کا ہی لگا لے ٹھیا
اس کاروبار میں ہے چوکھا ہی گھم گھمیا
لاگت تو ہے چونی اور آمدن روپیا
اوپر سے ہر سہولت ہوگی تجھے مہیا
حبیبی حّٰی حّٰی حبیبی حّٰی حّٰی

پولیس کررہی ہے تھانے میں ٹھک ٹھکیا
یا گا رہا ہے ڈھولک کی تھاپ پر گویا
یہ راز کھولنے کا جس نے کیا تہیہ
رویا وتا ویا، رویا وتا ویا
حبیبی حّٰی حّٰی حبیبی حّٰی حّٰی

بیٹھی رہے گی کب تک تیرے لیے ثریا
ملتان جانے والوں کا آچکا ہے لیہ
اب بھی جو تو نے اپنا بدلا نہیں رویہ
تے فیر ایہہ پکی گل اے، پئی او ہتھوں گئی آ
حبیبی حّٰی حّٰی حبیبی حّٰی حّٰی[/SIZE]
][/COLOR]​

 

قطعات - انور مسعود

کس طرح کا احساسِ زیاں ہے جو ہوا گم
کس طرح کا احساسِ زیاں ہے جو بچا ہے
ملک آدھا گیا ہاتھ سے اور چپ سی لگی ہے
اک لونگ گواچا ہے تو کیا شور مچا ہے​

 

سرِ بزم

کل جو ہوا ہے دفعتًہ اس سے مرا مکالمہ
خوبی اختصار کا تجربہ کچھ یونیک ہے
میں نے کہا کہ بزمِ ناز، اس نے کہا کہ کیا کہا
میں نے کہا کہ کچھ نہیں، اس نے کہا کہ ٹھیک ہے​

 

نیو ورلڈ آرڈر

انہیں ضد ہے، ہوا اسلامیوں کی
کسی گاڑی کے ٹائر میں نہ ہووے
انہیں جمہوریت اچھی لگے ہے
اگر یہ الجزائر میں نہ ہووے​

 

داخلِ دفتر

کلرکوں کی سبھی میزوں پہ انور
ہر اک فائل مزے سے سو رہی ہے
اگرچہ کام سارے رک گئے ہیں
مگر میٹنگ برابر ہورہی ہے​

 

بابا عبیر ابوذری

بہت دُبلی بہت پتلی حیاتی ہوتی جاتی ہے
چپاتی رفتہ رفتہ کاغذاتی ہوتی جاتی ہے

ہمارے گال بھی پچکے ہوئے امرود جیسے ہیں
اور ان کی ناک ہے کہ ناشپاتی ہوتی جاتی ہے

میدانِ جنگ ہو یا محفلِ امن و اماں کوئی
مسلسل مسلمانوں کی نکاتی ہوتی جاتی ہے

بجٹ اس کا خسارے کا اور اپنا بھی خسارے میں
کمیٹی بھی ہماری ہم جماتی ہوتی جاتی ہے

وہ لندن میں ہیں اور میں ہوں چیچو کی ملیاں
ہماری دوستی قلمی دواتی ہوتی جاتی ہے

ہمارے درمیاں تشریف فرما اعلٰی افسر ہیں
تبھی تو آج اپنی چوڑی چھاتی ہوتی جاتی ہے

ملی ہے حکمرانی دیس کی اب پارساؤں کو
مگر یہ قوم ہے کہ وارداتی ہوتی جاتی ہے
​

 

عزیز احمد

تری باتوں میں چکنائی بہت ہے
کہ کم ہے دودھ، بالائی بہت ہے

پُلس کیوں آپ منگوانے لگے ہیں
مجھے تو آپ کا بھائی بہت ہے

محبت کیوں محلے بھر سے کر لیں
ہمیں تو ایک ہمسائی بہت ہے

اسی خاطر ہے چھوٹی ناک اپنی
کہ ہم نے ناک کٹوائی بہت ہے

نشہ ٹوٹا نہیں ہے مار کھا کر
کہ ہم نے پی ہے کم، کھائی بہت ہے

وہ محبوبہ سے بیوی بن نہ جائے
مری ماں کو پسند آئی بہت ہے

تو باقی گالیاں محفوظ کر لے
مجھے اتنی پذیرائی بہت ہے

میں ان میں جھانکنے سے ڈر رہا ہوں
تری آنکھوں میں گہرائی بہت ہے

نہ پھینکو بجلیوں پر بجلیاں تم
ہمیں بس ایک انگڑائی بہت ہے

سنا تو تھا کہ بہروں کے نگر میں
عزیز احمد کی شنوائی بہت ہے​

 

انور مسعود

مرد ہونی چاہیے، خاتون ہونا چاہیے
اب گریمر کا یہی قانون ہونا چاہیے

رات کو بچے پڑھائی کی اذیت سے بچے
ان کو ٹی وی کا بہت ممنون ہونا چاہیے

دوستو، انگلش ضروری ہے ہمارے واسطے
فیل ہونے کو بھی اک مضمون ہونا چاہیے

نرسری کا داخلہ بھی سرسری مت جانئیے
آپ کے بچے کو افلاطون ہونا چاہیے

صرف محنت کیا ہے انور کامیابی کے لئے
کوئی اوپر سے بھی ٹیلیفون ہونا چاہیے ​

 

یہی کالج ہے وہ ہمدم جہاں سلطا ن پڑھتا تھا

یہاں اک ایسا بر خوادر عالیشان پڑھتا تھا
جو بحر درسگا ہ علم کا طو فا ن پڑھتا تھا
وہ اسٹودنٹ کے حلیے میں اک شیطان پڑھتا تھا
جہا ں سلطا نہ پڑ ھتی تھی وہا ں سلطا ن پڑ ھتا تھا
یہی کا لج ہے جہاں ہمدم سلطان پڑ ھتا تھا
کبھی جلسے میں دیکھا کبھی ہڑ تا ل میں پا یا
وہ جس محفل میں جا پینچا اسی کو گر ما یا
جو کالج اک دن آیا ت تو ہفتہ بھر نہیں آیا
میں اک عر صے تک یہی سمجھا کو ئی مہمان پڑھتا تھا
یہی کالج ہے وہ ہمدم جہاں سلطا ن پڑھتا تھا ​

 

تیری یاد میں ساجن ہاضمہ خراب ھے مولیاں کھا کر بھی آتا نہیں ڈکار مجھے
تیری طرف تحفہ بھیج تو دیتا مگر
کسی دوکان سے ملتا نہیں ادھار مجھے​

 

اک بیوہ سے بولے تایا جی =
یاد تو ھوگا پیار بچپن کا =
آؤ ھم دونوں ایک ھو جائیں =
تم تریپن کی ھو میں پچپن کا
​

 

اچھا ہے

 

OK

 

راوی کا بیاں

راوی کا بیاں ھے کہ میرے سابقہ پُل پر
چیونٹی کوئی کہتی تھی کسی فیلِ رواں سے

بے طرح لرز جاتا ھے یہ لوھے کا پُل بھی
جس وقت بھی ھم مل کے گُزرتے ھیں یہاں سے​

 

آپ کے فن کا تعلق عالمِ بالا سے ھے
یہ ہُنر کا زور زیرِ آسماں ممکن نہیں

شعر لکھتے ھیں یقینا آپ جا کر چاند میں
ایسی بے وزنی کی کیفیت یہاں ممکن نہیں​

 

مل اور زمین الاٹ کراتی ہے لیڈری
اور کوٹھیوں پر قبضہ دلاتی ہے لیڈری
لنچ اور ڈنر مزے سے اڑاتی ہے لیڈری
غم ساتھ ساتھ قوم کا کھاتی ہے لیڈری

فرصت ملے تو ٹور پر جاتی ہے لیڈری


ہم لوگ زندہ باد کے نعرے لگاتے ہیں
ووٹوں کی بھیک لینے جب وہ چل کے آتے ہیں
دے دے کے ووٹ ہم انہیں ممبر بناتے ہیں
کرسی پہ بیٹھ کے وہ ہمیں بھول جاتے ہیں

پھر دور ہی سے جلوہ دکھاتی ہے لیڈری


دنیا میں لے کے سیٹھ سے اے یارو تا فقیر
ہے لیڈری کی زلفِ گرہ گیر کا اسیر
اک آن میں بنائے مڈل فیل کو وزیر
کیا کیا ہیں اور خوبیاں اس کی کہوں نظیر

ذرے کو آفتاب بناتی ہے لیڈری​

 

شاباش