بچوں کو سردی سے کیسے بچایا جائے

السلام علیکم
بدلتے موسم کے ساتھ ساتھ سرردی کے اثرات بھی شروع ہو چکے ہیں اس سردی کے موسم میں بچوں کیلئے خصوصی حفاظتی اقدامات پر عملدرآمد یقینی بنانا اشد ضروری ہوتا ہے کیونکہ والدین کی ذراسی بھی غفلت بچوں کیلئے بیماری اور ان کیلئے پریشانی کا موجب بن سکتی ہے

اس موسم میں نزلہ، زکام، بخار، نمونیہ، گلے کی خراش وغیرہ معمول کی بات ہے یہی وجہ ہے کہ اکثر سردیوں کے موسم میں ڈاکٹروں کے پاس ننھے منے بچوں کی قطاریں نظر آرہی ہوتی ہیں ۔ ایسے بچے جو اپنی عمر میں پہلی بار سردی کا موسم دیکھ رہے ہوتے ہیں ماحول اور آب و ہوا کی تبدیلی سے متاثر ہو جاتے ہیں کیونکہ ایسے بچے اپنی ناتواں قوت مدافعت کے باعث موسم کی سختی برداشت نہیں کر پاتے ہیں

اکثر بچوں کو سردی کی وجہ سے نزلہ ، زکام اور گلے میں خراش کی شکایت ہوجاتی ہے۔ نزلہ زکام بظاہر تو بہت معمولی نظر آتا ہے مگر اس کی وجہ سے بچوں کے ناک میں ورم کے باعث سانس لینے میں دشواری ہو تی ہے۔ زکام میں ننھے بچوں کو گرم پانی پیلانا بہت مفید ہے ۔

شیر خوار بچوں کوسردی کے زکام سے بچانے کی چند احتیاتی تدابیر

١۔ دودھ میں 2عدد پیپل کے پتے، 2 عدد چھوہارے یا پھر 4کھجوروں میں سے کوئی ایک چیز دودھ میں اُبال کر پلائیں۔

٢۔ ادرک کے رس کو شہد میں ملاکر چٹائیں۔

٣۔ گاجر ، پالک یا پھر موسمی کا جوس پلائیں۔

٤۔ اُبلے ہوئے چنوں کا پانی پلائیں۔

٥۔ پانی میں سو ُنٹھ اور گڑ ُ ڈال کر اُبال لیں اور وقفے وقفے سے پلائیں ۔

٦۔ جائفل کو پانی میں گھس کر شہد میں ملائیں اور اسے صبح و شام بچے کو چٹائیں۔

٧۔ بچوں کو ‘آملے کا مربہ بنا کر دیں۔

٨۔ ٹھوس غذا کھانے والے بچوں کو زکام میں گڑ ُاور سیاہ تل کے لڈو کھلائیں۔

٩۔ منقیٰ، امرود اور کچی پیاز کھانے سے بھی زکام ٹھیک ہو جاتاہے۔

ان تمام احتیاتی تدابیر سے بچوں میں زکام ‘وغیرہ کی شکایات د ُور ہوجائیں گی۔

 

وعلیکم السلام ورحمۃ اللہ وبرکاتہ
ہمیشہ کی طرح موقع ومناسبت کو مدںظر رکھتے ہوئے بہترین شئیرنگ

 

جزاک اللہ خیرا، ادرک اور شہد والی ترکیب کا بہت فائدہ ہوا۔

 

وعليكم السلام ورحمة الله وبركاته،
تین ماہ تک کے بچوں کو ٹهنڈ ہوجانے پر کیا گھریلو علاج اختیار کیا جائے ؟
برائے مہربانی رہنمائی کریں.

 

اردو مجلس میں خوش آمدید بنت عبدالغفور
شیر خوار بچوں کے لیے احتیاطی تدابیر موجود ہیں مضمون میں۔ تین ماہ کے بچے انفینٹس ہی ہوتے ہیں نا؟

 

جزاك الله خیر بہنا
جی میری نظروں سے یہ مضمون گزرا تو ہے شاید پڑہا بهی ہے لیکن ایک دینی بہن نے ایک علاج بتایا تها شہد سے.

 

السلام علیکم
جی کونسا علاج اگر وہ لکھ دیں تو آسانی ہوجائے گی جواب دینے میں
دوسرا بچے کی عمر کتنی ہے اور مسلہ کیا یے

 

السلام علیکم
اس عمر میں بچوں کو سردی سے بچانا چاہیے
ویسے اس عمر میں بچوں کو سہاگہ سفید اور سفید پھٹکری بریاں کرکے شہد میں ملا کر دن میں 3 سے 4 مرتبہ چٹائیں
اور ادرک کا رس شہد ملا کر چٹانا بھی بہتر ہے

 

وعليكم السلام ورحمة الله وبركاته

جزاك الله خير.

 

جزاک اللہ
بہت عمدہ شیئرنگ کی ہے