لٹکانے سے اتارنے تک، صادق وامین پاکستانی عدلیہ کا مثالی ارتقا

عرض کرنے کا مقصد یہ تھا کہ ہماری چھوٹی موٹی فقیرانہ سلفیت آپ نے "مشرکوں کی حمایت" کا الزام لگا کر مشکوک کر دی، جو سلفی بزرگ ان کے ساتھ کھڑے ہیں ان کی سلفیت کو ہی کچھ سمجھ لیں۔
اگر ٹھنڈے دل سے غور کیا جائے تو اس موضوع میں کسی ایک شخص کی حمایت سے زیادہ بڑا سوال اٹھایا گیا تھا کہ ہمارا نظام عدل کتنا منصفانہ ہے اور عدلیہ کے "تاریخی" فیصلوں کی تاریخ اتنی ظریفانہ کیوں ہوتی جا رہی ہے۔
بڑی مہربانی ہے کہ ابھی صرف جیل کی پیش گوئی کی گئی ہے۔ورنہ ہرپانچ دس سال بعد ہمارے سیاسی افق پر لہو کے چھینٹے نظرآتے ہیں۔ ایسے ہی تو قوم مغیث، منیب اور مشال خان کو ڈنڈے مار مار کر قتل نہیں کرتی، یہ بڑوں کی روایتیں ہیں جو معاشرے میں سرایت کر چکی ہیں۔ بیرون ملک بیٹھا غدار مسخرہ جیسے انٹرویو دے رہا ہے 1999 والی صورت حال ایک بار پھر واپس آتی نظر آ رہی ہے جب پورا ملک ایک جیل بن گیا تھا۔
رہی حشر کی بددعائیں تو جنرل یحیی، جسٹس منیر اور جنرل مشرف کے ساتھ حشر ہونے سے بہتر ہے انسان سیاست دانوں کے ساتھ اٹھایا جائے، جو عوام میں سے ہوتے ہیں، ان کی آواز ہوتے ہیں۔ ان کے ڈبے میں سیاسی بحث اور نعرے لگانے کی تو آزادی ہو گی۔

 

آپ نے خود ان لوگوں کی حمایت کرکے آج اپنے آپ کو اس مقام پر لا کھڑا کیا ہے جب ہم آپ سے سوال کرنے پر مجبور ہیں کہ ایسی کیا مجبوری ہے کہ ان کی حمایت کر رہے ہیں؟ کیا یہ راستہ ٹھیک ہے ؟ کیا ہمیں اللہ کافی نہیں کہ ہمیں ایسی سیڑھی کی ضرورت پڑی ؟

اور بارہا جرنیلوں والا نقطہ اٹھا کر یہ تاثر نہ دیں کہ میں ان غلیظ لوگوں کا حمایتی ہوں ۔ میں تو ان سپاہیوں کا حمایتی ہوں جو ہمارے لئے اپنی جان داو پر لگائےحدوں پر کھڑے ہیں ۔

 

سیاسی عدم استحکام پیدا کرنے والوں کو اب بہت سکون ہو گا جب سارا ملک بند پڑا ہے۔
حافظ سعید صاحب نے نظر بندی ختم ہوتے ہی فرمایا ہے کہ نواز شریف کو وطن سے غداری کی سزا ملی۔ اس سے عدلیہ کے اس شفاف فیصلے کی حقیقت مزید واضح ہو گئی ہے۔
چند مہینوں میں ہی اب یہ وطن دوسرے اور تیسرے درجے کے سیاسی رہنماؤں کے رحم و کرم پر ہے۔ دنیا بھی تماشائی ہے ہم بھی۔