تیرے حالات نے کیسی تری صورت کردی۔۔۔

السلام علیکم ورحمتہ اللہ
ہندوستان کی طرح پاکستان نے بھی اردو شاعری کو ایسے ایسے کہنہ مشق اور اپنے فن میں ماہر ادیب دیئے ہیں جو کسی طور ہندوستانی شعراء سے کم نہیں۔۔۔ان میں سے ایک نام ماضی قریب کے عظیم شاعر اور ادیب جناب احمد ندیم قاسمی مرحوم کا ہے راقم الحروف کو مشہور شاعر احمد فراز اور احمد ندیم قاسمی مرحوم جیسے قدآور شخصیات سے براہ راست بہت کچھ سیکھنےکا اعزاز حاصل ہے۔۔۔
آج آپ کی خدمت میں اپنے اُستادِ محترم جناب احمد ندیم قاسمی مرحوم کی ایک عمدہ غزل پیش کرتا ہوں۔۔
ملاحظہ فرمائیں۔۔۔

جب تیرا حکم ملا ، ترکِ محبت کر دی
دل مگر اس پہ وہ دھڑکا کے قیامت کر دی

تجھ سے کس طرح میں اظہارِ تمنا کرتا
لفظ سوجھا تو معانی نے بغاوت کر دی

میں تو سمجھا تھا کے لوٹ آتے ہیں جانے والے
تُو نے تو جا کے جدائی مری قسمت کر دی

مجھ کو دشمن کے ارادوں پہ بھی پیار آتا ہے
تیری الفت نے محبت میری عادت کر دی

پوچھ بیٹھا ہوں میں تجھ سے تیرے کوچے کا پتہ
تیرے حالات نے کیسی تیری صورت کر دی

کیا تیرا جسم ، تیرے حسن کی حدت میں جلا ؟
راکھ کس نے تیری سونے کی سی رنگت کر دی ؟

۔۔۔۔احمد ندیم قاسمی مرحوم۔۔۔۔۔

 

بہت اچھا۔۔۔۔۔۔۔۔

 

بہت خوب نعمان بھائی۔

 

زبردست انتخاب نعمان بھائی

 

زبر10

 

اچھا انتخاب

 

بہت ہی عمدہ بہت دلکش انتخاب ہے،
آپ کا بہت شکریہ​

 

بہت خوب

 

بہت عمدہ اور خوب صورت انتخاب​