حمدیہ اشعار کی بیت بازی

بسم الله الرحمن الرحيم
السلام عليكم ورحمة الله وبركاته ​

اس تھريڈ ميں صرف رب كا ئنات كے حمديہ اشعار كى بيت بازى كی جائے گی۔

سروری زیبا فقط اس ذاتِ بے ہمتا کو ہے
حکم راں ہے اک وہی باقی بتانِ آذری ​

اقبال ​

اگلا شعر " ى" سے

 

بہت ہی اچھا سلسلہ شکریہ سسٹر
یہ میرا ایمان ہے میرے خدا تیرے سوا
کوئی داتا ہے نہ کوئی دوسرا مشکل کشا
التفات ایسا کہ آتش بن گئی باغِ خلیل
بے نیازی وہ کہ مقتل ہے زمینِ کربلا

 

ایک ہی صف میں کھڑے ہوگئے محمود و ایاز
نہ کوئی بندہ رہا اور نہ کوئی بندہ نواز
بندہ و صاحب و محتاج و غنی ایک ہوئے
تیرے سرکار میں پہنچے تو سبھی ایک ہوئے

 

یہ حمد ہے؟؟؟؟

ا

ازل ابد كى نوا لا اله الا الله
ہے وِردِ صبح ومسا لا اله الا الله

عليم ناصرى

​

 

ہ
ہے مرا مشن تری جستجو تری شان جلّ جلالہ
تجھے ڈھونڈتا ہوں میں کو بہ کو تری شان جلّ جلالہ​

 

مشن mission تو انگريزی لفظ نہيں تھا؟

 

ہ

ہر کلی ہر ثمر لہلہاتے شجر
چاندنی کہکشاں نوری شمس و قمر
یہ زمیں یہ فلک بلکہ ہر خشک و تر
کر رہے ہیں ثناء سب بہم اے اللہ ​

 

ہے تو ہی قادر مطلق! تو ہی مختار یا اللہ
ہے تو موجود! ہے برحق تری سرکار یا اللہ​

مولانا داؤد راز دہلوی رحمہ اللہ​

 

ہو کر شرمندہ گناہوں سے کبھی سر جھکا تو سہی
وہ ذات کرے گی معاف تجھے،دو اشک بہاتو سہی​

 

یہ سورج چاند کس کی شانِ قدرت کے مظاہر ہیں
کہیں شانِ جلالی ہے ، کہیں شانِ جمالی ہے​

مولانا داؤد راز دہلوی رحمہ اللہ​

 

ے

یہ قرآن مبیں جو مشعل رشد و ہدايت ہے
اسے محفوظ ركھنا تا ابد تيرى ضمانت ہے
ترى مدحت سرائى ميں كروں يہ كيسے ممكن ہے؟
ترى مرہونِ منت اے خدا ميرى ذہانت ہے ​

احمدعلی برقى اعظمى ​

 

بہت اچھا سلسلہ ہے

يا رب تيرے كرم كا كوئى نہیں كنارا
پروردگارِ عالم تيرا ہی ہے سہارا ​

 

الف؟؟؟

 

آبدیدہ ہوں تیرے در پر میں اے ربِّ غفور
معاف کرنا صفت تیری اور میں عصیاں سے چُور
(بقلم خود)

 

رحیم و رحمان صفات اس کی

بڑی کریم ہے ذات اس کی​

 

یہ تاروں کے اشارے آسماں پر کس کی جانب ہیں؟
کوئی ہے چیز ایسی؟ شانِ قدرت سے جو خالی ہے​

مولانا داؤد راز دہلوی رحمہ اللہ​

 

بار الہ تجھ کو ہر شے پکارتی ہے۔
سبحان تیری قدرت قسمت سنوارتی ہے
قوس و قزح میں تو نے وہ رنگ بھر دیئے ہیں
تصویر جن کی چشم فطرت اُتارتی ہے۔​

 

وہ رحیم ہے، وہ کریم ہے، وہ حلیم ہے، وہ عظیم ہے
ملیں ماہتاب و نجوم اگر تو میں روشنی سے لکھا کروں​

 

نظر آنکھ والوں کی حیران ہے
کہ ہر دم تری اک نئی شان ہے
سمندر کو بے بس بناتا ہے تو
سفینوں کو ساحل پہ لاتا ہے تو

 

تو ۔۔۔ و

وہ لے کر تاجِ شاہی کو کسی سرکش شہنشاہ سے
کسی کمزور کو دے کر حکومت بخش دیتا ہے

وہی بے چین رکھتا ہے امیرِ شہر کو شب بھر
یقیں کی سیج پر مفلس کو راحت بخش دیتا ہے

ڈاکٹر محمد شرف الدین ساحلؔ​