انسان کا عمل اس کو خاص بنا دیتا ہے!

﷽
السلام علیکم و رحمة اللہ و برکاتہ

انسان کا عمل اس کو خاص بنا دیتا ہے!
جیسا کہ ہم سب جانتے ہیں کہ دعا عبادت کا مغز ہے اور مومن کا ہتھیار بھی،ہم اپنے لئے،اپنے والدین کے لئے،شوہروں بچوں کے لئے،رشتہ داروں کے لئے اور اپنے استادوں کے لئے ایک قریبی لگاؤ ہونے کی وجہ سےخوب خوب دعائیں کرتے رہتے ہیں-
دوسرے لوگوں کے لئے بھی ہم اکثر دعائیں کرتے ہیں لیکن کبھی کبھی ایسا ہوتا ہے کہ واقعی دل کی گہرائیوں سے ان کے لئے دعا نکلتی ہے اور اس کی وجہ وہ انسان نہیں اس کا وہ عمل ہوتا ہے جو دعا دینے کا سبب بنتا ہے-
پچھلے دنوں مجھے اپنی ایک بہن اپنے کسی دوست(رشتہ دار) کے وہاں درس کے لئے لے گئیں،جب ہم وہاں پہنچے تو ساری عورتیں درود تنجینا پڑھنے میں مشغول تھیں،تین چار بڑے بڑے پیالوں میں دانے تھے اور دو چار عورتیں مسلسل گننے میں لگی ہوئی تھیں خیر حسب عادت میرے دل سے دعا نکلی کہ اللہ ہم سب کو ہدایت دے اور مجھےحکمت دے کہ میں اصل بات پہنچا سکوں،خیر وہ بہن جو مجھے لے گئیں تھیں وہ میری طرف دیکھنے لگیں،میں نے کہا ہم درود ابراہیمی پڑھ لیتے ہیں وہ کہنے لگیں اچھا،ہم دونوں نے درود ابراہیمی پڑھنا شروع کر دیا مگر دوسری ساری عورتیں جن کو تین ہزار درود تنجینا پڑھنے کو کہا گیا تھا وہ چاہ رہی تھیں کہ ہم بھی وہی پڑھیں تاکہ جلدی پورا ہو-
سبحان اللہ جو بہن مجھے لے گئی تھیں وہ اٹھیں اور اپنی ایک بزرگ رشتہ د ار کے پاس جا کر بڑے ادب اور آہستگی سے کہتی ہیں،ہم درود ابراہیمی نہ پڑھ لیں،درود تنجینا کی تو کوئی دلیل بھی نہیں،'"جب ایک بات سمجھ میں ٰآ گئی پھر تو نہیں نہ کرنا چاہیے،"یہ کہتے ہوئے ماشاء اللہ ان کے چہرے پر بڑا اطمینان تھا پھر میری طرف اشارہ کر کے کیا باجی آپ کچھ بتا دیں،میں نے بھی پیار سے وہی بات دہرائی اور درود ابراہیمی کی دلیل اور اجر بتائے جس کو سن کر آدھی سے زیادہ عورتیں درود ابراہیمی پڑھنے کے لئے راضی ہو گئیں-جو بہن مجھے لی گئی تھیں میں نے ان سے کہا کہ آپ خاتوں خانہ سے تو پوچھ لیں جو کچن میں کھانا بنانے میں مصروف تھیں چنانچہ وہ کچن میں ان کے پاس گئی اور ان کوسمجھایا مگر انہوں نے کمرے میں آ کر سب کو کہا یہ میری منت ہے اگر تین ہزار نہیں تو ایک ہزار تک پڑھ لو-
خیر سب بہنیں پھر سے وہی پڑھنے لگیں سوائے اس بہن کے جو مجھے لے گئی تھیں،آخر تک میرے ساتھ درود ابراہیمی پڑھتی رہیں-
میں بتا نہیں سکتی ان بہن کے چہرے پر کتنا سکون و اعتماد تھا،کوئی پریشانی و ڈر نہ تھا کہ یہ سب لوگ مجھ سے ناراض ہو جائیں گے میرے بچوں کی شادیاں کیسے ہونگی، میں اکیلی رہ جاؤں گی وغیرہ جو عموما لوگوں کا مسئلہ ہوتا ہے حالانکہ سب لوگ ان کی کمیونٹی کے تھے اور کچھ تو ان کے رشتے دار بھی تھے-
اور بس اس وقت میرے دل کی گہرائیوں سے ان بہن کے لئے دعا نکلی کہ اے اللہ اس کو اپنے دین کے لئے چن لے جو صرف ایک جملہ کہ کر سب سے عمل میں آگے بڑھ گئی کہ
"جب ایک بات سمجھ میں آ گئی پھر تو نہیں نہ کرنا چاہیئے"
دعا کے لئے کسی انسان کا خاص ہونا ضروری نہیں انسان کا وہ عمل ہے جو اسے خاص بنا دیتا ہے اور دوسروں کے دل سے اس کے لئے دعائیں نکلنے لگتی ہیں
اللہ کرے ہم سب کو بھی اللہ اور اس کے رسولﷺ کی باتیں سمجھ میں آ جائیں اور ہم بھی اس پر عمل کرنے والے بن جائیں آمین
والسلام
یاسمین

 

جزاک اللہ خیرا سسٹر بہت عمدہ شیئرنگ
جزاک اللہ خیرا
اللہ آپ کو ہمیشہ خوش رکھے آمین

 

واقعی سوچنے والی بات ہے۔
جزاک اللہ خیرا سسٹر۔ ماشاءاللہ بہت عمدہ تحریر ہے۔

آمین، ثم آمین۔

 

السلام علیکم و ر حمہ اللہ و برکاتہ،
جزاک اللہ خیرا سسٹر آپ کی تحریر کا بنیادی خیال بہت اچھا ہے۔ مگر یہاں دو باتیں عرض کرنا چاہتا ہوں۔ امید ہے آپ غور فرمائیں گی۔
آپ کی بات بالکل درست ہے کہ درود تنجینا صحیح احادیث سے ثابت نہیں ہے اور اس کا نہ پڑھنا ہی بہتر ہے۔
دوسری بات سسٹر یہ کہ درود ابراھیمی کا پڑھنا باعث اجر و ثواب ہے۔ مگر اس کے ورد کی جو شکل آپ نے لکھی ہے اس کا ثبوت بھی ہمیں نبی پاک صلی اللہ علیہ وسلم کی احادیث سے نہیں ملتا۔ تو یہ عمل بھی بدعت ہوا۔ جس سے ہمیں اجتناب برتنا چاہیۓ۔ یہان بدعت کی مختصر تعریف عرض کردوں کھ "بدعت وہ عمل ہے جسے عبادت سمجھ کر کیا جا‎ۓ مگر اس کا کوئ ثبوت ہمیں نبئ کریم صلی اللہ عیلہ وسلم یا صحابہ کرام کے عمل سے نہ ملتا ہو"۔ تو سسٹر جہاں اس طرح کا عمل ہو رہا ہو جیسے کہ قران خوانی یا درود خوانی وغیرہ تو اس محفل کا حصہ ہی نہین بننا چاہیۓ۔
اللہ تعالی ہم سب کو نبئ کریم صلی اللہ علیہ وسلم کی سنت پر عمل کرنے کی توفیق عطا فرماۓ اور تمام قسم کی بدعات سے محفوظ رکھے ۔ آمین!

 

وعلیکم السلام رحمة اللہ و برکاتہ
جزاک اللہ خیرا سسٹر
اللہ ہمیں دین کی سہی سمجھ اور اس پر عمل کرنے کی توفیق عطا فرمائے آمین

 

بالکل۔ اور لوگوں کو یہ بات دھیرے دھیرے سمجھائی جائے کہ ہر وہ عمل جس پر کتاب و سنت کی مہر نہیں، وہ مردود ہے۔ درود پڑھنا بذات خود کوئی بری بات نہیں بلکہ انتہائی فضیلت والا عمل ہے لیکن باقاعدہ مجالس درود قائم کرنا، اس کا ثبوت کتاب و سنت سے، ہمارے علم میں نہیں!!!
لیکن پہلے لوگوں کو خود ساختہ، اور شرکیہ درود سے تو نجات دلائی جائے!!!!

 

جزاکما اللہ خیرا۔ بہت اچھی بات کی آپ بھائیوں نے۔
لوگ دوسرے خود ساختہ درود کی طرف جاتے ہی اس لیے ہیں کہ بعض اوقات انہیں اصل اور مستند درود ابراہیمی کی اہمیت کا ہی پتہ نہیں ہوتا۔ پھر جب اس کی اہمیت کا نہیں‌پتہ ہوتا تو پھر یہ بھی نہیں‌پتہ چلتا کہ جو خود ساختہ درود وہ پڑھ رہے ہیں، اس کا مطلب، اس کا معانی اور اسکی حقیقت کیا ہے۔ بس ایک گنتی ہوتی ہے جو انہوں‌ نے پوری کرنی ہوتی ہے۔

 

برادر محترم عکاشہ السلام علیکم و رحمہ اللہ و برکاتہ،
میرا خیال ہے کہ آپ نے میری عرض پر غور نہین فرمایا۔ جہاں تک عمل کے خاص ہونے کا تعلق ہے تو میں محترم بہن یاسمین سے سو فی صد متفق ہوں۔ اور ان کے سمجھانے پر ایک بہن نے درود ابراھیمی پڑھنا شروع کر دیا ۔ بہت اچھی بات ہے۔ مگر ایک اور بات ہے جس کی طرف توجہ دلانا ضروری تھا وہ کہ یہ کہیں اس سے پڑھنے والوں کو یہ پیغام نہ جاۓ کہ اس طرح درود ابراھیمی کا مشترکہ ورد کیا جا سکتا ہے۔ اسی لیۓ میں نے یہ بہتر سمجھا کہ یہان یہ بھی بتا دیا جاۓ کہ درود خوانی ایک بدعت ہے چاہے اس میں درود ابراھیمی ہی کیوں نہ پڑھا جا‎ۓ۔
وہ محفل تو بہن یاسمین کے اس تھریڈ سے پہلے ہی اپنے اختتام کو پہنچ گئ ہوگی۔ مگر یہ تھریڈ تو بہت سے لوگوں کی نظروں سے گذرے گا۔ اس لیۓ میرے نزدیک اس عمل کی دینی حیثیت کے بارے میں پڑھنے والوں کو آگاہ کرنا ضروری تھا۔
اگر آپ کو اس بات سے اتفاق ہو تو صرف شکریہ ادا کر دیجیۓ گا۔ و السلام

 

وعليكم السلام ورحمة الله وبركاتہ سسٹر
ايك تو اتنے دن بعد تشريف لانے كا شكريہ ۔
دوسرا اتنى مفيد اور عمل کی دعوت ديتى تحرير شئير كرنے كا بہت بہت شكريہ۔
حسب معمول بہت خوشى ہوئی آپ كو ديكھ كر ـ تحرير صبح پڑھ لى تھی ۔ تبصرہ اب حاضر ہے۔

بالكل درست فرمايا ، الله تعالى ہميں اس علم پر عمل كى توفيق دے جو ہميں نصيب ہوا ہے۔ بھلے دنيا كى نظر ميں خاص نہ ہوں روز حشر خاص ہو جائيں ۔

آمين يا رب العالمين ۔

 

جزاکم اللہ خیرا کثیرا کثیرا آپ سب کا
مجھے بھی بہت خوشی ہوئی آپ سب کا رسپونس دیکھ کہ،کوئی بھی چیز اس لئے نہیں شیئر کی جاتی کہ ہر کوئی ہم سے اتفاق کرے،اللہ نے ھر ایک کو اظہار خیال کی آزادی دی ہے،اختلاف اگر مثبت ہو تو بہت کچھ سیکھنے کو ملتا ہے،الحمد للہ میں نے آپ سب کے جواب سے کافی مثبت باتیں سیکھی-
جواب میں صرف یہ کہوں گی کہ مجھے درس کے لئے بلایا گیا تھا اور انہوں نے کہا تھا پہلے یہ پڑھ لیں پھر درس ہوگا،اگر میں وہاں سے چلی جاتی تو بعد میں مجھے جو دین کے دعوی کرنے کا موقع ملا وہ نہ ملتا،سچویشن کو سنبھالنا بھی تھا اور خود کو بچانا بھی تھا اس لئے بہتر تھا کہ جب تک وہ درود تنجینا پڑھیں ہم درود ابراہیمی پڑھ لیں اور جو کوئی بھی یہ پڑھے گا پورا پڑھے گا کہ ہم وہاں کیوں گئے تھے
ہم گئے تھے بدعت مٹانے اور سنت جگانے الحمد للہ

 

جزاک اللہ خیرا بہن یاسمین۔ اللہ آپ کو اور ہم سب کو یہ توفیق عطا فرما‎ۓ کہ ہم صحیع دین کو سمجھیں اور اس کو دوسروں تک پہنچائیں۔ اس کی آج کے زمانے میں بہت ضرورت ہے۔

 

کافی دنوں بعد جواءن کیا ھے
impress ho gae ho