مزے دار شربت آلو بخارا (Plum shake )

السلام علیکم ورحمۃ اللہ وبرکاتہ

اگر آپ پندرہ منٹ میں مزے دار شربت بنا نا چاہتی ہیں تو آلوبخارے کے شربت کی یہ آسان اور مزے دار ترکیب ضرور آپ کے کام آئے گی۔

​

امیج بشکریہ: ظhttp://www.visportsnutrition.ca/protein-shake-recipes-series-fifteen/
اجزاء:

تازہ آلوبخارا ـــــــــــــــــــــــــــــــــــ ـــــ دس سے بارہ عدد
چینیـــــــــــــــــــــــــــــــــــــــــــ دس چمچ یا حسب ذائقہ
نمک ــــــــــــــــــــــــــــــــــــــــــــ چٹکی بھر
تخم بالنگا یا Sweet basil seeds ــــــــ ایک چمچ
پودینے کے پتے ـــــــــــــــــــــــــــــــ چار سے پانچ
یا
ادرک کا رس ـــــــــــــــــــــــــــــــــــ ایک چمچ چھوٹا
پانی ـــــــــــــــــــــــــــــــــــــــــــــ چھ گلاس

ترکیب :
تخم بالنگا کو ایک پیالی پانی میں بھگو دیں۔
آلوبخارے کے دانے صاف کر کے اس میں سے گٹھلی نکال لیں ۔
پودینے کے پتے باریک پیس لیں۔
اب آلو بخارے ، چینی، نمک ، ایک گلاس پانی اور پودینے کے پتوں کو بلینڈر میں ڈالیں اور شیک کر لیں۔ جگ میں نکال کر باقی پانی اور پھولے ہوئے تخم بالنگا شامل کریں ۔ برف ڈال کر یا ٹھنڈا کر کے پیش کریں۔ شدید گرمی سے متاثر اور ہائی بلڈ پریشر کے مریضوں کے لیے بہت مفید ہے ۔
اہم بات: اس ترکیب میں حسب ذائقہ تبدیلی ممکن ہے ، مثلا اگر آپ کو پودینے کا ذائقہ پسند نہیں تو اس کی جگہ ایک چمچ ادرک کا رس شامل کر لیں۔ اسی طرح آلو بخارے کے ساتھ چند کیلے بھی بلینڈ کیے جا سکتے ہیں، جب کہ آلو بخارا اور فالسہ ملا کر بھی بنایا جا سکتا ہے۔ اسی طرح اگر آلو بخارے کے چھلکے سخت ہوں تو ان کو چھیل لیں، لیکن بہت باریک چھلکا اتاریں تا کہ پھل ضائع نہ ہو۔ بعض لوگ اس میں سوڈا شامل کرتے ہیں لیکن وہ صحت کے لیے بہت نقصان دہ ہے اس لیے قدرتی چیزوں ہی پر اکتفا کیا گیا ہے۔

 

یہ تازہ آلو بخارے سے بنے گا یا سوکھے سے

 

تازہ

 

شکریہ

 

جزاک اللہ خیرا سسٹر

 

جزاک اللہ خیرا
اچهی ترکیب ہے پنجاب میں آلو بخارہ بہت تها کراچی میں کم ہی ہے .افطاری کے لیے اچها مشروب ہے.

 

ہمارے یہاں بھی اب بازار میں آلو بخارا نظر نہیں آیا۔