پسندیدہ مزاحیہ کلام - 1

جہاں‌سلطانہ پڑھتی تھی

وہ اس کالج کی شہزادی تھی اور شاہانہ پڑھتی تھی
وہ بے باکانہ آتی تھی اور بے باکانہ پڑھتی تھی
بڑے مشکل سبق تھے وہ جنکو روزانہ پڑھتی تھی
وہ لڑکی تھی مگر مضمون سب مردانہ پڑھتی تھی
یہی کالج ہے وہ ہمدم جہاں سلطانہ پڑھتی تھی
کلاسوں ‌میں‌ ہمیشہ دیر سے وہ آیا کرتی تھی
کتابوں کے تلے فلمی رسالے لایا کرتی تھی
وہ جب دوران لیکچر بور سی ہو جایا کرتی تھی
تو چپکے سے کوئی تازہ افسانہ پڑھتی تھی
کتابیں دیکھ کر کڑھتی تھی محو یاس ہوتی تھی
تعجب ہے کہ وہ ہر سال کیسے پاس ہوتی تھی
جو علم کو الم ، مولانہ کو ملوانہ پڑھتی تھی
بڑی مشہور تھی کالج میں ‌چرچا عام تھا اسکا
یہاں کالج میں پڑھنا تو برائے نام تھا اسکا
کہ وہ آزاد تھی اور آزادانہ پڑھتی تھی
یہی کالج ہے وہ ہمدم جہاں ‌سلطانہ پڑھتی تھی​

 

کونسا کالج سسڑ۔۔۔۔ہی ہی ہی

بہت خوب

 

سلطانہ کالج فار ویمن:00006:

 

امریکہ کو اگر لفظوں میں لکھا جائے تو کچھ ایسا ہے کہ

زمیں ہموار نہیں
موسم کا اعتبار نہیں
لوگ وفادار نہیں
مذہب سے سروکار نہیں
خلوص سے ہمکنار نہیں
بدلنے کو تیار نہیں
وقت مددگار نہیں
حالات سازگار نہیں
خدا سے شکرگذارنہیں
غرض یہ کہ امریکا کوئی شاہکار نہیں

مگر اسکے باوجود اسمیں کچھ باتیں ایسی ہیں کہ اگر وہ پاکستان میں ہوں‌تو یہ دنیا کا سب سے بہترین ملک بن جائے:
فضول تہوار نہیں‌
رسومات کا مینار نہیں
سڑکوں پر غبار نہیں
بھکاری کا دیدار نہیں
نلکوں کی قطار نہیں
کوئی بندہ بیکار نہیں
پابندئی وقت دشوار نہیں
تعلیم کا دوہرا معیار نہیں
ایجادات کا شمار نہیں
کوئی قانون سے آزاد نہیں

پھر بھی کچھ ایسی باتیں‌ہیں‌جو دل کو تڑپاتی ہیں

غذا مزیدار نیہں
کھانے میں اچارنہیں
گھی کا بھگار نہیں
چوڑیوں کی جھنکار نہیں
بہن کا پیار نہیں
ابا کی پھٹکار نہیں
قائد کا مزار نہیں
اور سب سے بڑھ کر بوریت “اردو کا اخبار نہیں“۔

 

کیا ایڈمیشن اوپن ہیں؟؟؟؟؟؟؟؟

 

بکرے کی شان میں

اے میرے بکرے ،میرے بچے،میرے لخت جگر
اے میری آنکھوں کے تارے ،اے میرے نور نظر

ثانی تیرا لا نہیں سکتی یہ دنیا ،ڈھونڈ لے
“نیل کے ساحل سے لیکر تابخاک کاشغر“

تجھ سا عالیشان بکرا میرے گھر میں دیکھکر
کہہ نہیں سکتا جلیں کے سب پڑوسی کس قدر

گھنگرو تیرے پاوں کے نغمے سناتے ہیں‌ہمیں
تیری“میں میں“کی آواز میں ہے اک سحر

تجھ سا خوش آواز بکرا اور نہ ہوگا کہیں
کوکتی ہے جس طرح کوئل کوئی وقت سحر

تیری کجلائی ہوئی آنکھوں میں رقصاں شوقیاں
بکریوں کے دل کی دھڑکن کو کریں زیرو زبر

بھالے جیسے سینگھ تیرے لگتے ہیں کتنے بھلے
چال شاہانہ تیری، انداز میں ہے کروفر

تیز رفتاری تیری ہرنوں کو شرماتی ہےاور
قد تیرا ایسا کہ جس کو دیکھ کر گھبراہیں خر

تو بروز عید تنہا چھوڑ جائے گا ہمیں
راہ میں اللہ کی اپنی جان کی دیکر نذر

 

نہیں

 

واہ بہت خوب سسٹر

 

بہت خوب ہر طرف سلطانہ ہی سلطانہ.
آپ کی مزید شیئرنگز کا انتظار رہے گا.

 

بہت خوب دلکش سسٹر

مگر سرفراز شاہد کی یہ نظم آپ نے مکمل شیئر نہیں کی چلیں کوئی بات نہیں میں کر دیتا ہوں۔

وہ اس کالج کی شہزادی تھی وہ شاھانہ پڑھتی تھی
وہ بے باکانہ آتی تھی وہ بے باکانہ پڑھتی تھی
بڑے مشکل سبق تھے جن کو وہ روزانہ پڑھتی تھی
وہ لڑکی تھی مگر مضمون مردانہ پڑھتی تھی
یہی کالج ہے وہ ھمدم جہاں سلطانہ پڑھتی تھی
جماعت میں ہمیشہ دیر سے وہ آیا کرتی تھی
کتابوں کے تلے فلمی رسالے لایا کرتی تھی
وہ جب دوران لیکچر بور سی ہو جایا کرتی تھی
تو چپکے سے کوئ تازہ ترین افسانہ پڑھتی تھی
یہی کالج ہے وہ ہمدم جہاں سلطانہ پڑھتی تھی
کتابیں دیکھ کر کڑھتی تھی محو یاس ہوتی تھی
بقول اس کے کتابوں میں نری بکواس ہوتی تھی
تعجب ہے کہ وہ ہر سال کیسے پاس ہوتی تھی
جو علم‘ علم کو مولانا کو “ملوانا“ پڑھتی تھی
یہی کالج ہے وہ ھمدم جہاں سلطانہ پڑھتی تھی
عجب انداز کے عشاق تھے اس ہیر کے مامے
کھڑے رہتے تھے پھاٹک پر کئ ماجھے گامے
جو اس کے نام پر کرتے تھے جھگڑے اور ہنگامے
وہ اس طوفان میں رہتی تھی طوفانانہ پڑھتی تھی
یہی کالج ہے وہ ھمدم جہاں سلطانہ پڑھتی تھی
وہ سلطانہ مگر پہلی سی سلطانہ نہیں یارو
سنا ہے کوئ بھی اب اس کا دیوانہ نہیں یارو
کوئ اس شمع خاکستر کا پروانی نہیں یارو
خود افسانہ بنی بیٹھی ہے جو افسانہ پڑھتی تھی
یہی کالج ہے وہ ھمدم جہاں سلطانہ پڑھتی تھی

 

مزہ آجائے

حلوہ گاجر کاجو لائے تو مزہ آجائے
ایسا مہمان گھر آئے تو مزہ آجائے
ان کے کلُے میں ہے پیک اور عدوسامنے ہے
چھینک ایسے میں جو آئے تو مزہ آجائے
بن کے پامسٹ میں‌ بیٹھا ہوں دری پر سرراہ
کاش وہ ہاتھ دکھائے تو مزہ آجائے
کیسے لڑتی ہیں نگاہیں ہمیں معلوم تو ہو
کالا چشمہ وہ ہٹائے تو مزہ آجائے
بل وصولی کے لیے در پر گوالا ہے کھڑا
میرا کتا اسے کھائے تو مزہ آجائے
سر پر عاصی وہ رضائی لئے گھر کو ہیں رواں
بارش ایسے میں جو آجائے تو مزہ آجائے

 

ہاہاہاہا سسٹ بہت ہی عمدہ۔۔۔۔۔۔بہت خوب۔۔۔۔۔
اچھا جب ایسا مہمان آئے تو ہمیں بھی بتانا۔۔۔ہی ہی ہی

 

بہت خوب

 

بہت خوب سسٹر

 

ہاں‌بس بقر عید آیا ہی چاہتی ہے نا اسلیے بکرے ہی نظروں‌میں‌گھوم رہے ہیں۔

 

ٹھیک ہے ملکر گت بنایئں گے۔ہی ہی ہی

 

غمگین حصہ حزف کر دیا تھا،یہ ‌طنز و مزاح پر مبنی شعری تخلیقات کا سیکشن ہے نا۔۔ویسے آپ کا بہت بہت شکریہ۔

 

راہ خدا میں‌جو قربان ہو گیا بکرا

راہ خدا میں‌جو قربان ہو گیا بکرا
تو میری نظم کا عنوان ہو گیا بکرا

غریب شخص کی مہنگائی نے کمر توڑ دی
امیرِشہر کی پہچان ہو گیا بکرا

کھلی فضاؤں کا عادی تھا گاؤں‌میں‌ کل تک
شہر پہنچ کر پریشان ہو گیا بکرا

سجایا ہاروں سے جس وقت یہ معلوم ہوا
کہ چند روز کا مہمان ہو گیا بکرا

وہ بقر عید کا دن اور قصائی کے نخرے
یہ بات دیکھکر حیران ہو گیا بکرا

 

بہت خوب سسٹر