حضرت زینب بنتِ مظعون رضی اللہ عنہا

حضرت زینب بنتِ مظعون رضی اللہ عنہا​

ان کا تعلق بنی جمح سے تھا۔ ابن اثیر نے شجرہ نسب یوں لکھا ہے:
زینب بنت مظعون بن حبیب بن وہب بن حذافہ بن جمح بن عمرو بن ہصیص بن کعب بن لوّیَ بن غالب۔
کعب بن لوّیَ پر ان کا سلسلہ نسب رسول اللہ صلی اللہ علیہ وسلم کے نسب نامہ سے مل جاتا ہے۔
سیّدنا عمر بن خطّاب رضی اللہ عنہ سے نکاح ہوا اور غالباً انہی کے ساتھ (سنہ 6 بعد بعثت میں) نہایت نامساعد حالات میں شرف اسلام سے بہرہ ور ہوئیں۔
اپنے جلیل القدر شوہر کے ساتھ ہی سنہ 13 بعد بعثت میں مدینہ منورہ کی طرف ہجرت کی۔ اس کا ثبوت حضرت عمر فاروق رضی اللہ عنہ کی اس روایت سے ملتا ہے جس میں وہ اپنے فرزند حضرت عبداللہ رضی اللہ عنہ کی نسبت فرماتے ہیں کہ ’’ان کو تو ان کے والدین نے اپنے ساتھ لے کر ہجرت کی تھی۔‘‘
فقیہ اسلام حضرت عبداللہ بن عمر رضی اللہ عنہ اور امّ المؤمنین حفصہ بنت عمر رضی اللہ عنہا، حضرت زینب بنت مظعون ہی کے بطن سے تھے۔ ان کے تین بھائیوں حضرت عثمان بن مظعون، حضرت عبداللہ بن مظعون اور حضرت قدامہ بن مظعون رضی اللہ عنہم کا شمار جلیل القدر صحابہ میں ہوتا ہے۔ تینوں سابقین الاوّلین اور اصحابِ بدر میں سے ہیں۔
حضرت زینب بنت مظعون رضی اللہ عنہا کے سال وفات کا پتہ نہیں چلتا۔ ایک روایت میں ہے کہ وفات کے وقت وہ مکہ معظمہ میں تھیں۔ واللہ عالم بالصّواب۔

رضی اللہ تعالیٰ عنہا​

 

جزاک اللہ خیرا ،

شکریہ ، ان محترم ہستیوں سے روشناس کرانے کا .

 

جزاک اللہ خیرا۔