زندگی کے یہ پل

زندگی میں نشیب و فراز سے ہی زندگی کا اور ہمیں اپنے زندہ ہونے کا یقین آتا ہے
اکژ حادثات کے بعد ہم گمان کرنے لگتے ہین کہ سب ختم ہوگیا ہے اور ہم کمزور پڑ گئے ہیں لیکن پھر کہیں سے کوئی ضرورت پکارتی ہے تو ہم کمر کس کر اپنی ضروریات کے حصول کے لئے راہیں تلاش کرنے لگ جاتے ہین
کسی عزیز کا بچھڑ جانا ہمیں نڈھال کر جاتا ہے لیکن اس کے جانے کے دوسرے دن ہی غم روزگار ہمیں یاد آ جاتا ہے اور ہم اس میں مگن ہو جاتے ہیں

پتہ نہیں کیوں ہم نے اپنی ضروریات و خواہشات کو بہت بڑھا کیوں لیا ہے جبکہ ہم جانتے بھی ہیں کے یہ متاع دنیا ہے
زندگی میں ہلچل اتنی آگئی ہے کہ فضول کی سوچوں اور کاموں میں الجھ کر ہم لوگ حقوق اللہ کے ساتھ ساتھ حقوق العباد کو بھی نظر انداز کر رہے ہیں ہمارے پاس ٹائم نہیں کہ کسی بیمار کی خبر گیری کر کے نیکیاں حاصل کر لیں
ہمارے پاس ٹائم نہیں کہ کسی کے عزیز کی رحلت پر اس کو حوصلہ دے دیں
اور نہ ہی اتنا ٹائم کہ جنازہ جا رہا ہے تو ساتھ جا کر نماز جنازہ ہی ادا کر لیں کیوں کہ ہم نے یہ کب سوچنا ہے کہ کیا پتا قبرستان میں آنے والا اگلا جنازہ میرا ہی ہو

ہم بہت مصروف لوگ ہیں لیکن اس سب سے قطع نظر اے لوگو

آو ان مصروفیات کو ترک کر کے قال اللہ و قال رسول اللہ صلی اللہ علیہ و آلہ وسلم کہ صدائیں بلند کریں اور دنیا و آخرت میں کامیاب ہو جائیں
آو اس سے پہلے کے یہ قیمتی وقت گزر جائے

دعا کریں اللہ مجھے اور آپکو عالم با عمل بنائے ​

 

آمین

 

جزاک اللہ خیرا

آمین

 

جزاک اللہ خیرا ماہا سسٹر

 

جزاک اللہ خیرا ماہا سسٹر۔ بہت عمدہ بات۔