مِری شاعرہ کوئی اور ہے

میں تو شعر ہُوں کسی اور کا،مِری شاعرہ کوئی اور ہے
نہ ردیف تھوڑا سا مختلف،نہ ہی قافیہ کوئی اور ہے

میں تو سمجھی میرا جمال ہے،جسے شاعری میں کمال ہے
مُجھے پاس جا کے خبر ہُوئی کہ یہ کلمُووا کوئی اور ہے

مجھے ایک چڑیل نے آ لیا،تبھی جا کے مجھ کو خبر ہُوئی
مجھے جس میں چِلاّ تھا کاٹنا وہ تو دائرہ کوئی اور ہے

وہ اپنے صحن میں تھی کھڑی،مَیں بھی اپنی چھت پہ کھڑا رہا
ذرا دِن چڑھا تو پتہ چلا کہ وہ دِل رُبا کوئی اور ہے

یہ تو بِل ہے بجلی کا،گیس کا،جو تھما گیا مِرے ہاتھ میں
مُجھے لا کے جس نے دیا تھا خط،وہ تو ڈاکیا کوئی اور ہے

میں چلا تھا جانبِ شُوگراں،تو پتہ چلا کہ ہُوں لودھراں
مجھے راستے میں خبر ہُوئی، میرا راستہ کوئی اور ہے

مُجھے اپنے جال میں پھانس کر،جو بنا رہا بڑا معتبَر
مُجھے مُفت میں جو پھنسا گیا،وہ فراڈیا کوئی اور ہے
​

 

۔

 

شکریہ بھائی۔ بہت شکریہ

 

ما شا ء اللہ آصف بھائی

 

وہ دلنواز ہے نظر شناس نہیں
میرا علاج میرے چارہ گر کے پاس نہیں

تڑپ رہے ہیں زباں پر کئی سوال مگر
میرے لئے کوئی شایانِ التماس نہیں

تیرے اجالوں میں بھی دل کانپ کانپ اٹھتا ہے
میرے مزاج کو آسودگی بھی راس نہیں

کبھی کبھی جو تیرے قرب میں گزرے تھے
اب ان دنوں کا تصور بھی میرے پاس نہیں

گزر رہے ہیں عجب مرحلوں سے دیدہ و دل
سحر کی آس تو ہے زندگی کی آس نہیں

مجھے یہ ڈر ہے کہ تیری آرزو نہ مٹ جائے
بہت دنوں سے طبیعت میری اداس نہیں

 

خواہش ہو اگر تیری ہو کام فٹا فٹ
اے دوست میری میز پہ رکھ دام فٹافٹ

دولت بھی عجب چیز ہے اس دور میں بھیا
محبوب بھی آتا ہے لب بام فٹافٹ

جو یا کی فرمائیشیں پوری نہیں کرتا
وہ عشق میں ہو جاتے ہیں ناکام فٹافٹ

گفتار کے غازی ہو تو بن سکتے ہو لیڈر
تقریروں سے پبلک کو کرو رام فٹافٹ

عید آئی کہ آئی ہے مری شامت اعمال
ہر شخص طلب کرتا ہے انعام فٹافٹ

تنقید تو کرتے ہو ضیاء یہ بھی سمجھ لو
ہو جاؤ گئے تم شہر میں بدنام فٹافٹ

ضیاءالحق قاسمی

​

 

چل انشاءاپنے گاؤں میں

یہاں اُلجھے اُلجھے روپ بہت
پر اصلی کم، بہروپ بہت
اس پیڑ کے نیچے کیا رکنا
جہاں سایہ کم ہو، دھوپ بہت
چل انشاءاپنے گاؤں میں
بیٹھیں گے سکھ کی چھاؤں میں

کیوں تیری آنکھ سوالی ہے؟
یہاں ہر اِک بات نرالی ہے
اِس دیس بسیرا مت کرنا
یہاں مفلس ہونا گالی ہے
چل انشاءاپنے گاؤں میں
بیٹھیں گے سکھ کی چھاؤں میں

جہاں سچے رشتے یاریوں کے
جہاں گھونگھٹ زیور ناریوں کے
جہاں جھرنے کومل سکھ والے
جہاں ساز بجیں بِن تاروں کے
چل انشاءاپنے گاؤں میں
بیٹھیں گے سکھ کی چھاؤں میں​

 

میری محبت کو اپنے دل میں ڈھونڈ لینا
اور ہاں! آٹے کو اچھی طرح گوندھ لینا

مل جائے اگر پیار تو کھونا نہیں
پیاز کاٹتے وقت رونا نہیں

مجھ سے روٹھ جانے کا بہانہ اچھا ہے
تھوڑی دیر اور پکاؤ، گوشت ابھی کچا ہے

مل کے پھر خوشیوں کو بانٹنا ہے
ٹماٹر ذرا باریک ہی کاٹنا ہے

لوگ ہماری محبت سے جل نہ جائیں
چاول ٹائم پہ دیکھ لینا کہیں گل نہ جائیں

کیسی لگی غزل، بتا دینا
نمک کم لگے تو اور ملا دینا۔
​

 

ہر ایک عہد میں زنده ہے میر کا مصرعہ
کسی سے جس کی صداقت ڈھکی چھپی نہ رہی
نظامِ برق لیا واپڈا نے ہاتھوں میں
"پھر اس کے بعد چراغوں میں روشنی نہ رہی"

​