وہ کہتے ہیں ہمیں لڑکا تھوڑا آوارہ چاہیئے

ڈوبتے ہوئے تنکے کا اشارہ چاہیئے
شادی کے لیئے بس اماں کا اشارہ چاہیئے

ہزار نقص نکالتی ہیں لڑکی کے چہرے میں
کوئی ان سے پُوچھو ! کیا ستارہ چاہیئے

چار سوٹوں سے بات نہیں بنے گی
ساتھ میں ایک کھٹارا چاہیئے

بہت سمجھایا کہ لڑکی ہے یہی بہتر
مجھے بھی تو گناہوں کا کفارہ چاہیئے

ہر ریٹ میں ملتے ہیں ، کہیئے کیا لجیئے گا
دولہا ، شادی شدہ یا کنوارا چاہیئے

پے منٹ کر کے اب تم بھی کہہ سکتے ہو
اب تو ہمیں داماد ہمارا سارا چاہیئے

تم بھی سُن لو لڑکی والوں یہ داستاں
پھر نہ کہنا ہمیں انٹرویو دوبارہ چاہیئے

اب تو راہ گذر میں آکر پڑ گیا ہوں
لے چلو جس کو یہ بیچارہ چاہیئے

کیوں دکھائی لڑکی والوں کو شرافت تم نے
وہ کہتے ہیں ہمیں لڑکا تھوڑا آوارہ چاہیئے

 

بقول اکبر الٰہ آبادی

نہیں پُرسش اس کی کہ یاد اللہ کتنی ہے
سب یہی پوچھتے ہیں کہ آپکی تنخواہ کتنی ہے

 

ہا ہا ہا
یہ تو پھر بھی مہذب طریقہ تھا………

 

بہت خوب.

 

ویسے مزاح اپنی جگہ لیکن یہ ایک اہم نقطہ ہے

کہ لڑکی والے اور لڑکے والے دونوں کی ہی ڈیمانڈز بہت زیادہ ہونے لگ گئی ہیں۔ اپنے اللہ اور رسول کے کتنے قریب ہے اس کی پروا نہیں‌ بس تنخواہ ہو اچھی گاڑی ہو اپنا گھر ہو ، اور لڑکے جہیز کی لالچ امیر گھر کی لرکی سے شادی ہو لڑکی نہ ہو کوئی پری مل جائے اُففففففففففففففففففففففف

 

السلام علیکم

بہرحال کوئی کتنا بھی کچھ بھی کہلے ، لیکن عملی کیا دیندار اور کیا بے دین۔۔۔!!! جو چیزیں‌مشاہدہ میں‌آرہی ہیں اللہ کی پناہ۔

لڑکوں‌کے ڈیمانڈز ستارہ سے لیکر، فقیری کی بلندیوں‌کا چھونا ہے، تو لڑکی کا ڈیمانڈ، مالی آسودگی کی انتہا ۔۔۔! اب ایسے میں شاذ و نادر، ان سے ہٹکر کچھ آٹی ٹیوڈز نظر آجائیں‌تو بھلا ہو، ورنہ ۔۔۔۔ایک چھوٹی سے اسٹڈی کے مطابق (۔۔۔۔۔کوئی ایک شہر) میں‌ مہذب اور دیندار طبقہ بھی اس لعنت میں‌مبتلا ہے کہ وہاں‌25، 25 اور 50-50 گھروں‌میں جاکر چاند کی تلاش کی جاتی ہے، تو لڑکی والے بھی پیچھے نہیں‌ہیں، وہ بھی ایسے ایسے نقائص نکال رہے ہیں‌کہ۔۔۔لڑی بنا داڑھی کے ہو، اسمارٹ ہونے کے ساتھ ساتھ، صحت کے حوالے سے اسپورٹنگ ہو، مزاجا ایسا ہو کہ شادی کے بعد، لڑکی کے اشاروں‌پر چلے۔۔۔!!! دونوں‌جانب شیطانی ہتھکنڈے ہیں، جبکہ رشتے آسمان پر بنتے ہیں‌اور بنیاد دین ہو، اور عملی طور پر یہ بھی یہی چیز اختیار کی جائے۔۔۔۔۔!!! بہت ہی کم دیکھنے اور سننے کو مل رہا ہے۔۔۔!!! ویسے نتائج سامنے ہیں۔۔۔!!! یہ دنیوی اسٹانڈرز کے بعد، خلع اور طلاق کا ریشیو بھی بہت ہی ترقی پذیر ہوگیا ہے۔۔۔"ادھر شادی ہوئی" ادھر "مزاجوں‌کا تضاد" اور پھر آنا فانا۔۔۔خلع یا طلاق۔۔۔!!! "گڑی گڈے کا کھیل" ہے نہ خوف خدا ہے، اور نہ انسانیت ۔۔۔!!! بس دنیوی لذتوں‌کے حصول کے لئے شیطان کے بہلاوے اور پھسلاوے کا شکار۔۔۔

 

یقینا بھائی یہ سب کچھ غلط ہے لیکن لوگ اپنی اس حرکت پر پشیمان ہونے کی بجائے فخر سے سب یہ کرتے پھرتے ہیں اس کی خاص وجہ کیا ہے بھائی ؟ صرف اور صرف علم کی کمی اور اپنے اللہ سے دوری اور کچھ بھی نہیں۔

 

سچ کہا ساجد بھائی آپ نے۔ اللہ ہم سب رحم فرما دے۔ آمین۔