نعت حي علی خیر العمل

حي علی خیر العمل
آنکھيں بچھا پيروں تلے
جن پر ميرے آقا ﷺ چلے
چل تو بھی ان راہوں پہ چل
حي علی خیر العمل

اپنی طرف تکتا نہيں
تجھ سا کوئی يکتا نہيں
جھونکا کسی طوفان کا
تجھ کو بجھا سکتا نہيں
کر بيعت عشق و وفا
بن جا چراغ مصطفی ﷺ
سینے ميں جل
ہاتھوں پہ جل
حي علی خیر العمل

جب فرض تجھ کو ياد ہے
پھر تجھ پہ کيوں افتاد ہے
شاگردئ دنيا نہ کر
تو وقت کا استاد ہے
دل سرور ديں ﷺ سے لگا
آنکھيں نہيں قسمت جگا
چہرہ نہيں شيشہ بدل
حي علی خیر العمل

سارے صنم مسمار کر
خير البشر ﷺسے پيار کر
رکھ کر نبی کو سامنے
آرائشِ کردار کر
اپنائے گی رحمت تجھے
مل جائے گی جنت تجھے
اپنے عذابوں سے نکل
حي علی خیر العمل

کیوں سرد ہے تیرا لہو
مایوس کیوں اتنا ہے تو
قرآن کی آواز میں
سن نغمہء لا تقنظوا
تجھ میں تو اس کی باس ہے
جس جان حق ﷺ کے پاس ہے
تیری ہر اک مشکل کا حل
حي علی خیر العمل

سینے میں وہ شمعیں ڈھلیں
جو قبر کے اندر جلیں
سِکّے وہ اپنے پاس رکھ
جو آخرت میں بھی چلیں
اندر سے بھی ہو جا ہرا
کھلنے سے پہلے مسکرا
گرنے سے پہلے ہی سنبھل
حي علی خیر العمل

شاعر : مظفر وارثی​

 

جزاک اللہ خیرا۔ شئرنگ کا شکریہ سسٹر

 

جزاک اللہ خیرا

 

وایاکم

 

بہت عمدہ سوائے ایک مصرعے کے

 

جزاک اللہ خیرا

 

جزاک اللہ خیرا

 

شکریہ
مستى عشق مصطفىﷺ قريہ بہ قريہ كُو بہ كُو - URDU MAJLIS FORUM

بعض لوگوں کو اسی نعت کے ایک مصرعے میں شیعیت کی تبلیغ بھی مل گئی تھی۔ اپنا اپنا نقطہ نظر ہے۔

 

میرا سوال عقیدہ توحید پر آج بھی قائم ہے۔ ادھر ادھر دیکھنے کی بجائے جواب عنایت فرمائیں