پسندیدہ مزاحیہ کلام - 2

یہ نہ تھی ہماری قسمت کے وصول ادھار ہوتا​

(مرزا غالب کی شاعری پسند کرنے والوں سے معذرت کے ساتھ)

یہ نہ تھی ہماری قسمت کے وصول ادھار ہوتا
“اگر اور جیتے رہتے یہی انتظار ہوتا“

کہا میں نے میں‌ہوں‌ٹیچر تو نکاح‌مجھ سے کرلے
کہا اس نے کر ہی لیتی جو تو تھانے دار ہوتا

تیری ویزا لاٹری کو یہ سمجھ کے جھوٹ جانا
“کہ خوشی سے مر نا جاتے اگر اعتبار ہوتا“

یہ کہاں کا امتحاں ہے کہ سبھی ممتحن ہیں ناصح
“کوئی چارہ ساز ہوتا کوئی غمگسار ہوتا“

جو ہماری ڈیڈ باڈی کہیں چیل کوے کھاتے
“نہ کبھی جنازہ اٹھتا نہ کہیں مزار ہوتا“

غم عشق ہی بھلا ہے کہ بلا کا ہوں نکھٹو
“:غم عشق اگر نہ ہوتا غم روزگار ہوتا“

تیرا ناز تیرا عاصی بڑے شوق سے اٹھاتا
جو یہ ہر مہینے جاناں فقط ایک بار ہوتا۔

مرزا عاصی اختر

 

بس یہ ایک شعر اچھا ہے

تیرا ناز تیرا عاصی بڑے شوق سے اٹھاتا
جو یہ ہر مہینے جاناں فقط ایک بار ہوتا۔

باقی بس ٹھیک ہی ہیں

خیر شئرنگ کا تو شکریہ لے لیں!!!!!!!!!!

 

مزاحیہ غزل

معشوق جو ہے ٹھگنا تو عاشق بھی ہے ناٹا
اس کا کوئی نقصان نہ اسکا کوئی گھاٹا

تیری تو نوازش ہے کہ تو آگیا ہے لیکن
اے دوست میرے گھر میں نہ چاول ہے نہ آٹا

لڈن تو ہنی مون منانے گئے لندن
چل ہم بھی کلفٹن پہ کریں سیر سپاٹا

تم نے تو کہا تھا کہ چلو ڈوب مریں ہم
اب ساحل دریا پہ کھڑے کرتے ہو ٹاٹا

عشاق رہ عشق میں محتاط رہیں گے
سیکھا ہے حسینوں نے بھی اب جوڈو کراٹا

کالا نہ سہی لال سہی تل تو بنا ہے
اچھا ہوا مچھر نے تیرے گال پہ کاٹا

اس روز سے میں نے اس کو چھیڑا تو نہیں تھا
جس روز سے ظالم نے جمایا ہے چماٹا

جب اس نے بلایا تو ضیاء چل دیئے گھر سے
بستر کو رکھا سر پہ لپیٹا نہ لپاٹا

 

تم نے تو کہا تھا کہ چلو ڈوب مریں ہم
اب ساحل دریا پہ کھڑے کرتے ہو ٹاٹا


واہ کیا کہنے، مکرر! مکرر!

 

بہت ذبر دست............. انور مسعود شنہشاہِ مزاح ہیں نا!!!!!!!!!!

 

بہت خو ب

 

:00010: میں تو اسے ضیاءالحق قاسمی کی سمجھ رہی تھی۔واللہ

 

او سوری واقعی شاید یہ قاسمی صاحب کی ہے............... مممممممممم کنفیوژن!!!!!!!!!!!!!!!

 

ہے آپکے ہونٹوں پہ جو مسکان وغیرہ

ہے آپکے ہونٹوں پہ جو مسکان وغیرہ
قربان گئے اس پہ دل و جان وغیرہ

بلی تو یونہی مفت میں بدنام ہوئی ہے
تھیلے میں تو کچھ اور بھی تھا سامان وغیرہ

بے حرص و غرض فرض ادا کیجئے اپنا
جس طرح پولیس کرتی ہے چالان وغیرہ

اب ہوش نہیں کوئی کہ بادام کہاں ہے؟
اب اپنی ہتھیلی پہ ہیں دندان وغیرہ

کس ناز سے وہ نظم کو کہہ دیتے ہیں نثری
جب اس کے خطا ہوتے ہیں اوسان وغیرہ

جمہوریت اک طرز حکومت ہے کہ جس میں
گھوڑوں کی طرح بکتے ہیں انسان وغیرہ

ہر شرٹ کی بشرٹ بنا ڈالی ہے انور
یوں چاک کیا ہم نے گریبان وغیرہ

 

واہ واہ................. گریٹ!!!!!!!!!
ہر شرٹ کی بشرٹ بنا ڈالی ہے انور
یوں چاک کیا ہم نے گریبان وغیرہ

 

گر تو برا نہ مانے

بجٹ میں نے دیکھے ہیں سارے تیرے
انوکھے انوکھے خسارے تیرے

اللے تللے ادھارے تیرے
بھلا کون قرضے اتارے تیرے

گرانی کی سوغات حاصل میرا
محاصل تیرے ، گوشوارے تیرے

مشیروں کا جمگھٹ سلامت رہے
بہت کام جس نے سنوارے تیرے

میری سادہ لوحی سمجھتی نہیں
حسابی کتابی اشارے تیرے

کئی اصطلاحوں میں گوندھے ہوئے
کنائے تیرے ،، استعارے تیرے

تو اربوں کی ،کھربوں کی باتیں‌کرے
عدد کون اتنے شمارے تیرے

تجھے کچھ غریبوں کی پروا نہیں
وڈیرے ہیں پیارے ،، دلارے تیرے

ادھر سے لیا کچھ ادھر سے لیا
یونہی چل رہے ہیں ادارے تیرے

 

ایک جدید ترین نظم

فرشتوں نے پرچھائیاں اوڑھ لی ہیں
درختوں‌کی شاخوں پہ ناخن اگے ہیں
اس آوارہ خوشبو کو زنجیر کرلو
کہ سم سم کھلے
وہ برگد سے لٹکی ہوئی آنکھ دیکھو
ادھر بھی نظر ہو
کہ چائے کی پیالی میں سگریٹ کی دو چار لاشیں پڑی ہیں
ازل سے دما دم چلی آرہی ہے
میرے پیچھے پیچھے

یہی کان سے سونگھنے کی تمنا
یہی آنکھ سے چکھنے چھونے کی خواہش
میں ہوں سربزانو
سر خوانِ یغما
لبوں پر دعا ہے
کہ کوئی تو آئے
شرابوں کو پھر شکل انگور کر دے
کبابوں‌کو بچھڑے میں‌تبدیل کر دے
خدا جانے کب تک
یہ جسموں کے ہینگر
نئے سوٹ لٹکائے پھرتے رہیں گے
اڑا ہے غبارہ
تو کیسا تحیر
یہ کیا معرکہ ہے جو سر ہو رہا ہے
خلا سے خلا تک
سفر ہو رہا ہے!

(انور مسعود)

 

واہ واہ۔۔بہت خوب نظم ہے۔۔۔۔
خدا جانے کب تک
یہ جسموں کے ہینگر
نئے سوٹ لٹکائے پھرتے رہیں گے
سبحان اللہ۔
جزاک اللہ خیر پیاری باجی

 

بہت پیاری نظم ہے۔واقعی معاشرے میں ایسے ہی ہوتا ہے۔
جزاک اللہ خیر

 

:00006: خوب مزاحیہ ہے ماشاءاللہ۔۔۔۔۔ :hehehahahaha:

 

قیس بنی عامر اور لیلی کی ماں

میری لیلی کو ورغلاتا ہے
تیرا مردہ خدا خراب کرے

سوکھ جائے تو بید کی مانند
کبھی تیرے نصیب ہوں‌نہ ہرے

تو گرفتار ہو شہبے میں کہیں
کوئی تیرا نہ اعتبار کرے

تو ڈکیتی میں دھر لیا جائے
دوسروں کے کیے بھی تو ہی بھرے

کسی تھانے میں ہو تیری چھترول
تجھ پر جھپٹیں سپاہوں کے پرے

چاہے بھرکس نکال دیں تیرا
کوئی فریاد پر نہ کان دھرے

تو کچہری میں‌پیشیاں بھگتے
کوئی منصف تجھے بری نہ کرے

نکلے گھر سے تیرے کلاشنکوف
تو پولیس کے مقابلے میں‌ مرے


انور مسعود

 

باز اپنی جفا سے ستم ایجاد نہ آیا

باز اپنی جفا سے ستم ایجاد نہ آیا
حالانکہ اسے شیوہ بیداد نہ آیا

کالج میں‌ہیں خالی کبھی بینچیں‌کبھی کرسی
شاگرد اگر آئے تو استاد نہ آیا

مخلوق خدا آئی ہے کیا کیا نہ جہاں‌میں
آدم سا کوئی صاحب اولاد نہ آیا

لایا جو میری تشنہ لبی کے لیے سوغات
کچھ اسکو بھی چھلنی کے سوا یاد نہ آیا

مجنوں کو شکایت ہے کہ گجرات میں انور
کیوں مرگ مہینوال پہ فرہاد نہ آیا

 

خوب است
زبردست

 

بہترین ہیں آپ کے اشعار
بن گئے آپ بھی شاعر وغیرہ

 

بہت اچھی مزاحیہ شاعری ہے
قاسمی صاحب بہت اچھے مزاح نگار ہیں