ابو سے بدلہ ضرور لوں گا!!

بسم اللہ الرحمن الرحیم
نحمدہ ونصلی علی رسولہ الکریم​

السلام علیکم ورحمۃ اللہ وبرکاتہ

کل کچھ معاملہ میں اپنے والد محترم سے کچھ منہ ماری ہوئی اور میں ذرا گرم ہوا ۔ میرے والد محترم نہایت ہی مخلص اور نرم مزاج نیز برداشت اور صبر کرنے والی شخصیت ہیں۔ اگرچہ مجھے نہیں چاہیے تھا کہ میں اسطرح بات کرتا لیکن کبھی کبھی انسان غصہ میں وہ کچھ کرجاتا ہے جو اس کے گمان میں بھی نہیں رہتا۔ لہذا میں سونے چلا گیا اور رات کو یہی سوچتا رہا کہ آخر میں کس قدر عجیب انسان ہوں کہ اپنے محترم والد جنہوں نے مجھے پالا اور خود کو تکلیف میں رکھ کر بڑا کیا اور ہمیشہ خیال رکھا اور ہماری وجہ سے تکالیف برداشت کرتا گیا۔ اب میں اتنا بھی نہیں‌کرسکتا کہ اتنی سی باتوں پر ان کو برداشت کروں۔ دل میں یہ بھی سوچ رہا تھا کہ اگر میرے والد محترم اس دنیا سے رخصت ہوجائے تو پھر میری کیا حالت ہوگی۔ مجھے خود سے نفرت ہونے لگی اور اسی سوچ میں تھا۔ لیکن اچانک خیال آیا کہ آئندہ کبھی ان سے سخت کلامی نہیں‌کرنی اور ان شاء اللہ ان سے بدلہ ضرور لوں گا۔
اب وہ بدلہ کیا ہے ؟
۔
۔
۔
۔
۔
۔
۔
۔
۔
۔
۔
۔
۔
۔
جب تک زندہ ہیں ان کی خدمت اور بعد از مرگ ان کو کبھی دعاوں میں نہیں‌ بھولوں گا، ان کے نام پر صدقات کروں گا، ان کے نام پر خوبصورت اسلامی اذکار کے مجموعے چھپوا کر تقسیم کروں گا، ان کو کبھی نہیں بھولوں گا، میں اپنے نیک اعمال اور بڑھانے کی کوشش کروں گا کیوں کہ صالح اولاد ماں باپ کیلئے صدقہ جاریہ ہیں۔

آپ سب سے درخواست ہے کہ میرے لیے دعا کریں کہ اللہ مجھے اپنے والدین کی خدمت کی توفیق دے اور میرے لیے راستے کھولے تاکہ ان کی خدمت اچھے طریقے سے کرسکوں۔

اس تھریڈ کو پوسٹ کرنے کا مقصد ان لوگوں کو بھی متنبہ کرنا ہے جو اپنے والدین کی نافرمانی کرتےہیں بالخصوص شادی کے بعد وہ ان کی خدمت نہیں کرتے اور اپنی بیوی کی زیادہ سنتے ہیں۔ کیا ان کے والدین نے ان کیلئے اپنی جوانی کو قربان نہیں کیا؟ اب اللہ نے جب موقع دیا ہے تو ان کی خوب خدمت کرلو ان کو خوب راضی کرو، ان کو ناراض کرنے سے پہلے یہ بھی تو سوچو کہ یہ تو چند دن کے مہمان ہیں۔

اللہ مجھے اور آپ سب کو اپنی والدین کی خدمت کی توفیق عطا فرمائے۔ آمین

 

جزاک اللہ خیر۔ایک انتہائی حساس موضوع!
مالک ذوالجلال ھمیں اپنے ماں باپ کے دلوں کی ٹھنڈک بنا دے۔الھم اٰ مین۔

 

وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً۔ وَاخْفِضْ لَهُمَا جَنَاحَ الذُّلِّ مِنْ الرَّحْمَةِ وَقُلْ رَّبِّ ارْحَمْهُمَا كَمَا رَبَّيَانِي صَغِيراً۔ (بنی اسرائیل 17:23-24)

اور ماں باپ کے ساتھ اچھا سلوک کرو، اگر بڑھاپے کو پہنچ جائیں تیری زندگی میں ان دونوں میں سے کوئی ایک یا دونوں، تو انہیں اف تک مت کہو۔ اور انہیں مت جھڑکو اور جب ان سے بات کرو، تو بڑی تعظیم سے بات کرو، اور جھکا دو ان کے لئے توضع اور انکساری کے پر رحمت (محبت) سے اور عرض کرو، 'اے میرے پروردگار! ان دونوں پر رحم فرما جس طرح انہوں نے بڑی محبت و پیار سے مجھے پالا تھا جب میں بچہ تھا۔

 

‏

آمین یا رب العالمین

 

:f63: :f63: :f63: :f63: :f63: :f63: :f63:

 

جزاک اللہ بھائی

 

حضرت ابو امامہ رضی اللہ عنہ بیان کرتے ہیں کہ ایک شخص نےعرض کیا۔

یارسول اللہ ماحق الولادین علی ولدھما؟ قال ھما جنتک ونارک (ابن ماجہ)
اے اللہ کے رسول صلی اللہ علیہ وسلم! ماں باپ کا اولاد پر کیا حق ہے؟۔ فرمایا تیری جنت ودوزخ وہی دونوں ہیں۔۔۔

یقینا رسول اللہ صلی اللہ علیہ وسلم نے سچ فرمایا۔۔۔ انسان پر اللہ تعالٰی کے حق کے بعد بندوں میں سے سب سے بڑا حق والدین کا حق ہے جس نے والدین کے ساتھ اچھا برتاؤ کیا وہ دنیا وآخرت کے بھلائیاں سمیٹ گیا اور جس نے ان کو ستایا اس کے لئے دنیا وآخرت کی رسوائیاں ہیں۔۔۔

اللہ تعالٰی ہم سب کو والدین کے ساتھ نیک سلوک کرنے کی توفیق دے۔۔۔

رَّبِّ ارْحَمْهُمَا كَمَا رَبَّيَانِي صَغِيرًا
اور ان دونوں کے لئے نرم دلی سے عجز و انکساری کے بازو جھکائے رکھو اور (اﷲ کے حضور) عرض کرتے رہو: اے میرے رب! ان دونوں پر رحم فرما جیسا کہ انہوں نے بچپن میں مجھے (رحمت و شفقت سے) پالا تھا (ربط)

 

ماشاء اللہ بھائی آپ نے پہلی پوسٹ ہی بہت زبردست کی ہے۔۔بارک اللہ فیک

 

[font="al_mushaf"]رضى الرب في رضى الوالد ، و سخط الرب في سخط الوالد
الراوي: عبدالله بن عمرو بن العاص المحدث: الألباني - المصدر: السلسلة الصحيحة - الصفحة أو الرقم: 516
خلاصة حكم المحدث: حسن بجموع الطرق

رسول مقبول صلی اللہ علیہ وآلہ وسلم نے فرمایا :

''اللہ کی رضا والد کی رضا میں ہے اور اللہ کی ناراضگی والد کی ناراضگی میں ہے ''

یہاں ایک اور نکتہ نکلتا ہے آپ کی باتوں سے شاہ جی

وہ یہ کہ ہم اپنی رائے سے اختلاف رکھنے والے ہر کلمہ گو کو یہ '' بہترین '' بدلہ دے اور لے سکتے ہیں

بارك اللہ فیك شاہ جی

آپ کی یہ باتیں ہیرے جواہرات سے قیمتی ہیں کسی نے صحیح کہا ہے نا :

[font="al_mushaf"]ﻓﻠﻮ ﻛﺎﻧَـﺖ ﺍﻟﻘﻴﻤﻪ ﺗﻘﺎﺱ ﺑﺎﻷﻭﺯﺍﻥ ﻟﻜﺎﻧﺖ ﺍﻟﺼﺨﻮﺭ
ﺃﻏﻠﻰ ﻣﻦ ﺍﻷﻟـﻤﺎﺱ[/font][/font]

 

بھائیوں اور بہنوں نے آیات اور احادیث کا اضافہ کرکے موضوع کو چار چند بخش دئیے

 

سنن ابن ماجہ>2291 - حَدَّثَنَا هِشَامُ بْنُ عَمَّارٍ قَالَ: حَدَّثَنَا عِيسَى بْنُ يُونُسَ قَالَ: حَدَّثَنَا يُوسُفُ بْنُ إِسْحَاقَ، عَنْ مُحَمَّدِ بْنِ الْمُنْكَدِرِ، عَنْ جَابِرِ بْنِ عَبْدِ اللَّهِ، أَنَّ رَجُلًا قَالَ: يَا رَسُولَ اللَّهِ إِنَّ لِي مَالًا وَوَلَدًا، وَإِنَّ أَبِي يُرِيدُ أَنْ يَجْتَاحَ مَالِي، فَقَالَ: «أَنْتَ وَمَالُكَ لِأَبِيكَ» [حكم الألباني] صحيح

سنن ابی داؤد> 3530 - حَدَّثَنَا مُحَمَّدُ بْنُ الْمِنْهَالِ، حَدَّثَنَا يَزِيدُ بْنُ زُرَيْعٍ، حَدَّثَنَا حَبِيبٌ الْمُعَلِّمُ، عَنْ عَمْرِو بْنِ شُعَيْبٍ، عَنْ أَبِيهِ، عَنْ جَدِّهِ، أَنَّ رَجُلًا أَتَى النَّبِيَّ صَلَّى اللهُ عَلَيْهِ وَسَلَّمَ، فَقَالَ: يَا رَسُولَ اللَّهِ، إِنَّ لِي مَالًا وَوَلَدًا، وَإِنَّ وَالِدِي يَحْتَاجُ مَالِي؟ قَالَ: «أَنْتَ وَمَالُكَ لِوَالِدِكَ، إِنَّ أَوْلَادَكُمْ مِنْ أَطْيَبِ كَسْبِكُمْ، فَكُلُوا مِنْ كَسْبِ أَوْلَادِكُمْ» [حكم الألباني] : حسن صحيح

زیادہ تو کچھ سمجھ نہیں ہے مجھ کو مگر یہ دو احادیث حاضر خدمت ہیں

 

بہت بہت شکریہ بھائی اعجاز علی شاہ

اچھی نصیحت ہے۔ اللہ تعالی عمل کرنے کی توفیق عطا فرمائے۔

 

اعجاز بھائ اللہ تعالی آپ کے والد کا سایہ آپ کے سر پر تادیر قائم رکھے اور آپ کو اپنے نیک ارادوں اور مقاصد میں کامیاب فرماۓ۔آمین!

 

آمین
حقیقت یہ ہے کہ جب بھی والد محترم سے ایسی صورت حال پیش آتی ہے جو الحمد للہ بہت ہی کم ہوتی ہے پھر ان سے محبت اور بڑھ جاتی ہے اور محبت کا احساس اور زیادہ ہونےلگتا ہے۔

 

[FONT="Al_Mushaf"]اللھم آمین[/FONT]

 

جزاک اللہ خیرا

 

جزاک اللہ خیرا بھائی بہترین شیئرنگ ہے

پوائنٹس

ایسے لوگوں کو شرم آنی چاہیے جو اپنے والدین کے آگے زبان دارزی کرتے ہیں ، انہیں بُرا بھلا کہتے ہیں ، اُن کی نافرمانی کرتے ہیں۔ اللہ تعالی معاف کرے کہتے ہوئے بھی جان نکل جاتی ہے کہ موجود دور میں والدین کے ساتھ بدسلوکی کے ایسے واقعات سننے کو ملتےہیں کہ سُن کر حیران دھنگ رہ جائے۔ جنہوں پال پوس کر بڑا کیا انہی کو در بدر ٹھوکریں کھانے کے لیے چھوڑ دیتے ہیں۔ لیکن جب یہ بچے خود ماں باپ کی حالت میں پہنچتے ہیں تو ایسے ماں باپ بچوںکے آگے بلکتے ہیں پھر وہ اپنے بچوں کو نافرمان اولاد کا خطاب دیتے ہیں لیکن یہ بھول جاتے ہیں کہ ہم نے بھی اپنے والدین کے ساتھ ایسا برتائو کیا جس کی سزا انہیں اپنی اولاد کے نافرمان ہونے سے مل رہی ہے

 

آج جدہ میں فجر کی نمازکے بعد سب بیٹھے ناشتہ کر رھے تھے میں نے اعجاز بھائ کی یہ پوسٹ بچوں کو پڑھ کر سنائ ۔خوش قسمت ھے وہ اولاد جن کو اللہ ماں باپ جیسی نعمت دیتا ھے اور انکی خدمت کرتی ھے اور ماں باپ کی اس سے بڑی خوش قسمتی کوی نہیں آج کے اس پر فتن دور میں اولاد نیک اور فرمانبردار ھو اللہ سب کو ماں باپ کی خدمت کرنے کی توفیق دے آمین اوراولاد کونیک صالح بنادے جو ماں باپ کے لئیے آخرت کے لئیے صدقہ جاریہ بنے آمین

 

بہت اچھا پیغام !
ھمارے ماں باپ کے معاملے میں ھم سے جو کوتاھیاں ھوئیں اللہ تعالی معاف فرمائے اور ھماری اولادوں کو نیک اور فرماں بردار بنائے اور آپکو اپنے ماں باپ کی آنکھوں اور دل کی ٹھنڈک بنائے آمین یا رب العالمین۔

 

میرے پیغام کا مقصد یہ بھی ہے کہ اگر کوئی اپنے ماں باپ کی خدمت ان کی زندگی میں نہ کرسکا تو پھر وہ ان کو وفات کے بعد بھی تو ثواب پہنچا سکتا ہے۔ وہ دعا کرسکتا ہے ، ان کیلئے خیرات کرسکتا ہے ۔ نا امید نہیں ہونا چاہیے