آملہ کے فوائد۔۔ ضرور پڑھیں

السلام علیکم


تمام پھلوں سے زیادہ وٹامن آملہ میں

مثل مشہور ہے کہ آملے کا کھایا اور بزرگوں کا کہا بعد میں پتا چلتا ہے یعنی ان دونوں میں جو فوائد پوشیدہ ہیں وہ آگے چل کر سامنے آتے ہیں۔آملے میں قوت و توانائی کا خزانہ بند ہے۔ جو لوگ آملے کا خوردنی استعمال کریں وہ صحت کے ساتھ لمبی عمر پاتے ہیں۔ آملے کا پھل گول شکل کا ہوتا ہے گودا سخت اور موٹا ہوتا ہے۔ تحقیق کے مطابق اس میں موجود وٹامن سی کی مقدار دنیا کے سبھی پھلوں سے زیادہ ہے۔ یہ وٹامن بہت جلد انسانی بدن میں جذب ہوکر صحت اور قوت مدافعت بڑھانے اور درازی عمر میں معاون ثابت ہوتا ہے۔
غذائی صلاحیت: آملے کی زبردست قدروقیمت اس کے بڑے جزو‘ حیاتین ج کی وجہ سے ہے۔ مزید برآں اس میں کیلشیم‘ فاسفورس‘ فولاد اور وٹامن ب بھی ملتے ہیں۔ آملہ استعمال کرنے کا سب سے بہتر طریقہ یہ ہے کہ اسے نمک کے ساتھ کچا کھایا جائے۔ یوں اس میں موجود حیاتین ج (سی) اور فولاد کم سے کم ضائع ہوتا ہے۔ آملے کے دانے بطور سبزی بھی استعمال ہوتے ہیں۔ یہ عموماً دوا کے کام زیادہ آتا ہے۔
طبی استعمال: پھیپھڑوں کے امراض آملے کے استعمال سے ٹھیک ہوجاتے ہیں۔٭ امراض قلب‘ زور زور سے دل دھڑکنے کی حالت اور کمزور دل حضرات کیلئے آملے کا مربہ مفید ہے۔ ٭ زیادہ پیاس لگنے یا قے آنے کی صورت میں آملہ چوستے رہیے۔ ٭ آملے کا سفوف منجن کے طور پر انگلی سے دانتوں پر ملیے‘ مسوڑھوں سے خون آنا بند‘ دانتوں کا میل صاف اور ہلتے اور دکھتے دانتوں کو آرام ملے گا۔ ٭ آملے کا باریک سفوف اگر چوٹ کے مقام پر چھڑک کر باندھ دیا جائے تو خون بہنا بند ہوجائے گا اور زخم بھی جلد ٹھیک ہوگا۔ ٭ تازہ آملے کا رس ایک چمچ اور ایک چمچ شہد ملا کر جو آمیزہ بنے وہ انتہائی عمدہ اور قیمتی دوا ہے۔ یہ متعدد بیماریوں کا شافی علاج ہونے کے ساتھ ساتھ صحت بخشتی ہے۔ ایک ہفتے تک روزانہ صبح سویرے اس آمیزے کا استعمال جسم کو قوت و توانائی سے بھردیتا ہے۔ شدید کمزوری کی صورت میں اسے دو ہفتے استعمال کیجئے۔ اگر تازہ پھل دستیاب نہ ہو تو خشک سفوف کو بھی شہد میں ملا کر معجون بنالیجئے۔
یہ آمیزہ سانس کی بیماریوں میں بہت مفید ہے۔ خاص طور پر پھیپھڑوں کی تپ دق‘ دمے اور کھانسی میں مؤثر ہے۔
٭ آملہ، تخم جامن اور کریلوں کا ہم وزن سفوف ذیابیطس کی عمدہ دوا ہے۔ اس سفوف کی ایک چھوٹی چمچی دن میں ایک یا دو بار لینا مرض بڑھنے سے روکتا ہے۔ ٭ دس گرام آملہ پانی میں کوٹ کر چھان لیں۔ بعدازاں اس میں مصری یا شکر ملا کر پینے سے نکسیر کا خون بند ہوجاتا ہے۔ اسی طریقے سے بواسیر کے خون کا علاج بھی کیا جاسکتا ہے۔ ٭ جوڑوں کے درد اور سوزش میں بھی آملہ مفید ہے۔ خشک آملے کا سفوف ایک چمچ شکر دو چمچ ملا کرایک ماہ تک دن میں دو مرتبہ لینا اس مرض کا مؤثر علاج ہے۔
بڑھاپا:آملے میں نئی قوت اور توانائی مہیا کرنے کی تاثیر پائی جاتی ہے۔ اس میں ایک ایسا عنصر پایا جاتا ہے جو نہ صرف بڑھاپے کے آثار ختم کرتا ہے بلکہ طاقت بھی برقرار رکھتا ہے۔ یہ انسان کی جسمانی قوت مدافعت بڑھاتا اور اسے بیماریوں سے محفوظ رکھتا ہے۔ دل کو قوت دیتا‘ بالوں کو مضبوط بناتا اور جسم کے مختلف غدودوں کو فعال کرتا ہے۔ ایک سنیاسی کی مثال ہے کہ اس نے ستر برس کی عمر میں آملے کے استعمال سے خود کو پھر سے جوان بنالیا تھا۔
بال: گھنے بالوں اور آملے کا تو چولی دامن کا ساتھ ہے۔ بالوں کو چمکدار بنانے کیلئے دیسی نسخوں اور ٹوٹکوں میں آملے کو بنیادی اہمیت حاصل ہے۔ تازہ آملہ ٹکڑوں میں کاٹ کر سائے میں خشک کرلیں۔ پھر انہیں ناریل کے تیل میں اتنا پکائیے کہ تیل کی شکل جلے ہوئے برادے جیسی ہوجائے۔ یہ سیاہی مائل تیل بالوں کو سفید ہونے سے بچانے کیلئے عمدہ دوا ہے۔٭ تازہ یا خشک آملے کے ٹکڑے رات کو پانی میں بھگودیں۔ اگلے دن اس پانی سے سر کے بال دھوئیں۔ یہ ان کی نشوونما کیلئے اچھی غذا ہے۔ یاد رہے کہ صرف اسی پانی سے بال دھوئیے کسی قسم کا شیمپو استعمال نہ کریں۔
٭ آملے کا سفوف پانی میں ملا کر گاڑھا سا لیپ بنالیجئے۔ پھر اسے بالوں کی جڑوں میں لگا کر کچھ دیر بعد سر دھو لیں۔ سفوف اور پانی کا مرکب اتنا گاڑھا ہونا چاہیے کہ تمام بالوں کی جڑوں میں لیپ ہوسکے۔​

 

جزاک اللہ خیرا

 

جزاک اللہ خیرا

 

جزاک اللہ خیرا

 

[FONT="Al_Mushaf"]بارك اللہ فیك [/FONT]

 

جزاک اللہ خیرا.

ابھی تو میں جوان ہوں.

 

مفید معلومات
جزاک اللہ خیرا

 

تازہ آملہ کیسا ہوتا ہے اور کہا ں سے ملتا ہے؟ یہ بتائیے کہ آملہ کا سفوف شکر ملا کر استعمال کرنا بہتر ہے یا آملہ کا مربہ؟

 

ھم نے تو آملہ کا مربہ دیکھا ھے اور آملہ کا آچار بھی دیکھا ھے مارکیٹ میں سبز رنگ کا تازہ بھی دیکھا ھے اور سر دھو نے کے لئیے خشک بھی یہاں سے ملتا ھے ان سب میں کون سا بہتر ھے ؟؟؟؟؟؟؟

 

تازہ

سفوف

 

بھائی،
آپ لاہور کی سبزی منڈی سے پتہ کریں
امید ہے کہ مل جائے گا

مجھے ایک ماہ کی تگ و دو کے بعد تازہ آملہ مل گیا ہے

کسی دوست نے مری کے قریب
کسی گاؤں سے لا کر دیا ہے۔

جو مجھےآج ملا ہے۔ ایک مہینے کی کوششوں کے بعد۔


آپ بھی ٹرائی جاری رکھیں

​

 

مفید معلومات شیئر کرنے کا شکریہ

 

جزاک اللہ خیرا

 

جزاکم اللہ خیرا، میں کوشش کروں گا ان شا ء اللہ۔ جو آپ کو ملا ہے اسکی تصویر ہی لے کر لگا دینی تھی۔ کم از کم اسکی شکل تو دیکھ لیتے، ویسے میں آملہ کا مربعہ لے کر آیا تھا، وہ تو بڑا لذیذ ہے۔

 

جس دوست نے لا کر دیا ہے اس کی تصویر لگاؤں

یا آملہ کی؟؟؟؟:00003:

 

100 فیصد اس تصویر جیسے ہی ہیں ​

 

بھائ اگر مجلس میں اپنی آئ ڈی Banned کروانے کا ارداہ ہے تو بھلے دوست کی لگا دیں۔۔ :00026:

 

بھائی،

میں اور مجلس

یک جان دو قالب

ہیں​

 

یہاں بھائیوں نے نمائیندہ تصویر پر اپنی یا بچوں کی تصویر لگای ھوی ھے جس کو کوی نہیں روکتا اور اس کا بے حد افسوس ھے اس سائیڈ پر ھم دوسروں کو تصویر کھینچنے سے کیسے روک سکتے ھیں جب ھماری تصویریں اس سائیڈ پر لگی ھیں

 

الحمد للہ۔

جی بہن، درست فرمایا آپ نے، انتظامیہ سے گزارش ہے کہ قوانین مجلس پر مکمل عمل یقینی بنایا جائے۔۔