اردو مجلس پر کتب کی یونیکوڈائزنگ

بسم اللہ الرحمن الرحیم

جیسا کہ کل کی گفتگو سے کچھ احباب کو علم ہو چکا ہو گا کہ ہم کچھ کتب کی کمپوزنگ کا کام شروع کرنے جا رہے ہیں تاکہ افادہءِ عام کے لیے انہیں پیش کیا جا سکے۔ اس حوالے سے فاروق بھائی کی ذمہ داری نمازِ نبوی صحیح احادیث کی روشنی میں کمپوز کرنے پر لگائی گئی ہے۔ جسے ڈاکٹر سید شفیق الرحمن نے لکھا ہے اور اس کی تحقیق و تخریج فضیلۃ الشیخ زبیر علی زئی حفظہ اللہ سے منسوب ہے۔
امید ہے فاروق بھائی اس ذمہ داری کو کما حقہ انجام دیں گے۔ ان شاء اللہ

کتاب کا پی ڈی ایف ربط یہ ہے

نمازِ نبوی صحیح احادیث کی روشنی میں

 

جزاک اللہ خیر

 

اہل الحدیث‌بھائی،
کیا اس کتاب کی کمپوزنگ شروع ہو چکی ہے؟ اور کن کتب پر کام ہو رہا ہے؟
دراصل ہم بھی محدث فورم کے تحت کچھ کتب یونیکوڈ کروا رہے ہیں۔ فی الحال جو کتب ٹائپنگ ہو رہی ہیں، وہ یہ ہیں:

1۔ قربانی کی شرعی حیثیت اور پرویزی دلائل پر تبصرہ
2۔ اسلام پر چالیس اعتراضات کے عقلی و نقلی جوابات از ڈاکٹر ذاکر نائک
3۔ کیا حضرت عیسیٰ علیہ السلام کے والد تھے؟

اسی طرح ابھی کوئی ہفتہ بھر قبل نماز نبوی کے اسی ایڈیشن پر کام شروع کرنے کا ارادہ کیا تھا اور کچھ اراکین کو کام بھی دیا تھا۔ معلوم نہیں کوئی کام ہوا یا نہیں۔ لیکن کیا کوئی ایسی صورت بن سکتی ہے کہ ہم ان کتب سے آگاہ رہ سکیں‌جو آپ ٹائپ کر رہے ہیں‌اور آپ ان کتب سے آگاہ ہو سکیں‌جو ہم ٹائپ کر رہے ہیں۔ تاکہ ایک ہی کتاب پر ڈبل محنت نہ ہو۔؟ کوئی تجویز ہو تو بتائیں پلیز۔

 

سب سے پہلے تو مسلم بھائی کو السلام علیکم اور خوش آمدید

بقول شاعر

کبھی ہم ان کو کبھی اپنے گھر کو دیکھتے ہیں​

اس پر فاروق بھائی نے کام شروع کرنے کا کہا تھا۔ تازہ ترین سٹیٹس تو وہ ہی بتلا سکتے ہیں

اس کے علاوہ جہاں‌تک کتب سے باخبر رہنے کا تعلق ہے تو میں یہاں‌مجلس پر تھریڈ شروع کر دیتا ہوں۔ آپ جو بھی کتاب کمپوز کرنے جائیں ، اس کا نام یہاں‌لکھ دیں۔ اسی طرح میں‌ بھی کرتا جاؤں گا ان شاء اللہ۔ اس طرح ڈبل ٹائپنگ سے بچا جا سکتا ہے۔

 

شکریہ بھائی جان۔۔۔اللہ تعالیٰ‌آپ کو خوش رکھیں!
مجلس پر تھریڈ شروع کر دیجئے۔ میں ان شاء‌اللہ یہاں‌تازہ ترین اپ ڈیٹس دیتا رہوں‌گا۔
دراصل اس وقت ایک ایپلی کیشن بنا رہے ہیں، جس سے آن لائن ٹائپنگ کا کام آسان بنایا جا سکے۔
ابھی تجرباتی مراحل میں ہے، کامیابی ہوئی تو یہاں بھی شیئر کروں‌گا تاکہ سست ٹائپ کرنے والے حضرات بھی تھوڑا بہت حصہ ڈال سکیں۔

بھائی، ایک دھاگا ایسا بھی بنانا ہے، جس میں‌ان تمام کتب کے نام بمعہ لنکس اکٹھے کئے جا سکیں‌جو یونیکوڈ‌میں‌دستیاب ہیں۔ یہاں‌مجلس پر بھی ایسا مواد کافی بکھرا پڑا ہے اور دیگر فورمز اور سائٹس پر بھی اس ضمن میں کام ہوا ہے۔ ایسی کوئی جامع فہرست مل جائے تو کتاب کے انتخاب میں‌بھی سہولت رہے گی۔

 

السلام علیکم

اردو مجلس پر کتب کی یونیکوڈائزنگ کے حوالے سے کام جاری ہے۔ جو کتاب بھی کمپوز ہو رہی ہو گی، اس کا تذکرہ یہاں اپ ڈیٹ کیا جائے گا۔ ان شاء اللہ

فاروق بھائی: نمازِ نبوی صلی اللہ علیہ وسلم از ڈاکٹر شفیق الرحمن زیدی
نصر اللہ بھائی: اصطلاحات المحدثین از سلطان محمود محدث جلالپوری رحمہ اللہ
ابو عبیدہ بھائی: تفہیم الاسلام از مسعود بی- ایس- سی
نظرۃ النعیم از کبار علمائے عرب
آزاد بھائی: مراۃ البخاری از حافظ عبد المنان نورپوری رحمہ اللہ
درس صحیح بخاری از حافظ محمد گوندلوی رحمہ اللہ
نعیم یونس بھائی: مختصر صحیح مسلم
از امام حافظ زکی الدین عبدالعظیم المنذری رحمہ اللہ ترجمہ محمد عیسیٰ فاضل اسلامیہ یونیورسٹی اسلام آباد

 

تھریڈ یہاں موجود ہے

 

درج ذیل کتب محدث ٹائپنگ پراجیکٹ کے تحت زیر تکمیل ہیں:

1۔ قربانی کی شرعی حیثیت اور پرویزی دلائل پر تبصرہ
2۔ اسلام پر چالیس اعتراضات کے عقلی و نقلی جوابات از ڈاکٹر ذاکر نائک
3۔ کیا حضرت عیسیٰ علیہ السلام کے والد تھے؟
4۔ اسلام کیا ہے؟ از شیخ الاسلام محمد بن عبدالوہاب

 

فاروق بھائی،
ازراہ کرم کچھ بتا سکیں گے کہ نماز نبوی کی ٹائپنگ کا کام شروع ہو چکا ہے یا ابھی نہیں ہوا؟
دراصل یہ کتاب ایک بندے کے لئے ٹائپ کرنا آسان نہیں ہے۔ اور اس کی اہمیت کی بنا پر اس کا ٹائپ ہونا بھی ضروری ہے۔
اگر اس بارے میں کچھ اپ ڈیٹ دے سکیں تو ان شاءاللہ مل جل کر جلدی ٹائپنگ مکمل کی جا سکتی ہے۔

 

وعلیکم السلام ورحمہ اللہ و برکاتہ
مکتبہ اسلامیہ سیکشن میں پورا موضوع تھا اردو مجلس پر اب تک مکمل اور جاری پراجیکٹس کا، میں نے اس میں تھریڈ اور ٹائپ کرنے والے رکن کے پروفائل روابط سمیت فہرست بنائی تھی۔ بعد میں اسی کی بنیاد پ ر یونیکوڈ کتب سکشن میں موضوعات منتقل ہوئے۔
مکمل منصوبوں کی فہرست
URDU MAJLIS FORUM
اس میں اب فاروق بھائی کی ٹائپ کردہ حصن المسلم اور ماہا جواد سسٹر کی ٹائپ کردہ صحابیات پر کتاب شامل کر لیں۔ مکمل ہے۔
جاری منصوبوں کی فہرست ارم سس، یا عکاشہ بھائی سے پوچھ لیں۔
اہل الحدیث بھیا ، نئی کتب شروع کرنے سے پہلے الرحیق الختوم اور مقام صحابہ جو جاری ہیں ان کو مکمل کروا لیں۔

 

اس موضوع پر اس سےکوئی بہتر کتاب منتخب کی جا سکتی ہے۔ ڈاکٹر حمیداللہ کی کتابوں میں سے کوئی لے لیں۔

 

جی دراصل یہ کتاب تو بس ٹائپنگ سسٹم پر تجربات کے لئے منتخب کی تھی۔ اور اس کی وجہ یہ تھی کہ اس میں‌عربی عبارات کم ہیں۔ تاکہ وہ یوزرز جو عربی ٹائپ کرنے میں‌دقت محسوس کرتے ہیں، بآسانی ٹائپ کر سکیں۔

فی الحال ہم بھی نئی کتب ڈھونڈ رہے ہیں، معیار یہ ہے کہ:
1۔ سلفی عالم کی اہم کتاب ہو۔
2۔ عربی عبارات کم سے کم ہوں

اگر آپ ڈاکٹر حمید اللہ کی کوئی ایسی کتاب ریفر کر دیں تو اس پر کام شروع کرتے ہیں۔ اسلام پر 40 اعتراضات والی کتاب تو فقط ٹیسٹنگ کے دوران ہی پچاس فیصد سے زائد ٹائپ ہو چکی ہے۔ اور ابھی ہم تین چار لوگ ہی ٹیسٹنگ کر رہے ہیں۔ پبلک لانچ کے بعد ان شاء اللہ زیادہ یوزرز ہوئے تو وقت نہیں لگے گا۔

نماز نبوی کا ابھی تک معلوم نہیں ہو سکا، کہ واقعتاً ابھی کام شروع ہوا ہے یا نہیں۔ اگر اس بارے میں احباب فاروق بھائی سے اپ ڈیٹ لے کر آگاہ کر دیں تو مشکور رہوں گا تاکہ یہ اہم کام جلد از جلد تکمیل تک پہنچ سکے۔ جزاکم اللہ خیرا۔

 

جزاک اللہ خیرا آپا جی۔ آپ کا توجہ دلانے کا شکریہ۔ اس حوالے سے ترجیحی بنیادوں‌پر کام شروع کرتے ہیں ان شاء اللہ۔ان کتب کے حوالے سے آپ سے صرف اتنی مدد درکار ہے کہ یہ بتلا دیں کہ کیا کمپوز ہو گیا ہے اور کیا کیا کمپوز کرنا ہے؟

 

دونوں کی فہرستوں والے موضوع میں مکمل ہو جانے والے کام کے روابط موجود ہیں ،
مقام صحابہ پر کچھ نامکمل کام بھی ہے جس کی پروف ریڈنگ باقی تھی ۔ اس کا عکاشہ بھائی سے معلوم کر لیں ۔ مسئلہ عربی ٹیکسٹ کا تھا ۔ اردو ٹائپنگ زیادہ ہو چکی ہے ۔

 

السلام علیکم۔
آپا جی ایک گزارش ہے کہ آپ کے مہیا کئے گئے اردو مجلس کے اکثر روابط میں‌کھولنے سے قاصر ہوتا ہوں۔ معلوم نہیں کیا مسئلہ ہے۔ آپ ربط دینے کا طریقہ کار پر ایک بار غور فرما لیں۔ شاید پوسٹ کا ڈائریکٹ ربط دے دیا جاتا ہے جب کہ ہم لوگ پوسٹ اوپن کر کے اس کا ربط کاپی پیسٹ کر کے دیتے ہیں

 

السلام علیکم ورحمۃ اللہ وبرکاتہ
میں نے ایک چھوٹے سے مگر جامع کتابچے '' سنت نبوی پر عمل واجب اور اس کا انکار کفر ہے '' کو اردو یونیکوڈ کی شکل دی ہے
اس کے مصنف علامہ بن باز رحمہ اللہ ہیں کیا اسے میں مجلس میں اردو یونیکوڈ کتب سیکشن میں پوسٹ کر سکتاہوں ؟
بعد میں تلاش کرنے پر مجھے یہ کتابچہ پی ڈی ایف میں بھی مل گیا

سنت نبوی پر عمل واجب اوراس کا انکار کفر ہے​