شوگر ٹیسٹ

میرے ایک رشتہ دار ہیں ایک دفعہ میں ان کے پاس گیا تھا تو انہوں نے صبح سویرے ہی ملک شیک کی ایک بالٹی بنائی۔ مجھے پھی خوب پلایا اور خوب بھی سیر ہو کر پیا۔ اس کے بعد مجھے کہنے لگا کہ چلو میں ابھی شوگر ٹیسٹ کروانے کلنک جارہا ہوں۔
واپس آنے پر بہت پریشان ہوئے اور کہا کہ ڈاکٹر نے کہا کہ میرا شوگر ہائی ہے۔
جبکہ شوگر ٹیسٹ کے لیے ضروری ہوتا ہے کہ بندہ صبح ناشتہ بھی نہ کرے تاکہ نارمل صورت حال میں ٹیسٹ کیا جائے۔
بعد میں پتہ چلا کہ یہ سب ملک شیک کا کمال تھا اور شوگر نام کی چیز نہیں ان میں۔ یاد رہے کہ پہلے بھی ان صاحب کا لطیفہ امام کون؟ شئیر ہوچکا ہے۔

 

اسی حوالے سے ایک اور بات عرض کرتا چلوں۔ پاکستان میں ایک صاحب شوگر کےعارضہ میں مبتلا تھے۔ عمرہ سے واپسی پر ان کے دوست ان کے لیۓ کھجوریں بطور تحقہ لے گۓ اب وہ صاحب یہ عقیدہ لے کر کھجوریں کھاتے رہے کہ یہ تو مکہ مدینہ کی کھجوریں ہیں ان سے نقصان نہیں ہوگا۔ ان کے بے ہوش ہونے پر گھر والے انہیں ہاسپٹل لے گۓ اور کافی دیر کر بعد انہیں ہوش آیا۔ ڈاکٹر نے پوچھا کہ کیا ہوا۔ گھر والوں نے بتایا کہ اور کچھ تو نہیں انہوں نے کھجوریں بہت زیادھ کھائیں تھیں۔ جوابا وہ صاحب کہنے لگے کہ وہ تو مکہ مدینہ کی کھجوریں تھیں۔ پھر ڈاکٹر نے انہیں سمجھایا کہ یہ سب کچھ زیادہ کھجوریں کھانے کی وجہ سے ہی ہوا ہے۔ اور کھجوریں چاہے مکہ کی ہوں یا پاکستان کی سب میں چینی کی بہت زیادہ مقدار ہوتی ہے۔

 

اف ہمارے خوش اعتقاد لوگ ، مکہ مدینہ کی کھجوریں ۔۔۔ بعض مذہبی خواتین کا دین صرف معجزوں کرامتوں کے گرد گھومتا ہے ، نماز پڑھیں نہ پڑھیں قصہ گوئی میں پکی مسلمان ۔ ایک آنٹی کا کہنا تھا کہ مکے مدینے میں کوئی بیمار ہی نہیں ہوتا ۔ ہم بچے تھے خوب ہنسے کسی نے کہہ دیا کہ پھر حج پر وہاں لوگ کیسے مر جاتے ہیں ؟ جواب ملا کہ وہ باہر سے جاتے ہیں اس لیے :hehehahaha: ہمارے پاس مقیم حاجیوں کی اموات کے کوئی اعداد وشمار نہیں تھے ۔ مکہ مدینہ کے ہسپتالوں کی تعداد بھی معلوم نہیں تھی ۔ ہنس کر چپ ہو رہے ۔ لیکن ہماری ہنسی پر بھی انہیں تاؤ آتا تھا ۔ آخر یہی جملہ سننے کو ملا کہ وہابیوں کے بچے بھی گستاخ ہوتے ہیں ۔

 

یعنی عبداللہ بن ابی سلول منافق بھی مدینہ میں‌ نہیں تھا وہ صرف کنارے ہی گھومتا تھا :00039:

 

آنٹیوں کا اپنا جغرافیہ اور اپنی ہسٹری ہوتی ہے ۔ اتنا لمبا بن ، ابو والا عربی نام سنتے ہی رضی اللہ کہنے والوں کو جب تک آپ سمجھائیں کہ یہ منافق کا نام ہے دیر ہو جاتی ہے ۔ ایک دو بار کعب بن اشرف پر ترضّی کا واقعہ ہمارے سامنے ہو چکا ہے ۔

 

جیسے مکہ مکرمہ اور مدینہ منورہ کے ساتھ ساتھ ریاض شریف اور دمام شریف!

 

ہمارے ایک پٹھان کا قصہ مشہور ہے کہ یہاں پر شاید حج کیلئے آیا تھا تو کسی سعودی سے لڑائی ہوئی تو وہ عربی میں اس کو غصہ سے کچھ کہہ رہا تھا۔
واپسی پر اس نے لوگوں کو بتایا کہ یار عرب بھی کتنے اچھے لوگ ہیں میں ایک عربی سے لڑ رہا تھا میں گالیاں دے رہا تھا اور وہ مجھے قرآن شریف سنا رہا تھا۔ :00026:

 

یہاں ایک خاتون مصر تھیں کہ کھجور سے روزہ کھولنا سنت ہے سو وہ شوگر کے باجود یہی کرتی رہیں۔ البتہ سحری میں نہیں کھاتیں۔ حالاں کہ سنت کے مطابق سحری میں بھی کھجور کھانی چاہیے۔ پاکستان میں کوئی بھی چیز عین اسلام بنا دی جاتی ہے۔ پھر طبیب اور عالم دین کی کون سنتا ہے۔

 

اور بڑی حیرت کی بات ہے کہ ہم میں سے اکثر کو یہ بات معلوم نہیں ہے۔

 

شکر ہے نہیں پتہ ورنہ ستر لاکھ ذیابیطس کے مریضوں میں سے کئی "شہید عقیدت" ہو جاتے!