ہنسنا منع ہے

السلام علیکم و رحمتہ اللہ و برکاتہ،
صبح سے سوچ رہا تھا کہ اسے کس زمرے کے تحت پیش کروں۔ جب کچھ سمجھ نہ آئ تو سوچا کہ اس طنزیہ و مزاحیہ کلام کے تحت پیش کر دیا جاۓ۔ اگر انتظامیہ کے نزدیک یہ زمرہ مناسب نہیں تو اسے کسی دوسرے زمرہ میں منتقل کر دیا جاۓ۔

نام کتاب : " مغیلان مدینہ"
مصنف " پیر الیاس قادری

زائر طیبہ، روضہ پہ جاکر تو سلام میرا رو رو کے کہنا
کوئے محبوب کی بکریوں کو، ککڑیوں کو لکڑیوں کو بلکہ
تنکے وہاں کے اٹھا کر تو سلام میرا رو رو کے کہنا
تو درختوں کو اور جھاڑیوں کو ان کی گلیوں کی سب گاڑیوں کو
ہاتھ اپنا ادب سے لگا کر، تو سلام میرا رو رو کے کہنا
٭٭٭٭٭٭٭٭٭٭٭٭٭٭٭٭٭٭٭
بوتلوں بلکہ ڈھکنوں کو بھی تو دال گندم کے دانوں کو بھی
چوم آنکھوں سے اپنی لگا کر، تو سلام میرا رو رو کے کہنا
بینگنوں، بھنڈیوں، توریوں، گوبھیوں، گاجروں، مولیوں کو
کہنا سیبوں کو اور آڑوؤں کو اور کیلوں کو، زردآلوؤں کو
اور تربوز سر پر اٹھا کر تو سلام میرا رو رو کے کہنا
٭٭٭٭٭٭٭٭٭٭٭٭٭٭٭٭٭٭٭
تو قنادیل کو، قمقموں کو، تار سوئچ اور تو کولروں کو
ٹھنڈا پانی کسی کو پلا کر، تو سلام میرا رو رو کے کہنا
چیونٹیوں، کھونٹیوں کو، ہر طرح کی جڑی بوٹیوں کو
بار بار ان پر نظر جما کر تو سلام میرا رو رو کے کہنا
٭٭٭٭٭٭٭٭٭٭٭٭٭٭٭٭٭٭٭
چاولوں، روٹیوں، بوٹیوں کو، مرغ، انڈوں کو مچھلیوں کو
سبزیوں کو وہاں کی پکا کر تو سلام میرا رو رو کے کہنا
تھالیوں کو پیالیوں کو کہنا، تو مرچ مسالوں کو کہنا
چاۓ کی کیتلی کو اٹھا کر تو سلام میرا رو رو کے کہنا
٭٭٭٭٭٭٭٭٭٭٭٭٭٭٭٭٭٭٭
ٹھنڈے پنکھوں اور ہیٹروں کو بلکہ تاروں کو
اور میزوں کو بتیوں کو وہاں کی جلا کر تو سلام میرا رو رو کے کہنا
جس قدر بھی ہیں پانی کے نلکے، پھل تو پھل بلکہ بیج اور چھلکے
ہاتھ ان کی طرف بڑھا کر تو سلام میرا رو رو کے کہنا
٭٭٭٭٭٭٭٭٭٭٭٭٭٭٭٭٭٭٭
تو مکانوں کو بھی، کھڑکیوں کو اور دیوار و در اور سیڑھیوں کو
تو عقیدت سے دل میں بٹھا کر تو سلام میرا رو رو کے کہنا
رسیوں، قینچیوں، چھریوں، چادروں، سوئ دھاگوں دریوں کو
سب کو سینے سے اپنے لگا کر تو سلام میرا رو رو کے کہنا
٭٭٭٭٭٭٭٭٭٭٭٭٭٭٭٭٭٭٭
سنگریزوں اور پتھروں کو، اونٹ، گھوڑوں، خروں خچروں کو
پرندوں پر نظریں جما کر تو سلام میرا رو رو کے کہنا
بلیاں جب مدینے کی دیکھے خوب ادب سے انہیں پیار کرکے
ہاتھ نرمی سے ان پہ پھیر کر تو سلام میرا رو رو کے کہنا
٭٭٭٭٭٭٭٭٭٭٭٭٭٭٭٭٭٭٭
جب سگان مدینہ کو دیکھے، جوڑ کر ہاتھ تو ان کے آگے
اشک بار آنکھ ان پر جما کر، تو سلام میرا رو رو کے کہنا
کاش! ہوتا میں سگ سیدوں کا، بن کے دربان پہرہ بھی دیتا
رب نے بھیجا ہے انسان بنا کر تو سلام میرا رو رو کے کہنا

بحوالہ کتاب " میٹھی میٹھی سنتیں یا؟ از ابن لعل دین صفحہ 327-328 جدید ایڈیشن​

​

 

ہہہہہہہہہہہ محترم بابر تنویر بھائی کمال کی مزاحیہ شاعری ہے، سال ڈیڑھ سال پہلے سنی تھی، اور اس میں مزید اضافہ بھی کیا تھا، اب مل نہیں رہا!

 

اس سلام کو پڑھ کے کوئی ہنسے یا روئے ،جائز ہے۔

 

اسی کتاب سے اس سلام پر امیر حمزہ کے تبصرہ سے اقتباس پیش کرتا ہوں۔ میں نے اس میں حسب حال کچھ تبدیلی کی ہے۔ ذرا تصور کیجیۓ
" طیبہ کی سڑکوں پر یہ امریکہ کی بنی ہوئ فورڈ گاڑی جا رہی ہے۔ یہ ادب سے اس پر ہاتھ پھیر رہا ہے اور سلام کہہ رہا ہے۔ یہ جاپان کی ٹویوٹا کرولا نظر آگئ جو بدھوں نے بنائ اور یہاں طیبہ میں آگئ۔ اب یہ اس پہ ہاتھ پھیر کر سلام پڑھے جا رہا ہے۔ طیبہ میں تو لاکھوں کاریں ہیں۔ بس یہ بے چارہ جاپان کے بدھوں اور امریکہ کے عیسائیوں کے بنی ہوئ کاروں پر سلام پڑھے جا رہا ہے۔
کوکا کولا، پیسی، یہودیوں کی کمپنیاں ہیں اور ساری دنیا میں ان کا پانی فروخت ہوتا ہے۔ طیبہ میں بھی پیپسی خوب چلتی ہے۔ اب ہری پگڑی والا پیپسی کی بوتل کو چومنا شرو‏ع کر دیتا ہے۔ لوگ بوتلیں پی کر ڈھکنے پھینک رہے ہیں بلکہ بوتلیں پھینک رہے ہیں۔ یہ انہیں اٹھاتا ہے، چومتا ہے اور سلام پڑھے جا رہا ہے۔
سبزیوں کی دکانوں کے سامنے سے گذرتا ہے تو گوبھی، گاجر اور مولی کو آنکھوں سے لگا کر سلام پڑھنا شروع کردیتا ہے۔ سیب، کیلا اور تو طیبہ میں پیدا ہوتا ہی نہیں سیب اور کیلا لبنان سے آرہے ہیں۔ اب یہ تربوز سر پر اٹھا لیتا ہے اور ان پھلوں پر سلام پڑھنا شرو‏ع کر دیتا ہے۔
غرض اسے تو بازار سے سڑک سے فرصت نہ ملے گی اور اگر کہیں تھک ہار کر کسی کے گھر چلا جائے گا یا اگر ہوٹل میں قیام ہے تو وہاں چلا جاۓ گا تو اب جناب یہ سوئچ، بجلی کی تار اور ٹیوبوں کو چومنا اور سلام کرنا شروع کرے گا۔ لوگ پریشان ہوجائیں گے کہ کہیں کرنٹ لگنے سے مر نہ جاۓ وہ اسے ہٹائیں گے تو یہ درو دیواروں، کھڑکیوں اور سیڑھیوں پہ سلام پڑہنا شرو‏ع کردے گا۔ وہ یہاں سے ہٹائیں گے، یہ کمرے میں پڑے قالین کو سینے سے لگانا شروع کردے گا۔ لوگ اسے سلانے کی کوشش کریں گے تو یہ جناب بستر کی دری اور چادروں کو سینے سے لگا کر سلام پڑھنا شروع کردے گا۔
اب یہ پوچھتا پھر رہا ہے کہ سید کا گھر بتلاؤ، ایک پاکستانی نے بتا دیا۔ بس پھر کیا تھا۔ یہ وہاں جاکر بیٹھ گیا۔ گھر کا مالک نکلا وہ حیران ہوا، وہ سمجھا شائد مانگنے والا ہے۔ اس نے ایک ریال دیا مگر اس نے نہ لیا۔ اب عربی اس کی سمجھ نہ آۓ اردو اس کی سمجھ سے بالا تر۔ گھر کا مالک پریشان ہے۔ اس نے اسے سمجھانے کے لیۓ بھونکنا شروع کردیا، جس کا مطلب یہ تھا کہ میں تو مدینے کے سید کا کتا بننا چاہتا ہوں۔ رب سے مجھ پر ظلم کیا کہ مجھے انسان بنا دیا۔"
آگے چلیۓ اسے راہ چلتے ہوئے مدینے کے سگ نظر آگۓ یہ ان کے سامنے ہاتھ جوڑ کر کھڑا ہوگيا اور اشک بار آنکھوں سے سلام کہنے لگا۔ اب آنے جانے والے لوگ اسے دیکھ رہے ہیں اور اسے پاگل سمجھ رہے ہیں۔ اور اس کی حالت پر افسوس بھی کررہے ہیں۔ لوگوں نے اسے وہاں سے ہٹایا کہ کہین کوئ سگ اس سگ نما انسان کو کاٹ ہی نہ کھاۓ۔ اب اسے بلیاں نظر آگئیں۔ بلیاں اکثر انسانوں کے قریب نہیں آتیں۔ اب یہ ان پر ہاتھ پھیرنے کے لیۓ ان کے پیچھے پیچھے اور بلیاں آگے آگے۔
مختصر یہ کہ جب آپ ان اشعار کے مندرجات پر غور کریں گے تو ایک عجیب سی مضحکہ خیز صورت حال کا نقشہ آپ کے تصور میں آۓ گا۔
اللہ تعالی کا بے حد شکر ہے کہ اس نے ہم سب کو ان خرافات اور ان بد عقائد سے محفوظ رکھا ہوا ہے۔ اور اللہ تعالی سے دعا ہے کہ وہ ان بھٹکے ہوئے مسلمانوں پر رحم فرماۓ اور انہیں اپنے عقائد کی اصلاح کی توفیق عطا فرماۓ۔ آمین!

 

آمین یارب العالمین

 

بابر بھائی کچھ بھی کہہ لیں، شعر کافی "وزنی" ہے!

شاید آپ نے غور نہیں کیا، باقی سارے فروٹس کو دور سے سلام،

تربوز، چونکہ سبز ہے اس لئے سر پر اٹھا کر!!!

ہائے رے اندھی عقیدت!

 

درست فرمایا بھائ رفی۔ مگر میں ایک اور بات سوچ رہا ہوں کہ اگر کل کلاں کو گنبد کا رنگ سبز سے سرخ کردیا گيا تو انکا کیا ہوگا؟ میرے خیال میں تو پھر انہین تربوز کو کاٹ کر سر پر رکھنا ہوگآ۔ کیونکہ تربوز اندر سے سرخ ہوتا ہے۔ یا پھر کوئ اور پھل تلاش کرنا پڑے گا۔

 

عکاشہ بھائ اس بات کا احتمال بھی موجود ہے کہ کسی چلتی گاڑی کو ہاتھ لگانے کے چکر میں کہین ان کا "اوپر " کا ویزہ ہی نہ لگ جاۓ یا پھر ان کی حرکتوں کو دیکھ کر طائف کے پاگل خانے کا انٹری ویزہ ہی نہ لگا دیا جاۓ۔

 

بہت خوب ، یہ الیاس قادری کی شاعری ہے۔ سبحان اللہ کیا عمدہ ذوق پایا ہے ۔

 

ہہہہہہہہہ

 

شکر کریں ابھی تربوز وغیرہ کی قدرتی سبزی تک بات ہے اگر سبز سرمہ اور سبز مدنی میک اپ شروع کر دیا گیا تو کیا ہو گا۔

 

گاڈ گفٹڈ شاعرانہ مزاجی ہے ۔بھلا ہر کوئی آڑوؤں ، زرد آلوؤں اور تربوزوں کو اتنی خوبصورتی سے شعر میں پرو سکتا ہے ؟

 

بھائ ہماری کیا مجال کہ کچھ کہیں۔ آپ خود ہی پیش کیۓ گۓ اشعار کے اوزان پر غور فرمالیجیۓ۔ عجیب سی بے وزنی کی سی کیفیت ہے۔ کہیں اوپر وزن زیادہ ہے، کہیں نیجیۓ، کہیں دائیں اور کہیں بائیں۔
پچھلے دنوں فیس بک پر ایک تصویر دیکھ رہا تھا۔ ایک شخص نے اپنی خراب آنکھ پر سبز رنگ کی پٹی باندھ رکھی ہے اور دوسری طرف پیر صاحب کی تصویر سبز پگڑی کے موجود ہے۔ نیچے کچھ ایسے تحریر ہے۔
" جناب میری تو آنکھ خراب ہے اس لیۓ میں نے اس پر سبز پٹی باندھ رکھی ہے۔ اور لگتا ہے کہ آپ کے دماغ میں کچھ خرابی ہے اس لیۓ آپ نے اپنے سر پر بھی سبز رنگ کی پٹی باندھ رکھی ہے"

 

باقی چیزوں کی جانب شائد آپ نے غور نہیں کیا۔ کہیں آلو ہیں ، کہیں بھنڈیاں، کہیں بلیاں ہیں ، کہیں بوتلیں اور کہیں ڈھکن اور کہیں کتے اور شکر کیجیۓ کا سانپوں کے طرف جانب ان کا دھیان نہیں گيا ورنہ انہیں پکڑ کر سلام کرتے کرتے اور کچھ کرنے کا موقع ہیں نہ مل پاتا

 

توبہ توبہ ایک "عالم دین" کے ساتھ ایسا سلوک

 

میرا اندازہ ہے جو کہ غلط نہیں ہو سکتا کہ یہ شاعری دوپہر کے کھانے سے پہلے سخت بھوک کے عالم میں‌ کی گئی ہے۔۔۔۔۔

کیونکہ ہمارے ایک دوست ہیں جو لنچ میں دیر ہو جائے تو موبائل سے کسی نہ کسی دعوت کی ویڈیوز نکال کر دیکھنا شروع کر دیتے ہیں۔ یمممممممممممم

 

اللہ خیر کرے ۔ جو بچ گیا ہے اس کی کسر کسی اور سلام میں نکال لیں گے ۔