کیا ماہ صفر منحوس ہے

بسم اللہ الرحمن الرحیم ​

السلام علیکم !

عرب والے دور جہالیت میں صفرکے مہینے کو منحوس سمجھتے تھے ۔اس کی وجہ یہ تھی کہ جیسے ہی محرم کا مہینہ ختم ہوتا اور صفر کے مہینے کا آغاز ہوتا تو عرب والے لڑائی بھڑائی کے لیے پھر گھروں سے روانہ ہوجاتے اور گھروں کو خالی چھوڑ دیتے۔اس مناسبت سے بھی اس ماہ کو صفر کہا جانے لگا ۔جیسا کہ عرب والے کہتے ہیں صفرالمکان (مکان خالی ہو گیا )گویا ماہ صفر کے آغاز پر ہی لڑائیوں کی ابتدا ہوجاتی ، گھر خالی رہ جاتے اس لیے عرب والے ظہوراسلام سے قبل صفر کے مہینے کومنحوس منحوس سمجھتے تھے۔

آج کے اس ترقی یافتہ دور میں بھی بعض مسلمان بھائی صفر کے مہینے کو منحوس سمجھتے ہوئے شادی بیاہ کرتے ہوئے شادی بیاہ نہیں کرتے ۔لڑکیوں کو رخصت نہیں کرتے ۔سفر کرنا نامبارک سمجھا جاتا ہے اور یہ بھی معلوم ہوا کہ بعض اس من گھڑت نحوست کو دور کرنے کے لیے چنوں کو ابال کر گھنگیاں تقسیم کرت اور عقیدہ رکھتے ہیں کہ اس سے نحوست اور بے برکتی دور ہو جاتی ہے ۔ یہ سب باتیں خوس ساختہ توہمات کا نتیجہ ہیں ۔جن کا اسلام سے کوئی تعلق نہیں ۔

ان تمام عقائد کو ہمارے پیرومرشد محمد صلی اللہ علیہ وسلم کی یہ حدیث مبارک رد کرتی ہے ۔

وقال عفَّان: حدثنا سليم بن حيَّان: حدثنا سعيد بن ميناء قال: سمعت أبا هريرة يقول:
قال رسول الله صلى الله عليه وسلم: لا عدوى ولا طيَرة، ولا هامة ولا صفر، وفِرَّ من المجذوم كما تفرُّ من الأسد

ترجمہ
"حضرت ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا مرض کا متعدی ہونا نہیں (یعنی اللہ کے حکم کے بغیرکوئی مرض کسی دوسرے کو نہیں لگتا )اور نہ بدفالی ہے نہ ہامہ ہے اور نہ صفر "
صحیح بخاری ، کتاب طب باب:415

حدیث کی تشریح

ولا طیرہ کا مطلب یہ ہے کہ بدشگونی لینا جایز نہیں۔ عرب کے لوگوں کو یہ عادت تھی کہ یہ کسی کام کو نکلتے یا کسی جانے کا ارادہ کرتے تو پرندہ یا ہرن کو چھچھکارتے اگر وہ دائیں جانب بھاگتا تو مبارک سمجھتے لیکن اگر بائیں جانب جاتا تو اس کام کو اپنے لیے نفع بخش نہ سمجھتے اور اس کے کرنے سے رک جاتے ۔نبی کریم صلی اللہ علیہ وسلم نے اس توہم پرستی سے روک دیا۔

ولا ھامہ کا مطلب یہ ہے کہ اہل عرب یہ عقیدہ رکھتے تھے کہ اگر کسی شخص کو قتل کر دیا جائے تو اس کی کھوپڑی سے ایک جانور نکلتا ہے جس کا نام ھامہ ہے ۔ وہ ہمیشہ ان الفاظ میں فریاد کرتا رہتا ہے ۔“مجھے پانی دو“جب تک قاتل کو قتل نہ کر دیا جائے فریاد کرتا رہتا ہے ۔

بعض کہتے ہیں کہ ہامہ سے مراد الو ہے ۔ عرب والے سمجھتے تھے کہ جس گھر پر الو آکر بیٹھ جائے اور بولے تو وہ گھر ویران ہوجاتا ہے یا اس کا گھر سے کوئی مر جاتا ہے ۔ یہ اعتقاد ہمارے زمانے میں بھی پایا جاتا ہے ۔ نبی صلی اللہ علیہ وسلم نے اس کو باطل قرار دیا ہے ۔

ولا صفر کے متعق مختلف اقوال ہیں جن میں یہ بھی ہےکہ اس سے مراد صفر کا مہینہ ہے جو محرم کے بعد آتا ہے۔عوام اس کو منحوس سمجھتے اور آفات کوموجب سمجھتے تھے اس لیے یہ اعتقاد بھی نبی صلی اللہ صلی اللہ علیہ وسلم نے باطل قرار دیا ہے کہ “صفر میں کو نحوست نہیں ۔