اردو والا عجیب اور عربی عجیب

اردو والے عجیب اور عربی عجیب میں کیا فرق ہے ؟

 

عربی میں شاید تعجب کے معنی رکھتا ہے۔
اردو میں عجیب کا مطلب نہیں پتہ

 

میرے خیال میں تو دونوں زبانوں میں یہ لفظ حیرت/ تعجب کے اظہار کے معنوں میں ہی آتا ہے۔
سورہ ھود :
قَالَتْ يَا وَيْلَتَىٰ أَأَلِدُ وَأَنَا عَجُوزٌ وَهَـٰذَا بَعْلِي شَيْخًا إِنَّ هَـٰذَا لَشَيْءٌ عَجِيبٌ
وہ بولی "ہائے میری کم بختی! کیا اب میرے ہاں اولاد ہوگی جبکہ میں بڑھیا پھونس ہو گئی اور یہ میرے میاں بھی بوڑھے ہو چکے؟ یہ تو بڑی عجیب بات ہے" (72) مودودی
وه کہنے لگی ہائے میری کم بختی! میرے ہاں اوﻻد کیسے ہو سکتی ہے میں خود بڑھیا اور یہ میرے خاوند بھی بہت بڑی عمر کے ہیں یہ تو یقیناً بڑی عجیب بات ہے! (72) جونا گڑھی
سورہ "ق"
بَلْ عَجِبُوا أَن جَاءَهُم مُّنذِرٌ مِّنْهُمْ فَقَالَ الْكَافِرُونَ هَـٰذَا شَيْءٌ عَجِيبٌ
بلکہ اِن لوگوں کو تعجب اس بات پر ہوا کہ ایک خبردار کرنے والا خود اِنہی میں سے اِن کے پاس آگیا پھر منکرین کہنے لگے "یہ تو عجیب بات ہے (2) مودودی
بلکہ انہیں تعجب معلوم ہوا کہ ان کے پاس انہی میں سے ایک آگاه کرنے واﻻ آیا تو کافروں نے کہا کہ یہ ایک عجیب چیز ہے (2) جونا گڑھی۔
سورہ "ص"
أَجَعَلَ الْآلِهَةَ إِلَـٰهًا وَاحِدًا ۖ إِنَّ هَـٰذَا لَشَيْءٌ عُجَابٌ ﴿٥﴾
کیا اس نےاتنے سارے معبودوں کا ایک ہی معبود کر دیا واقعی یہ بہت ہی عجیب بات ہے (5)

کچھ اسی طرح اردو میں کسی کے طرز عمل پر یا کسی انوکھی چیز پر حیرت کے اظہار کرنے کے لیۓ ہم اس لفظ کو استعمال کرتے ہیں۔ جیسے
" یار تم کیسے عجیب آدمی ہو"
" اس کا بات کرنے کا طریقہ بہت ہی عجیب ہے"

 

جی اردو اور عربی میں عجیب کا معنی انوکھا ، حیرت انگیز، اور منفرد ہے ۔ لیکن استعمال میں مجھے یہ فرق لگتا ہے کہ اردو کے عام استعمال میں یہ کچھ منفی معنوں میں استعمال ہونے لگا ہے ۔ جب کہ عربی میں مثبت معنوں میں استعمال ہوتا ہے ۔

 

یہ تو بولنے والے پر ہے کہ عربی اردو دونوں زبانوں میں اس کا مثبت یا منفی استعمال کرے۔ معنی اور استعمال یکساں ہی ہے