ذوق والوں‌ کے نام ۔۔۔۔ !!

ہر انسان کی زندگی ایک دلچسپ داستان کی حامل ہوتی ہے ، مگر اسے بیان کا سلیقہ خال خال لوگوں کو نصیب ہوتا ہے !
- لیو ٹالسٹائی

 

ہر عمارت گھر نہیں ہو جایا کرتی !
جب کسی عمارت میں کئی پشتوں کے خواب اور محرومیوں کا خون جذب ہو چکتا ہے تب وہ عمارت گھر بنتی ہے !!

- راہی معصوم رضا (یادوں کا محل)

 

ماں​

ماں ہمیشہ ذمہ دار ہوتی ہے ، صابر ہوتی ہے ، شاکر ہوتی ہے ، درد سے بھری ہوئی ایک لے ہوتی ہے۔ تم اسے لوری کہہ لو ، مدھ بھرا راگ کہہ لو ، سکھ اور شانتی کی چھایا سمجھ لو کہ وہ ایک خوبصورت پڑاؤ کی امین ہوتی ہے۔

شوہر​

اپنی تمام تر صداقت اور عظمت کے باوجود ، ماں باپ کا رشتہ بیچ راہ کے ، ٹوٹ جاتا ہے تو پھر سچا ، اٹل اور ہمیش رہنے والا رشتہ شوہر کا رشتہ ہوتا ہے۔ اگر محبت درمیان ہو تو یہی رشتہ دنیا کا خوبصورت ترین ناطہ بن جاتا ہے۔ اس رشتے کا قرب ہی اس کا تقدس ہے۔

- بشریٰ رحمٰن (بدگمان)

 

شکریہ

 

اندیشے ہوا بھرے غباروں کی طرح ہوتے ہیں جو ہمیشہ اپنے حجم سے بڑے نظر آتے ہیں۔

بشکریہ آپ حیات​