انگریزی کیلنڈر کا ایک اور موا سال گیا

ہر سال کی طرح سوشل میڈیا پر دسمبر اور گئے سال پر اداس شاعری پڑھ پڑھ کر اگر آپ اداس ہونے ہی والے ہیں تو یہ موضوع آپ کے لیے ہے ۔
یہاں اداس شاعری کے کسی نمونے کو لے کر اس کو اتنا گدگدانا ہے کہ دسمبر ہنس پڑے ۔
​

ہر سال اداسی اور یبوست پھیلانے والوں کا ایک پسندیدہ شعر ہے
کچھ آنسو اور کچھ خوشیاں دے کر ٹال گیا
جیون کا اک اور سنہرا سال گیا

اس کو ہم نے یوں گدگدایا ہے ۔

​

کچھ کاجو اور کچھ ریوڑیاں دے کر ٹال گیا
انگریزی کیلنڈر کا ایک اور موا سال گیا

خلق خدا کو اداسی سے نکالنے کے نیک کام میں حصہ لے کر ثواب دارین حاصل کریں ۔
​

 

جزاک اللہ خیرا
بہت هی عمدہ شیئرنگ

 

جزاک اللہ خیرا و بارک اللہ فیک

 

جزاک اللہ خیرا سسٹر

 

ایک نمونہ ادھر بھی:

رات اس نے پوچھا تھا
تم کو کیسی لگتی ہے
چاندنی دسمبر کی ؟

میں نے کہنا چاہا تھا
دسمبر کی چاندنی کے
گفتگو کے کیا معنی ؟
چاہے کوئی منظر ہو
دشت ہو ، سمندر ہو
جون ہو ، دسمبر ہو
چاندنی چاند سے ہوتی ہے
ستاروں سے نہیں
ہمیشہ ایک سی ہوتی ہے
نظاروں سے نہیں
ہاں مگر دسمبر میں
سردی اثر کرتی ہے
ہڈیوں میں اترتی ہے
جب خشک ہوائیں چلتی ہیں
تو چھینکیں آنے لگتی ہیں
گلے میں سوزش ہوتی ہے
اور ناک بہنے لگتی ہے
ہفتوں سستی رہتی ہے
چاند بھی گہنا جاتا ہے
منظربھی سہما جاتا ہے
دھڑکنوں ‌کا ہر نغمہ
منظروں پر بھاری ہو
پھر بخار کی حدت سے
یوں لگتا ہے جیسے
ایک نشہ سا طاری ہو

لیکن اس کی قربت میں
کچھ نہیں کہا میں نے
تکتی رہ گئی مجھ کو
چاندنی دسمبر کی ! ​
​

 

کہا تھا یہ دسمبر میں
ٹماٹر سستے ہو جائیں گے
دسمبر کتنے گزرے ہیں
سبزی منڈیوں میں کھپتے
لوڈڈ ٹرکوں کو تکتے
نجانے کس دسمبر میں
ٹماٹر کے بھاؤ گرنے تھے
ہماری تو دسمبرنے
بہت امیدیں توڑی ہیں
بڑے سپنے بکھیرے ہیں
رکھا ہے کیا دسمبر میں
ہماری مارکس شیٹ تکتی
پر نم نگاہوں میں
ساون کے جو ڈیرے ہیں
دسمبر ٹیسٹ کے تحفے ہیں
دسمبر پھر سے آیا ہے
جو اب بھی پاس نہ ہم ہو پائے
تو اکیلے ہم نہ روئیں گے
ہمارا ساتھ دینے کو
ساون کے بھرے بادل
برس برس کر روئیں گے
پھر اتنامینہہ برسے گا
ممتحن سہہ نہ پائے گا
بورڈ کا آفس ڈوب جائے گا
رکھا ہے کیا دسمبر میں
رویے سرد ہوں تو
مہینے سارے ٹھنڈے ہیں
رشتے سارے ٹھنڈے ہیں
پانی ، گیس ، بجلی کی قلت ہے
دسمبر تو دسمبر ہے
دسمبر کا بھروسہ کیا
آلو بھرا سموسہ کیا
دسمبر بیت ہی جائے گا

ابھی بھی سم ٹیکسٹ مسنگ

ان سب کا شکریہ جنہوں نے یہ نظم(اگر یہ نظم ہے ) دسمبر سے پہلے ہی اتنی بار بھیجی کہ یاد ہو گئی۔

 

کہا اس نے سنو بھائن
دسمبر آن پہنچا ہے
کہا میں نے چل کام کر
ہمارے گھر بھی کیلنڈر ہے

 

کس نے کہا تھا نیٹو سپلائی بند کرو

 

واہ جی واہ
جوشاندے کے اشتہار میں لگ سکتی ہے آپ کی نظم :00003:

 

دسمبر ہم نے خود کچھ نہیں کرنا

دسمبر اب کے آؤ تو اس شہر تمنا کی خبر لانا
جہاں بجلی دن میں بارہ بار غائب نہ ہو تی ہو
جہاں گیس بیس گھنٹے سہی فل پریشر پر ملتی ہو
سوئی ناردرن اور سدرن کے ساتھ کھاریاں سے بھی سپلائی ٓتی ہو
دسمبر ہم سے نہ پوچھو ہمارے شہر کی بابت
آج پھر اس عظیم قائد کے یوم ولادت کی چھٹی ہے جو
بڑھاپے میں بسترمرگ پر بھی کام کرتا تھا
دسمبر اب کے آؤ تو اس شہر تمنا کی خبر لانا
جہاں دو بجے میٹنگ کا مطلب دو بجے ہی ہوتا ہو
اور ایک کلو ٹماٹر پورے ایک کلو نکلتے ہوں
دسمبر ہم نے خود کچھ نہیں کرنا
ہم نے رو رو کر دکھڑا ہی سنانا ہے
تم نہ سنو تو جنوری کو سنا لیں گے
دسمبر
دسمبر اب کے آؤ تو اس شہر تمنا کی خبر لانا
جہاں قوم ایک ہی ہفتے میں چہلم حضرت حسینؓ ،بڑے دن ،
قائداعظم کی پیدائش اور اتوار کی چھٹی نہ کرتی ہو
سی این جی سٹیشن پر گاڑیوں کی لائن ہو تو صرف دو میٹر لمبی ہو
دسمبر ہم سے نہ پوچھو ہمارے شہر کی بابت
یہاں چھٹیاں ہی چھٹیاں ہیں
کل مسلکی دہشت گردوں نے چہلم حسینؓ منایا
سارے شہر کو ان کے ضدی جلوس کے تحفظ کی خاطر کام سے چھٹی تھی
ہاں بے چاری فوج کو خالی شہر میں مٹرگشت کرنا تھا

دسمبر ہم سے نہ پوچھو ہمارے حال کی بابت
یہاں آنکھوں میں گزرے ماضی کی عظمت کی چمک ٹھہری ہے
سیاست زہر جیسی ہے ، اور پرائیویٹ چینلوں کی کیاریوں میں بیانوں کی فصل اگتی ہے
ٹماٹر مہنگا ہے وزارت سستی ہے
مگر پھر بھی
ہم عظمت رفتہ کی کہانیاں سن کر گہری نیند سوتے ہیں
سارا دن رومانوی شاعری کی افیون لے کر مست رہتے ہیں
ساری شام سارے چینلوں کے ڈرامے دیکھتے ہیں ،
صبح سارے مارننگ شو دیکھنا ہم پہ واجب ہیں
اور دوپہر میں ڈراموں کی ریپیٹ ٹیلی کاسٹ دیکھنا لنچ کا حصہ ہے
ہر بریکنگ نیوز پر نظر رکھنا ہماری رضاکارانہ ذمہ داری ہے
دسمبر
اب کے آو تو
اسی حال میں ہم کو پاؤ تو
حیران مت ہونا
ہم نے جاگنا ہوتا تو دس سال پہلے جاگ چکے ہوتے
بدلنا ہوتا تواپریل میں ہی بدل جاتے
دسمبر کا تو بہانہ ہے
کسی نہ کسی طرح ہم نے
کسی نہ کسی کو تو پھنسانا ہے
دسمبر اب کے آؤ تو
حیران مت ہونا
۔۔۔
۔۔۔
باقی نظم لوڈشیڈنگ کے مارے بجلی ٓنے پر مکمل کریں

 

ذرا سی دیردسمبر کی دھوپ میں بیٹھیں
یہ فرصتیں ہمیں شاید نہ اگلے سال ملیں

مونگ پھلی، چلغوزے،اخروٹ، بادام
نجانے کتنے مہنگے دام اگلے سال ملیں

​

 

دسمبری شاعر
شاعری میں دم نہیں لائکس پہ اتراتا ہے بہت
ہائے دسمبر وائے دسمبر سالانہ دہراتا ہے بہت
اداسیوں کے بیج بو کے خود چلا جاتا ہے یہ
اپنے اداس مداحوں کو یہ رلاتا ہے بہت ​