بسم اللہ الرحمن الرحیم السلام علیکم ورحمۃ اللہ وبرکاتہ یہ اردو باورچی خانہ ہے ۔ یہاں باورچی خانے کے متعلق تمام فصیح اردو الفاظ جمع کیے جائیں گے ۔ وہ لفظ جنہیں ہم نےرفتہ رفتہ بھلا دیا ان کو یاد کرنا ہے اور ان کے متعلق معلومات فراہم کرنی ہیں ۔ اس مقصد کے لیے لغات اور دوسرے مصادر سے اقتباس لیے جا سکتے ہیں ۔ امید ہے آپ سب اپنا حصہ شامل کریں گے ۔
نعمت خانہ : لکڑی اور جالی سے بنی ایسی الماری کو کہتے تھے جس میں کھانے پینے کی چیزیں سنبھال دی جاتی تھیں تا کہ جانوروں اور حشرات الارض سےمحفوظ رکھا جا سکے ۔ اب یہ کام بجلی والے فریج کے ذمے ہے ۔ میری ننھیال میں ابھی بھی ایک نعمت خانہ موجود ہے جو گرمیوں کی لوڈ شیڈنگ میں خوب کام آتا تھا ۔
چھینکا : اب یہ صرف اس محاورے میں باقی رہ گیا ہے : بلی کے بھاگوں چھینکا ٹوٹا ۔ چھینکا ایک جال دار ٹوکری کی مانند ہوتا ہے جسے دیوار یا تار پر لٹکا کر اس میں کھانے پینے کی وہ چیزیں رکھتے تھے جنہیں بلیوں سے بچانا ہوتا ۔ رات میں کھلے آسمان تلے کسی چیز پر اس کو لٹکا دیا جاتا تا کہ دودھ اور سالن وغیرہ خراب نہ ہوں ۔ جن علاقوں میں بجلی غائب ہو جائے وہاں چھینکا واپس آ جاتا ہے بالکل ویسے جیسے دستی پنکھے واپس آ جاتے ہیں ۔
وعلیکم اسلام ورحمۃ اللہ وبرکاتہ زبردست مفید شئیرنگ اچھا میں تو سمجھتی تھی کہ نعمت خانہ باورچی خانے کا ایک نام ہے - چھینکا : یہ دیکھا تو ہے مجھے بڑا مزے کا لگتا تھا اوپر لٹکا ہوا- ہماری ادھر انڈیا سے تعلق رکھنے والی ایک دوست تھیں وہ بچا ہوا کھانا فرج میں نہیں رکھتی تھیں کبھی گرم کر لیتی تھیں اور کبھی ایک کھلے برتن میں پانی ڈال کر اس میں کھانے کا برتن رکھ دیتی تھیں -
کچھ مزید الفاظ کیتلی =کیٹل Kettle ؟؟ = تھرمس thermos آبخورہ = گلاس Glass کٹورہ ، پیالی ، پیالا= باول Bowl
جی ابھی بھی ہوتا ہے کئی گھروں میں ۔ میوے وغیرہ دھوپ میں خشک کرنے کے لیے بھی استعمال کرتے ہیں ۔ ہم نے چھینکے کے متعلق دل چسپ قصے بھی سنے ہیں ۔ گھر والے سوئے ہوتے اور پڑوسی چھت سے آ کر چھینکا اتار کر کھانا چرا لیتے ۔
وعلیکم السلام اچھا موضوع شروع کیا ہے آپ نے ہمیشہ کی طرح! میری اردو اس حساب سے کمزور ہے شراکت کم ہی کر پاؤں گی۔ مجھے اپنا گاؤں یاد آگیا ہے ان اصطلاحات سے۔ پہلی دو چیزیں تو بس وہیں دیکھی تھیں جب بچپن میں چھٹیاں گزارنے جاتے تھے۔ وہاں بجلی نہیں ہوتی تھی اور کھلے آسمان تلے سوتے تھے ، تو رات کو لوگ روٹی اور دیگر بچی ہوئی چیزیں چھینکے میں رکھ کر صحن میں لگی تاروں پر لٹکا دیتے تھے۔
آپ کی اردو کو ٹھیک ٹھاک کردیں گے ہم ، پہلی اسائنمنٹ: آپ ہمیں دال مونگ ، ماش اور مسور کا فرق سمجھائیں ۔ : )
اب ہم سب پلیٹ Plate اور ٹرے Tray کو جانتے ہیں کسی زمانے میں تھالی ، رکابی ، طشتری ، قاب، صحنک وغیرہ عام لفظ تھے ۔
مذاق اڑایا ہے نا مجھ غریب کا : ( میں انکل گوگل سے تصویریں لے کر لگا دوں گی پھر جواب میں اتنی پہچان مجھے ہے اچھا!
یہ اب بھی ھمارے گھر میں استعمال ھوتا ھے ۔ لوڈ شیڈنگ کے دور میں اس کی اھمیت دوبارہ سے بڑھ گئی ھے۔ ایک اور کچن ٹول جو ھمارے گھر یا اور گاؤں کے گھروں میں استعمال میںھے ، وہ پھونکنی اور چمٹا ھے ۔ پھونکنی ملٹی پرپز ھے۔ مثلا بچپن میں امی سے ڈانٹ کے ساتھ پھونکنی کا پیار بھی مل چکا ھے۔ ابتسامہ
مطلب یہ تھا کہ اب کچھ کھانے پینے کی چیزوں کے فصیح اردو نام ذکر ہوں ۔ دالیں ، مسالے ، سبزیاں ، پھل ، پکوان وغیرہ۔ کچھ بچوں کو بھجیا کا بھی نہیں پتہ کیا ہوتی ہے ۔
بہت خوب ۔ پھونکنی میرا خیال ہے دھونکنی ہی ہے ۔ایک لمبی نال جس سے آگ جلاتے ہوئے پھونک مارتے ہیں ۔ میں نے ایسی دھونکنی بھی دیکھی ہے ۔ اور چمٹا ابھی بھی گھروں میں روٹی یا پراٹھا پلٹنے کے لیے استعمال ہوتا ہے ۔
انڈے اور پیاز کی بھجیا جوناشتے میں بنتی ہے اسے خاگینہ کہتے ہیں ۔ خواتین ناول نگار اسے بعد میں کسی ہیروئن کا نام رکھ دیں تو ہم ذمہ دار نہیں ۔
بزرگ لوگوں کی چارپائی یا بستر کے آس پاس بزرگی کی ایک اہم نشانی کے طور پر " اگالدان" موجود رہتا تھا ۔ جس میں پیک وغیرہ ناپسندیدہ چیز تھوک دی جاتی ۔ سلور ، سٹیل اور پیتل کے سادہ اور نقشین اگالدان ہمارے گھر میں بھی ہوتے تھے ۔
اگالدان قے وغیرہ کے مریضوں کے سرہانے پڑا بیمار ہونے کا اعلان بھی کرتا تھا ۔ مجھے یاد ہے ایک بار بھائی کو متلی ہو رہی تھی امی نے ان کےسامنے اگالدان کر دیا تو بولے امی اسے ہٹائیں اس کی وجہ سے مجھے سچ مچ قے آ جائے گی ۔ حالاں کہ امی سلیقہ مند بیبیوں کی طرح اگالدان کو مانجھنے اور چمکانےکا بہت اہتمام کرتی تھیں ۔
بہت مزے کا تهریڈ ہے مگر افسوس کہ شیئر کرنے کیلئے کچهه بهی نہیں.بس آنکهیں کهول کهول کے ہر برتن کا جائزہ لے رہے ہیں.اور گهر کی باقی چیزوں کے بارے میں بهی کچهه بتایئے. جزاک اللہ خیر
شکریہ اس تهریڈ کا بہت اچها لگا نیئ نیئ معلومات ملیں ام جابر آنکھوں کے ساته ذرا دماغ کو گھمائے بہت سی چیزیں مل جایں گی اگر پکے گهر میں نہیں تو .........
