معین شخص پر لعنت / گروہ پر لعنت ۔۔۔؟!

بسم اللہ الرحمٰن الرحیم​

درج ذیل آیات کی روشنی میں یہ بات واضح ہے کہ عام طور پر کسی خاص گروہ پر لعنت بھیجنا جائز ہے ۔

سورہ اٰل عمرٰن (3) کی آیت 86 اور 87 یوں ہیں :
اﷲ ان لوگوں کو کیونکر ہدایت فرمائے جو ایمان لانے کے بعد کافر ہو گئے حالانکہ وہ اس امر کی گواہی دے چکے تھے کہ یہ رسول سچا ہے اور ان کے پاس واضح نشانیاں بھی آچکی تھیں، اور اﷲ ظالم قوم کو ہدایت نہیں فرماتا
ایسے لوگوں کی سزا یہ ہے کہ ان پر اﷲ کی اور فرشتوں کی اور تمام انسانوں کی لعنت پڑتی رہے
( اردو ترجمہ : ڈاکٹر طاہر القادری )

سورہ ھود (11) کی آیت 60 یوں ہے :
اور اس دنیا میں (بھی) ان کے پیچھے لعنت لگا دی گئی اور قیامت کے دن (بھی لگے گی)۔ یاد رکھو کہ (قومِ) عاد نے اپنے رب کے ساتھ کفر کیا تھا۔ خبردار! ہود (علیہ السلام) کی قومِ عاد کے لئے (رحمت سے) دوری ہے
( اردو ترجمہ : ڈاکٹر طاہر القادری )

سورہ الرعد (13) کی آیت 25 یوں ہے :
اور جو لوگ اﷲ کا عہد اس کے مضبوط کرنے کے بعد توڑ دیتے ہیں اور ان تمام (رشتوں اور حقوق) کو قطع کر دیتے ہیں جن کے جوڑے رکھنے کا اﷲ نے حکم فرمایا ہے اور زمین میں فساد انگیزی کرتے ہیں انہی لوگوں کے لئے لعنت ہے اور ان کے لئے برا گھر ہے

ان آیات میں اللہ نے ظالم قوم پر اور منافقین پر لعنت کی ہے ۔

سورہ اٰل عمرٰن (3) کی آیت 61 یوں ہے :
پس آپ کے پاس علم آجانے کے بعد جو شخص عیسٰی (علیہ السلام) کے معاملے میں آپ سے جھگڑا کرے تو آپ فرما دیں کہ آجاؤ ہم (مل کر) اپنے بیٹوں کو اور تمہارے بیٹوں کو اور اپنی عورتوں کو اور تمہاری عورتوں کو اور اپنے آپ کو بھی اور تمہیں بھی (ایک جگہ پر) بلا لیتے ہیں، پھر ہم مباہلہ (یعنی گڑگڑا کر دعا) کرتے ہیں اور جھوٹوں پر اﷲ کی لعنت بھیجتے ہیں

اور اٰل عمرٰن کی آیت 61 میں جھوٹوں پر لعنت کی گئی ہے ۔

لیکن ۔۔۔ کسی فاسق کو معین کر کے لعنت کرنا سنتِ نبوی (ص) میں موجود نہیں ہے ۔
البتہ عام لعنت وارد ہے ۔
مثلاََ نبی کریم (ص) نے فرمایا :
چور پر اللہ کی لعنت کہ ایک انڈے پر اپنا ہاتھ کٹوا دیتا ہے ۔ ( بخاری و مسلم )۔
جو بدعت نکالے یا بدعتی کو پناہ دے ، اس پر اللہ کی لعنت ۔ ( بخاری )۔

اور بالکل اسی موضوع پر وہ احادیث بھی ہیں جو یہ بتاتی ہیں کہ جس نے کسی صحابی کو گالی دی اس پر اللہ کی لعنت ہو ۔
یعنی احادیث بھی اسی اصول کو واضح کرتی ہیں جو قرآن ظاہر کرتا ہے ۔ یعنی ۔۔۔
عام طور پر کسی خاص گروہ پر لعنت بھیجنا جائز ہے ۔ لیکن کسی ایک خاص شخص کو معین کر کے لعنت نہیں کی جا سکتی ۔

اس کی دلیل بھی پڑھ لیجئے ۔
رسول اللہ صلی اللہ علیہ وسلم نے عام طور پر شرابیوں پر لعنت بھیجی ہے ۔
اب صحیح بخاری کی ایک حدیث دیکھئے :

ایک شخص (عبداللہ حمار) شراب پیتا تھا اور بار بار نبی (ص) کے پاس پکڑا آتا تھا ۔ اسی طرح کئی پھیرے ہو چکے تو ایک شخص نے کہا :
اس پر اللہ کی لعنت کہ بار بار پکڑ کر دربارِ رسالت میں پیش کیا جاتا ہے ۔
رسولِ کریم نے یہ سنتے ہی فرمایا :
اسے لعنت نہ کرو ۔ کیونکہ یہ اللہ اور اس کے رسول (ص) سے محبت کرتا ہے ۔
صحیح بخاری ، كتاب الحدود ، باب : ما يكره من لعن شارب الخمر وانه ليس بخارج من الملة ، حدیث : 6867


کوئی زندہ شخص ظالم ہو تو اس پر لعنت کرنے سے یہ صحیح حدیث روکتی ہے ۔
اور کوئی مردہ شخص جس کے بارے میں یقینی طور پر معلوم ہو جائے کہ وہ ظالم تھا تو ایسے شخص پر بھی لعنت کرنے سے صحیح بخاری ہی کی ایک اور حدیث روکتی ہے ۔ یعنی :
بخاری کی حدیث میں درج ہے کہ ابوجہل کو لوگ مرنے کے بعد گالیاں دینے لگے تو آپ صلی اللہ علیہ وسلم نے منع فرما دیا اور کہا :
مرنے والوں کو گالی مت دو ۔
( صحیح بخاری )

 

حضرت عبد اﷲ رضی اللہ عنہ روایت کرتے ہیں کہ حضور نبی اکرم صلی اللہ علیہ وآلہ وسلم نے فرمایا :

إِنَّ الْمُؤمِنَ لَيْسَ بِاللَّعَّانِ.

’’مومن لعنت کرنے والا نہیں ہوتا۔‘‘

(أحمد بن حنبل، المسند، 1 : 416، رقم : 3948)

حضرت عائشہ صدیقہ رضی اﷲ عنہا بیان کرتی ہیں کہ حضرت ابو بکر صدیق رضی اللہ عنہ نے اپنے غلام پر لعنت بھیجی تو حضور نبی اکرم صلی اللہ علیہ وآلہ وسلم نے فرمایا :

يَا أَبَا بَکْرٍ! اللَّعَّانُوْنَ وَ الصِّدِّيْقُوْنَ کَلَّا وَرَبِّ الْکَعْبَةِ مَرَّتَيْنِ أوْ ثَلَاثًا.

’’اے ابو بکر! کیا صدیق اور لعنت کرنے والے بھی، رب کعبہ کی قسم (ایسا) ہرگز نہیں (ہوسکتا) آپ صلی اللہ علیہ وآلہ وسلم نے یہ کلمات دو، تین مرتبہ دہرائے۔

حضرت ابوبکر صدیق رضی اللہ عنہ نے اُسی دن اپنا غلام آزاد کر دیا اور حضور نبی اکرم صلی اللہ علیہ وآلہ وسلم کی خدمت میں حاضر ہو کر عرض کیا’’ لا اعود‘‘ میں دوبارہ یہ کلمات نہیں کہوں گا۔‘‘

(بخاری، الأدب المفرد، 1 : 88 - 89، رقم : 319)

 

السلام علیکم

اگر اس کا مکمل حوالہ صحیح‌ بخاری سے مل جائے تو بہت مشکور ہوں گی ۔

 

وعلیکم السلام

[QH]حدثنا عمر بن حفص بن غياث، حدثني ابي، حدثنا الاعمش، قال سمعت ابا صالح، عن ابي هريرة، عن النبي صلى الله عليه وسلم قال ‏"‏ لعن الله السارق، يسرق البيضة فتقطع يده، ويسرق الحبل فتقطع يده ‏"‏‏.‏ قال الاعمش كانوا يرون انه بيض الحديد، والحبل كانوا يرون انه منها ما يسوى دراهم‏.[/QH]
[QH]صحيح البخاري ، كتاب الحدود ، باب لعن السارق اذا لم يسم ، حديث:6870[/QH]

عربی متن : یہاں
اردو ترجمہ : یہاں

 

جزاک اللہ خيرا