اقبال مرد کبھی رویا نہیں کرتے

مرد کبھی رویا نہیں کرتے۔ یہ فقرہ عموما بولا جاتا ہے لیکن آج اس کا ایک حوالہ بھی مل گیا۔

ملاحظہ کیجیے ڈاکٹر جاوید اقبال کی زبانی کہ یہ ان سے کب علامہ اقبال رحمہ اللہ نے کہا:

"اماں جان کے انتقال کے بعد ہم دونوں بچے ابا جان کے زیادہ قریب آگئے۔مجھے اچھی طرح یاد ہے کہ جس وقت اماں جان فوت ہوئیں تو ہم دونوں بہن بھائی ایک دوسرے کا ہاتھ پکڑے، روتے روتے ابا جان کے کمرے کی طرف گئے۔ وہ حسب معمول اپنی چار پائی پر نیم دراز تھے کیونکہ ان دنوں خود بھی بیمار رہتے تھے۔ گلا بیٹھ چکا تھا اور صاف بول نہ سکتے تھے۔ میں اور منیرہ ان کے دروازے تک پہنچ کر ٹھٹھک سے گئے۔ یوں روتے کھڑا دیکھ کر انھوں نے انگلی کے اشارے سے ہمیں قریب آنے کو کہا، اور جب ہم ان کے قریب پہنچے تو ایک پہلو میں مجھے اور دوسرے میں منیرہ کو بٹھا لیا۔ پھر اپنے دونوں ہاتھ پیار سے ہمارے کندھوں پر رکھ کر قدرے کرختگی میں مجھ سے گویا ہوئے:’’تمہیں یوں نہ رونا چاہیے!یاد رکھو‘ تم مرد ہو‘ اور مرد کبھی نہیں رویا کرتے۔‘‘اس کے بعد اپنی زندگی میں پہلی مرتبہ انھوں نے ہم دونوں بہن بھائیوں کی پیشانیوں کو باری باری چوما۔"

مطالعۂ اقبال کے سو سال
علامہ اقبال کی شخصیت اور فکر و فن پر منتخب مقالات
(۱۹۰۱ء ۔ ۲۰۰۰ء)
مرتبین :
رفیع الدین ہاشمی محمد سہیل عمر وحید اختر عشرت

 

جزاک اللہ خیرا

 

رلاتے ہیں