اقبال کیا علامہ اقبال نزول مسیح کے قائل تھے؟

یوسف سلیم چشتی لکھتے ہیں:

"علامہ نے فرمایا کہ میری رائے میں مسیح اور مہدی کے نزول کا تخیل سراسر غیر اسلامی ہے۔ قرآن حکیم میں ان بزرگوں کی دوبارہ تشریف آوری کا کوئی تذکرہ نہیں ہے۔ صحیح بخاری میں نزول مہدی کا مطلق ذکر نہیں ہے۔ ہاں، مسیح کی آمد ثانی سے متعلق دو حدیثیں ضرور موجود ہیں مگر جب قرآن میں اس کی آمد ثانی کا کوئی وعدہ نہیں ہے تو لامحالہ ان کو ناقابل اعتماد قرار دینا پڑے گا۔ مسیح اور مہدی کا انتظار کرتے رہنے کے بجائے خود مسلمانان عالم ہی وہ کام کیوں نہ کریں جو وہ مسیح اور مہدی سے متعلق سمجھتے ہیں"

اقتباس از ملفوظات اقبال (یوسف سلیم چشتی)
اقبالیات کے سو سال ۔ منتخب مضامین


اس اقتباس کو اگر سچ مان لیا جائے کہ واقعی علامہ اقبال کی یہی رائے تھی تو حیرت ہوتی ہے کیونکہ قرآن کی کئی آیات سے نزول مسیح کا استدلال کیا جاتا ہے۔اور یہ بات تفاسیر میں موجود ہے۔ لہذا علامہ کے حوالے سے یہ بات ماننے کو جی نہیں چاہتا۔
بصورت دیگر یوسف سلیم چشتی کی اس بات کا رد کیسے ہو؟ کیا علامہ کی کسی تحریر و تقریر سے اس بات کو غلط ثابت کیا جاسکتا ہے؟
اہل علم سے درخواست ہے کہ وہ اپنی آراء سےمستفید کروائیں۔

 

اچھے سوالات ہیں، فی الحال اس اقتباس کو سچ نہ ہی مانا جائے یہاں تک کہ خود اقبال کے کام سے شہادت مل جائے۔

مہدی کے متعلق یہ بھی یاد رہنا چاہیے کہ ایک فرقہ امام منتظر کے انتظار میں ہے دوسرے کے ہاں مہدی کا انتظار ہے ، اقبال نے کس کے بارے میں یہ کہا یہ واضح ہو گا خود ان کے الفاظ سے ، نہ کہ وہ جو یوسف چشتی کہیں، یہاں یہ بھی یاد رہے کہ اہل السنت والجماعت جس مہدی کی بات کرتے ہیں ان کو دوبارہ نہیں آنا۔ اس لیے لگتا ہے کہ یہ ایک اقلیتی فرقے کے امام منتظر پر تبصرہ ہے۔
میں ادب کی طالبہ نہیں، اقبال کا کچھ کلام ذہن میں آتا ہے جہاں مہدئ برحق کی اصطلاح استعمال ہوئی ہے۔

دنیا کو ہے اس مہدئ برحق کی ضرورت
ہو جس کی نگہ زلزلہء عالمِ افکار​

 

لیجیے ضرب کلیم سے

مہدی
قوموں کی حیات ان کے تخیل پہ ہے موقوف
یہ ذوق سکھاتا ہے ادب مرغ چمن کو
مجذوب فرنگی نے بہ انداز فرنگی
مہدی کے تخیل سے کیا زندہ وطن کو
اے وہ کہ تو مہدی کے تخیل سے ہے بیزار
نومیدۂ کر آہوئے مشکیں سے ختن کو
ہو زندہ کفن پوش تو میت اسے سمجھیں
یا چاک کریں مردک ناداں کے کفن کو؟

مہدئ برحق

سب اپنے بنائے ہوئے زنداں میں ہیں محبوس
خاور کے ثوابت ہوں کہ افرنگ کے سیار

پیران کلیسا ہوں کہ شیخان حرم ہوں
نے جدت گفتار ہے، نے جدت کردار

ہیں اہل سیاست کے وہی کہنہ خم و پیچ
شاعر اسی افلاس تخیل میں گرفتار

دنیا کو ہے اس مہدی برحق کی ضرورت
ہو جس کی نگہ زلزلۂ عالم افکار
​