میں اور میرا ویک اینڈ!

بسم اللہ الرحمٰن الرحیم

السلام علیکم اردو مجلس!​

میں‌ اور میرا ویک اینڈ، ویک اینڈ سے مراد کمزور انگ نہ لیا جائے بلکہ اس سے مراد ہے ہفتے کے آخری دو دن۔ اب آپ کا ویک اینڈ کب آتا ہے یہ تو مجھے معلوم نہیں کیونکہ یہاں سعودی عریبیہ میں‌ تو بُدھ کی شام سے ہی ویک اینڈ شروع ہو جاتا ہے جو جمعہ کو رات گئے تک جاری رہتا ہے۔ دیگر غیر مسلم ممالک میں ہفتے اور اتوارکو ویک اینڈ کے طور پر منایا جاتا ہے، البتہ پاکستان ان سب میں سرِ فہرست اس لحاظ سے ہے کہ جمعہ، ہفتہ اور اتوار سب ہی ویک اینڈ کی زد میں آجاتے ہیں۔ ایک زمانہ تھا جب وہاں بھی جمعرات کو آدھی چھُٹی ہوا کرتی تھی اور جمعے کو پوری، لیکن عالمی منڈی میں بھر پور کردار ادا کرنے کی خاطر اتوار کو ہفتہ وار تعطیل قرار دی گئی، جب سے ہم اگر پاکستان جائیں تو عجیب مخمصے کا شکار ہو جاتے ہیں کہ جمعہ اتوار کو پڑھیں یا جمعے کو آدھی چھُٹی کے سبب جمعرات سمجھیں؟

ایسا ہی ایک لطیفہ یاد آ رہا ہے کہ ایک زمیندار کو اولاد نہیں تھی، اس کو ایک میراثی جو کہ انتہائی چرب زبان ہوا کرتے ہیں نے آکر دعا دی کہ اللہ تمھیں‌ بیٹا دے مجھے اللہ کے نام پہ کچھ دے دو، زمیندار جو انتہائی کنجوس بھی تھا اس سے کہنے لگا کہ جاؤ جب اللہ نے بیٹا دیا تو اسی وقت مانگنے آنا، میراثی بھی دُھن کا پکا تھا اس نے پوچھا کہ کیا دو گے، چوہدری نے چھاتی تان کر کچھ اکڑ سے کہا کہ ایک گھوڑی دوں گا، اللہ کے حکم سے کچھ عرصہ بعد چوہدری کا بیٹا پیدا ہوا اور میراثی وہاں مبارکباد دینے پہنچ گیا۔ اور چوہدری کو اپنا وعدہ بھی یاد دلانا مقصود تھا۔ چوہدری گھوڑی دینے کے لیے بہت ہچکچایا مگر اب عزت کی بات تھی کہ گاؤں کا چوہدری اپنی زبان سے مکرے کیسے؟ خیر اس نے ایک مریل قسم کی گھوڑی حاتم طائی کی قبر کو لات مارتے ہوئے مراثی کو دے دی۔ اگلے روز ہفتہ تھا، میراثی نہا دھو کر نئے کپڑے پہن کر گھوڑی پر سوار ہوا اور چوہدری کے گھر کے قریب سے گذرنے لگا تو چوہدری نے پوچھا کہ اللہ وسایا کہاں جا رہے ہو، اللہ وسائے نے کہا چوہدری صاحب جمعہ پڑھنے، چوہدری نے کہا آج تو ہفتہ ہے، اللہ وسایا بولا کہ چوہدری صاحب اس کی صحت کے مطابق اس ک رفتار کمزور ہے اس لیئے چھ دن پہلے نکل کھڑا ہوا کہ کم از کم جماعت تک تو پہنچ جاؤں!!!

خیر بات ہو رہی تھی ویک اینڈ کی، بچوں کو انتظار ہوتا ہے کہ ویک اینڈ پر پاپا ہمیں‌ باہر پارک میں گھومنے پھرنے لے جائیں گے، آئس کریم، پیزا، برگر اور کھلونے وغیرہ دلائیں گے، بیگم بھی اسی امید پر کھانا پکانا ترک کر کے سج دھج کر بیٹھ جاتی ہیں کہ دو دن تو چھٹی ہے رات کو باہر گھومنے جائیں‌ گے کچھ شاپنگ کریں گے اور کھانا بھی باہر ہی کھا لیں گے۔

جبکہ شوہر بے چارے کی حالت غیر ہو رہی ہوتی ہے کہ پانچ دن لگاتار کام کر کے آخر دو دن آرام کے لیے مل رہے ہیں، خوب نیند پوری کریں گے، کیونکہ پھر اگلا ہفتہ وہی روٹین، رات ڈیڑھ دو بجے سونا اور صبح پانچ ساڑھے پانچ بجے اٹھنا، سارا دن دفتر کے بکھیڑے، گھر میں آئے تو بچوں کی پڑھائی اور گھریلو ضروریات کی فراہمی کا بندو بست وغیرہ۔ ۔ ۔ ۔

لیکن ہوتا وہی ہے جو منظورِ بیغم ہوتا ہے، یعنی پانچ دن دفتر کے تو دو دن بیوی کے، اب گھریلو معاملات کو بھی کنٹرول میں‌ رکھنا ہوتا ہے ورنہ لاء اینڈ آرڈر کی صورتحال مخدوش ہو جاتی ہے۔ چلیئے کوئی بات نہیں‌ بدھ کی رات کو بھی روٹین ہفتے کی طرح بھگتا لیتے ہیں، صبح تو جمعرات ہے خوب سوئیں گے۔ آفس سے گھر پہنچتے ہی بچوں نے یاد دلایا بابا آپ نے جھولوں پر لے جانے کا وعدہ کیا تھا، آج ہمیں لے جائیں‌ نا! کل تو ویسے بھی چھُٹی ہے۔ بیگم بولیں ہاں وہ انڈین مارکیٹ سے بھی ہوتے جائیں گے مجھے کچھ کپڑے لینے ہیں،ہم نے احتجاج کیا کہ ارے ابھی پچھلے ماہ ہی تو لیے تھے، وہ تو سب نے دیکھ لیے اور کپڑا تو پاکستان میں‌ملتا ہے، یہاں اتنا مہنگا اور کسی کام کا نہیں‌ہوتا ایک بار دھونے سے پرانا ہو جاتا کہ کہیں پہن کے کسی کے گھر آنا جانا بھی اچھا نہیں‌ لگتا۔ چلیئے جی سب تیار ہو گئے ہم گاڑی میں بیٹھے ہیں اور بیغم اوپر اپنے فلیٹ میں اپنی پہلے سے تیاری پر نظرِ ثانی فرمانے کی غرض سے آئینے کے سامنے ایک آدھ گھنٹا اور لگائیں گی۔ بچوں کو کہا کہ جاؤ ماما سے کہو جلدی تیار ہو کر آجاؤ تو وہ قسمیں ‌اٹھوا کہ اس یقین دہانی کے بعد گاڑی سے اترے کہ میں‌ ان کو اوپر بھیج کر خود کہیں‌چلا تو نہیں‌جاؤں گا۔

بڑے بیٹے نے اوپر بالکونی سے سر باہر نکال کر آواز لگائی کہ بابا ماما تیار ہو رہی ہیں‌ آپ اتنے میں‌ اوپر آکر کچرا لے جائیں‌ اور اسے بلدیہ کے ڈرم میں‌ پھینک دیجیئے۔ اچھا بھلا تیار شدہ آدمی گاڑی میں بیٹھا ہوا، نیچے اترا اوپر فلیٹ میں‌ گیا ہاتھ میں سیاہ پلاسٹک کے تھیلوں میں سے کچن اور باتھ روم کے ڈسٹ بن میں‌ سے بچوں کے ڈائیپرز وغیر ڈال کر دونوں ہاتھ میں لٹکائے نیچے اُترا کیسا لگتا ہو گا اس کا اندازہ صرف پردیس میں مقیم شوہر حضرات ہی لگا سکتے ہیں۔

وہ پھنکنے کے بعد پھر اوپر جانا ہوگا ہاتھ وغیرہ دھو کر بیگم سے پوچھا کہ کتنی دیر ہے، بس آ رہی ہوں آپ ایسا کریں چھوٹے والے کو اُٹھا کر نیچے لے جائیں دودھ اور فیڈر وغیرہ بھی تیار ہیں، وہ بھی لیتے جائیے گا۔ چھوٹے کو اٹھایا تو درمیان والا بھی زمین پر لیٹ گیا، پوچھا تو پتہ چلا کہ یہ صاحب بھی تھکے ہوئے ہیں اور سیڑھیاں‌ اترنے کی سکت نہیں‌ رکھتے، دوسرے ہاتھ سے اسے بھی اُٹھا لیا اور بڑے کو بولا یار وہ دودھ وغیرہ تم اٹھا لاؤ، بابا میں تو صرف چھ سال کا ہوں نا، سیڑھیوں سے دودھ گر گیا یا فیڈر ٹوٹ گیا تو ماما ڈانٹیں گی۔ خیر جیسے تیسے کر کے نیچے پہنچے، گاڑی اسٹارٹ کر کے ایئر کنڈیشنڈ چالو کر دیا تا کہ بچے گرمی سے پریشان نہ ہوں، اور بیگم صاحبہ کے آنے تک گاڑی کا ماحول بھی خوشگوار ہو جائے، خود ایک سگریٹ سلگائی اور سیٹ کی پشت سے ٹیک لگا کر بیٹھ گیا، چھوٹے والا گود میں آکر بیٹھ گیا اور لگا ہارن بجانے، درمیان والا بولا بابا مجھے گرمی لگ رہی ہے اے سی آف کر دو، بڑا کبھی اگلی سیٹ پر تو کبھی پچھلی پر!

خدا خدا کر کے بیگم نیچے پہنچیں، گاڑی میں بیٹھتے ہی بولیں توبہ پانچ منٹ لیٹ کیا ہو گئی آپ نے تو ہارن بجا بجا کر آسمان سر پہ اٹھا رکھا ہے، اب ہم اپنی مسکین صورت لے کر رہ گئے اور ثبوت کے طور پر چھوٹے سے کہا کہ پھر ہارن بجاؤ تو اس نے بھی انکار کر دیا۔

خیر گاڑی چلانی شروع کی تو ایک سر سائیڈ مرر کے آگے ایک پچھلی سیٹ پر اس زاویے میں کھڑا ہو گیا کہ بیک مرر سے کچھ دکھائی نہیں‌دے رہا اور چھوٹا جو اپنی ماما کی گود میں‌ کبھی گئیر کو چھیڑتا ہے تو کبھی ڈیش بورڈ پر لگے دوسرے بٹنوں کو۔ بابا وہ دیکھو کھلونوں والی دکان، وہ رہی آئس کریم ۔ ۔ ۔ ۔ ۔ کچھ مانتا کچھ ٹالتا پارک پہنچے بڑے نے نیچے اترتے ہی لیٹنا شروع کر دیا کہ یہاں نہیں‌ میں‌نے دوسرے والے پارک کا کہا تھا، اسے کیا سمجھاؤں کہ جھولے وغیرہ تو سب ایک جیسے ہیں بس وہاں جھولوں کے ٹکٹ مہنگے ہونے کے ساتھ ساتھ انٹری کی فی بندہ پانچ ریال زیادہ ہیں اور انڈور ہونے کی وجہ سے صفائی ذرا صفائی ستھرائی ہے، الیکٹرانک لائٹس، میوزک اور ایل سی ڈی سکرینز وغیرہ کی بھی زیادتی ہے، اب وہاں سی سا پر ایک طرف جلتی بجھتی بتیوں والا بھالو بیٹھا ہوتا ہے تو یہاں ہم ایک طرف دو بچوں کو بٹھا کر ایک کو دوسری طرف بٹھا کر خود اپنے ہاتھوں سے وزن ڈال کر بیلنس برقرار رکھتے ہیں لیکن کہاں‌صاحب ہم سے تو وہی بھالو صاحب ہی بھلے!

رستے میں‌ بیگم صاحبہ کو سیٹی پلازا پر 25٪ ڈسکاؤنٹ نظر آجاتا ہے، یہاں ذرا رکیے گا، مشکل سے گاڑی پارک کی بچوں‌کا موڈ الگ آف کی ابھی تک پارک نہیں‌ پہنچے، میرا بار بار اپنی جیب پر دھیان جارہا ہوتا ہے، خیر سب اندر مارکیٹ میں‌جاتے ہیں بچے کھلونوں کی طرف لپکتے ہیں‌ اور بیگم صاحبہ اپنی ضرورت کی اشیاء پر نظر ڈال کر انہیں جانچتی ہیں اور شاپنگ کارٹ فل کر کے ہم سے گاڑی کی چابی کی متقاضی ہوتی ہیں کہ وہ گاڑی میں جا کر بیٹھتی ہیں اور ہم لائن میں‌ لگ کر بل ادا کر دیں۔

باہر نکلتے نکلتے رات کے ساڑھے گیارہ بج جاتے ہیں، بیگم کہتی ہیں کھانا لیتے چلیں وہیں پارک میں بیٹھ کر کھا لیں گے، کافی غور خوض کے بعد کسی ایک کھانے یا ہوٹل کی سلیکشن ہوتی ہے کھانا وہاں سے پیک کروایا جاتا ہے اور پارک کو چل پڑتے ہیں۔

وہاں بچوں کی اپنی سرگرمیاں ہوتی ہیں، ایک ایک جھولے پر تین تین بار، ارے یار اس میں ایسا کونسا فلسفہ تھا جو تمھیں ایک بار کی رائڈ سے سمجھ نہیں‌ آتا نہیں وہ دیکھیں ہشام اس پر تین بار بیٹھا ہے تو میں بھی تین بار ہی بیٹھوں گا، اور تم نے اپنے کوائنز کہاں کیے وہ تو ویڈیو گیم میں‌ ڈالے تھے تھوڑی سی چلنے کے بعد گیم اوور ہو گئی، چلو اب میری گیم اوور ہو جائے گی، چلو بس گھر چلتے ہیں کل جمعرات ہے نا پھر آئیں گے۔

عام دنوں‌کی نسبت اس رات ڈھائی تین بجے جا کر سونا نصیب ہوتا ہے، لیکن آپ اس تھریڈ کا ایک چکر اور لگائیے گا ضرور کیونکہ یہ تو صرف بدھ کی رات کی روداد تھی، اصل ویک اینڈ تو ابھی باقی ہے :00026:

 

بہت خوب رفی بھائی آپ نے تو ساری باتیں سچائی سے بھا دیں
اور یہ تو مردوں والا ویک انڈ ہے عاتوں والا عورتوں کی زبانی ہونا چاہیے:00006:

 

میں‌ رفی بھائ کو بتا دو‌ں کہ میرے والد صاحب کے ساتھ بھی تقریباً ایسا ھی ھوتا ھے ۔

 

میں جب تک عورتوں والا ویک اینڈ ٹائپ کروں‌کنوارے حضرات سے گزارش ہے کہ وہ اپنا ویک اینڈ بھی یہاں شئیر کریں‌۔
کیا خیال ہے عقرب بھائی ،زید بھائی:00006:

 

:00003: :00003: :00003: ​

:00002: :00038: :00039:​

اب مجھے بس اتنا بتا دیں‌کہ یہ ابھی کے ابھی لکھا ہے یا ۔۔۔۔۔۔۔۔۔یو نو واٹ آئی مین۔:00005:

 

بھائی پاشا ! غریب کو ابھی تنخواہ نہیں ملی اوپر سے رات بھر جاگنے سے آنکھوں کے سامنے چنگاریاں سی اُڑ رہی ہیں ، کچھ نظر ہی نہیں آرا ، لہذا بہتر یہی ہے کہ ہفتہ کو پڑھ لیتا ہوں یہ تھریڈ :00002: :00010:

 

شروع کر دیں آپ لکھنا یہ تھریڈ سب کے لیے ہے ۔ ۔ ۔ کہ یہاں اپنے اپنے تجربات شیئر کریں۔

 

ارے باپ رے
جل تو جلال تو آئی بلا کو ٹال تو
:00002: :00039:

 

رفی بھائی مجھے آج آپ کی حالت پر بہت ترس آ رہا ہے،
دنیا میں اور بھی دُکھی انسان ہونگے پر مجھے لگتا ہے کہ رفی بھائی جیسا کوئی نہ ہو گا،
دل کی بھڑاس نکالنے کی اچھی جگہ ڈھونڈی ہے اردو مجلس
ویسے ایک کام کیا کریں بلڈنگ سے نیچے کچرے کے تھیلے پھینک دیا کریں آخر بنگالی بھی تو کچھ کام کریں..........:00026:
اللہ آپ کو آفس میں بیگم کے ظلموں سے بچائے.

 

اللہ خیر کرے آج پھر بدھ ہے، میں ان کے ساتھ ہمدردی ہی کر سکتا ہوں، ویسے ہم نے بھی اپنے ابو کو خوب ستایا شاید اسی کو کہتے ہیں جیسی کرنی ویسی بھرنی!!!

 

نعمی بھائی مجھے نہیں معلوم آپ کنوارے ہیں :00026: آپ بھی اپنا ویک اینڈ ضرور شیئر کریں :00009:

 

:00008: :00008: :00008:

 

ہمممممممممممممممممم اللہ کا شکر ہے کہ گھر پر ابھی نیٹ کی سہولت بحال نہیں ہوئی اور دعا ہے کہ ہو بھی نہیں، ورنہ ۔ ۔ ۔ ۔ آپ تو جانتی ہیں، کہ عورتوں والا ویک اینڈ کے بجائے مجھے دھمکیوں والا ویک اینڈ دیکھنے کو ملتا!

 

کیوں آپ کو ڈر ہے کیا آپ مردوں کی سچّائی سامنے نہ آ جائے:00038:

 

اس کا کیا مطلب شہیدوں میں آپ کا بھی نام لکھ دیا جائے:00026:

 

جی سارے کا سارا ابھی کے ابھی لکھا ہے یعنی فی البدیہ ۔ ۔ ۔ ۔ ۔ اور اس کی تحریک کہاں سے پیدا ہوئی یہ بھی آپ نے دیکھ ہی لیا ہے :00026:

 

ویسے رفی بھائی کب بحال ہو رہی ہے نیٹ کی سہولت تاکہ آپ کی اہل بیت بھی مجلس پہ آجائیں
اور ہم سب شادی شدہ مظلوم عورتیں‌ایک عواتوں کی ٹریڈ یونین بنائیں :00005:

 

محترم میں تو والد صاحب کو تنگ نہیں کرتا البتہ میرے چھوٹے بھائ بہن کرتے ہیں ۔

 

بھائی جان یہ کس نے آپ سے کہہ دیا کہ آپکا پڑھنا ضروری ہے، بس آپ اسے محسوس کیجیئے، کہ ویک اینڈ بھی ہوتا ہے۔

 

میں تو کافی دیر سے سوچ رہا ہوں کہ یہ شوہروں بیچاروں پر کیسے کیسے ظلم کیے جا رہے ہیں،
ارے ان غریبوں، بے چاروں، لا چاروں کی سننے والا کوئی نہیں، یہ انیائے ہے، :00002:
ہم بھی لکھیں گے اپنے ویک اینڈ کے بارے میں پہلے آپ سب شیئر کرو پھر ہماری باری