پشاور وارسک روڈ پر آرمی پبلک سکول پر حملہ فائرنگ سو سے زیادہ بچوں کا قتل عام

طالبان نے پشاور سکول حملے کی ذمہ داری قبول کر لی
16 دسمبر 2014 (13:52)
پشاور(مانیٹرنگ ڈیسک ) تحریک طالبان نے پشاور میں سکول پر حملے کی ذمہ داری قبول کرلی ہے ۔کالعدم تنظیم کی طرف سے یہ ذمہ داری ترجمان طالبان خالدخراسانی نے قبول کی اور کہاکہ ” حملے کی ذمہ داری تحریک طالبان پاکستان قبول کرتی ہے‘۔فرانسیسی خبررساں ایجنسی کے مطابق حملے کی ذمہ داری طالبان کے ایک گروپ نے قبول کی ۔
یادرہے کہ پشاور کے وارسک روڈ پر واقع سکول میں دہشتگردوں کے حملے میں سیکیورٹی اہلکار اور خاتون ٹیچر سمیت20سے زائد بچے شہید ہوچکے ہیں ۔
http://dailypakistan.com.pk/peshawar/16-Dec-2014/173499
Agence France-Presse ‏@AFP 38m38 minutes ago
#UPDATE 17 children among 20 killed and 36 wounded in Taliban attack in Pakistan, say officials

 

پشاور: آرمی اسکول پر حملہ،84 بچوں سمیت 104 ہلاک
پشاور : صوبہ خیبر پختونخوا کے دارالحکومت پشاور میں آرمی پبلک اسکول میں مبینہ عسکریت پسندوں کے حملے میں 84 بچوں سمیت 104 افراد ہلاک ہوئے ہیں جبکہ فائرنگ کے تبادلے میں 80 افراد زخمی ہوئے ہیں۔
http://www.dawnnews.tv/news/1013808

 

پاکستان کے صوبہ خیبر پختونخوا کے دارالحکومت پشاور میں واقع سکول پر طالبان شدت پسندوں کے حملے میں درجنوں بچوں سمیت کم از کم 84 افراد ہلاک ہوگئے ہیں۔

حکام کے مطابق یہ واقعہ منگل کی صبح ورسک روڈ پر واقع آرمی پبلک سکول میں پیش آیا جب ایف سی کی وردی میں ملبوس آٹھ سے دس مسلح دہشت گردوں نے سکول کی عمارت میں داخل ہو کر فائرنگ کی۔

سکول پر طالبان کا حملہ: تصاویر

خیبر پختونخوا کے وزیرِ اعلیٰ پرویز خٹک نے ذرائع ابلاغ کے نمائندوں سے بات کرتے ہوئے کہا ہے کہ ہلاک ہونے والوں میں سے بیشتر سکول کے طلبا ہیں۔

ان کا کہنا تھا کہ اس واقعے میں ہلاک ہونے والے 60 افراد کی لاشیں سی ایم ایچ اور 24 کی لاشیں لیڈی ریڈنگ ہسپتال میں موجود ہیں جبکہ دونوں ہسپتالوں میں 80 سے زیادہ زخمی بھی لائے گئے ہیں۔

لیڈی ریڈنگ ہسپتال کے ایمرجنسی کے ایک اہلکار نے بی بی سی کو بتایا کہ ’زخمیوں میں بچے اور بڑے دونوں شامل ہیں۔‘

صوبائی حکومت کے ترجمان مشتاق غنی کے مطابق واقعے کی اطلاع ملتے ہی پولیس اور فوج کے دستے جائے وقوع پر پہنچ گئے اور علاقے کو گھیرے میں لے لیا۔

ریسکیو آپریشن جاری ہے اور جھڑپیں ہو رہی ہیں۔ زیادہ تر سکول کے بچے اور سٹاف کو سکول سے نکال لیا گیا ہے۔ شدت پسندوں کے ہاتھوں متعدد بچوں اور اساتذہ کے ہلاک ہونے کی اطلاعات ہیں۔
آئی ایس پی آر
سکول میں اس وقت بھی سکیورٹی فورسز کا آپریشن جاری ہے اور سکول کے اندر سے فائرنگ کی آوازیں آ رہی ہیں۔

وزیرِ اعلیٰ پرویز خٹک کا کہنا ہے کہ آپریشن کے دوران اب تک دو سے تین حملہ آور مارے جا چکے ہیں اور ایک خودکش حملہ آور نے خود کو دھماکے سے اڑایا ہے۔

صوبائی وزیر اطلاعات مشتاق غنی نے ذرائع ابلاغ کو بتایا کہ سکول میں سکیورٹی اہلکار داخل ہو گئے ہیں جہاں وقفے وقفے سے شدت پسندوں کے ساتھ فائرنگ کا تبادلہ ہو رہا ہے جبکہ سکیورٹی اہلکاروں نے کچھ بچوں کو بحفاظت سکول سے باہر نکال لیا ہے۔


سکول میں اس وقت بھی سکیورٹی فورسز کا آپریشن جاری ہے
پاکستانی فوج کے شعبہ تعلقات عامہ آئی ایس پی آر نے بھی ایک مختصر بیان میں کہا ہے کہ سکول میں ریسکیو آپریشن جاری ہے۔

’ریسکیو آپریشن جاری ہے اور جھڑپیں ہو رہی ہیں۔ زیادہ تر سکول کے بچے اور سٹاف کو سکول سے نکال لیا گیا ہے۔ شدت پسندوں کے ہاتھوں متعدد بچوں اور اساتذہ کے ہلاک ہونے کی اطلاعات ہیں۔‘

خیبر پختونخوا کی حکومت نے اس واقعے پر تین روزہ سوگ کا اعلان کر دیا ہے جبکہ وزیرِ اعظم پاکستان اور فوج کے سربراہ جنرل راحیل شریف بھی پشاور پہنچ رہے ہیں۔

برطانوی خبر رساں ایجنسی روئٹرز سے بات کرتے ہوئے سکول کے بس ڈرائیور جمشید خان نے کہا ’ہم سکول کے باہر کھڑے تھے جب اچانک فائرنگ شروع ہو گئی۔ ہر طرف افراتفری تھی اور بچے اور اساتذہ کی چیخوں کی آوازیں آ رہی تھیں۔‘

ہم سکول کے باہر کھڑے تھے جب اچانک فائرنگ شروع ہو گئی۔ ہر طرف افراتفری تھی اور بچے اور اساتذہ کی چیخوں کی آوازیں آ رہی تھیں۔
جمشید خان
اس سکول میں تعلیم حاصل کرنے والے ایک بچے کے والد نے بتایا انھوں نے اپنے بیٹے سے ٹیلیفون پر رابطہ کیا ہے جہاں انھیں بتایا گیا کہ پانچ سے چھ مسلح افراد سکول میں داخل ہوئے ہیں اور فائرنگ کی ہے۔

نامہ نگار عزیز اللہ خان کے مطابق ایک عینی شاہد مدثر نے بتایا کہ سکول کے بڑے ہال آڈیٹوریم میں نویں اور دسویں جماعت کے طلبا کی ایک تقریب ہو رہی تھی جبکہ کچھ کلاسز میں بچوں کے امتحانات ہو رہے تھے اس لیے آج سکول میں بچوں کی تعداد معمول سے کم تھی۔


زخمیوں کو لیڈی ریڈنگ ہسپتال منتقل کر دیا گیا ہے
اس واقعے کی ذمہ داری کالعدم شدت پسند تنظیم تحریکِ طالبان پاکستان نے قبول کر لی ہے۔

تنظیم مرکزی ترجمان محمد عمر خراسانی نے بی بی سی اردو کے نامہ نگار رفعت اللہ اورکزئی سے بات کرتے ہوئے کہا کہ ’ہمارے چھ حملہ آور سکول میں داخل ہوئے ہیں‘۔

ان کا مزید کہنا تھا کہ یہ کارروائی شمالی وزیرستان میں جاری فوجی آپریشن ضربِ عضب اور خیبر ایجنسی میں جاری آپریشن خیبر ون کے جواب میں ہے۔

انہوں نے اعتراف کیا کہ ضربِ عضب اور خیبر ون میں جاری فوجی آپریشنز میں 500 طالبان مارے گئے ہیں۔

http://www.bbc.co.uk/urdu/pakistan/2014/12/141216_peshawar_army_public_school_attack_rh

 

ذمہ داری والی بات ابھی مشکوک ہے ۔
کیونکہ یہ بات تو وہ ہر وقت بلکہ کبھی کبھار واقعہ سے ایک گھنٹہ پہلے بھی نشر کردیتے ہیں کہ فلاں نے نامعلوم مقام سے ذمی داری قبول کرلی ۔
آج کل کے جدید دور میں وہ کسی بھی خفیہ کال کو ٹریس کرکے پہنچ سکتے ہیں ۔

 

یہ بات صحیح ہے بھائی مون لائٹ آفریدی کہ کوئی بھی ذمہ داری قبول کرسکتا ہے لیکن ابھی میڈیا بہت زیادہ آزاد ہے کوئی بھی کچھ پوسٹ کرسکتا ہے لہذا اگر انہوں نے نہیں کیا تو پھر ان کو چاہیے کہ ان کا کوئی ذمہ دار شخص اس بات کی تردید کرے کہ انہوں نے یہ نہیں کیا، اگر ان کی طرف سے تردید نہیں آتی تو پھر کیا سمجھے جائے ؟

 

اناللہ وانا الیہ راجعون..

۱۲۰ سے زائد لوگوں کی شہادت اور اتنے ہی زخمیوں کی اطلاع ہے.انتہائ سفاکانہ اور ظالمانہ کاروائ ہے.

 

۔۔۔ خیبر پختونخواہ حکومت آخر کہاں سو رہی ہے؟

 

جس کسی نے بھی یہ کیا ہے اور جس نے بھی اسکی ذمہ داری قبول کی ااور اسے دہشتگردی کو صحیح جانا، خدا انکو غارت کرے
یہ خوارج ہیں اور وہی مقاصد پورے کررہے ہیں جو دشمنان اسلام اور پاکستان چاہتے ہیں۔۔


پچھلے کچھ عرصوں سے پاکستان صرف سانحات میں گھرا ہؤا ہے ۔۔۔۔ اللہ رحم کرے ۔۔
اگر پاکستانی عوام دھرنوں کی بجائے ، شریعت کے نفاذ کے لیے اسی طرح بڑی تعداد میں نکلے تو شاید عذاب بھی ٹلے ۔۔۔

 

اور عمران خان جیسے کالی زبانی والے لیڈر بھی پاکستان کو بند کرنے کی دھمکی دے رہے ہیں

 

سکینڈ ایئر کے ایک طالب علم عامر امین نے بتایا کہ کیمسٹری کا پرچہ ختم ہوکر وہ سب دوستوں کے ہمراہ سکول کے برآمدے میں بیٹھے ہوئے گپیں لگا رہے تھےکہ اس دوران سکول میں فائرنگ کی آوازیں شروع ہوئی۔

انہوں نے کہا کہ ’ ہم نے کلاس روم میں پناہ لینے کی کوشش کی لیکن ہمارا دروازہ بند کرنے سے پہلے ہی تین حملہ آوار اندر داخل ہوئے اور فائرنگ شروع کردی۔’ انہوں نے کہا کہ کمرے میں دس کے قریب لڑکے تھے اور سب کے سب ہلاک کردیے گئے۔‘

عامر امین کے مطابق ’ حملہ آور چیخ رہے تھے کے کلمہ پڑھو اور ساتھ ساتھ میں اللہ اکبر کے نعرے بھی بلند کرتے رہے اور فائرنگ بھی کرتے رہے ۔میں نے دیکھا کہ مرنے والے افراد کے جسم کے حصے کمرے میں ادھر ادھر پڑے ہوئے تھے۔‘

http://www.bbc.co.uk/urdu/pakistan/2014/12/141215_peshawar_army_school_attack_eyewitness

 

پشاور: آرمی اسکول پر حملہ، 135 ہلاک
پشاور : صوبہ خیبر پختونخوا کے دارالحکومت پشاور میں آرمی پبلک اسکول میں مبینہ عسکریت پسندوں کے حملے میں 126 بچوں سمیت 135 افراد ہلاک جبکہ 200 سے زائد زخمی ہوئے۔
۔http://www.dawnnews.tv/news/1013808/

 

انا لله و انا الیه راجعون
الله ان ظالم قاتلون کو غارت کرے. اور ان کے خفیه و اعلانیه حامیون کو بهی اور ان کو بهی جو ان کے ان جیسی قبیح حرکات پر تاویلات دے رهے هوتے هیں. آمین

 

انا للہ وانا الیہ راجعون
اللہ ان ظالموں کو ان کے حمایتیوں سمیت ہلاک کرے۔ خیبر پختونخواہ کے بے شرم حکمران اتحاد کو استعفی دے دینا چاہیے۔ یہ نیا پاکستان بنا ہے اس صوبے میں؟

 

آمین! کیا یہ سب کرنے والے مسلمان ہو سکتے ہیں۔ بزدلی کی انتہاء ہے۔ آج تو الفاظ بھی ساتھ چھوڑگۓ ہیں۔
بات عمران یا نواز شریف کی نہیں ہے۔ پوری قوم کو جاگنا ہوگا۔ یہ لوگ ہمارے آس پاس ہی موجود ہیں۔ آنکھیں کھولنے کی ضرورت ہے اپنے ارد گرد دیکھنے کی ضرورت ہے۔ صرف حکومت کو ہی ذمہ دارا ٹھرانا کافی نہیں ہے۔ ہم سب کو بھی اپنے حصے کا کام کرنا ہوگا۔

 

بالکل صحیح، بابر بهائی
یه لوگ هر جگه موجود هیں. خاص کر فورمز پر ان کو اپنے مکروه خیالات پهیلانے کی اجازت بهی نهی هونا چاهیے. یه لوگ اسلام کا لبادے میں پوشیده هیں.

 

http://www.bbc.co.uk/urdu/pakistan/2014/12/141216_ispr_pesh_school_attack_oper_ended
پاک آرمی کے مجاہدوں نے کئی گھنٹے ریسکیو آپریشن کر کے 906 بچوں اور سکول عملے کی جانیں بچائیں تمام دہشت گردوں کو مار دیا۔ اللہ اکبر پاک فوج زندہ باد!

 

انا للہ وانا الیہ راجعون
دردناک سانحہ ہے۔ اللہ تعالیٰ معصوم بچوں کے لواحقین کو صبر دے زخمیوں کو شفایاب کرے۔ اور ظالموں کے ہاتھ روک دے۔