ذمہ داری قبول کرلی

جہاں کہیں بھی بے گناہوں کا خون بہایا جاتا ہے تو فورا خوارج کے ترجمان ذمہ داری قبول کرلیتے ہیں !
جب وہ ذمہ داری قبول کرتے ہیں تو ان کی حمایت کرنے والے (جو برابر اس جرم میں شریک ہیں) فورا کہہ دیتے ہیں کہ یہ تو کوئی بھی قبول کرسکتا ہے !
مجھے ان کی یہ منطق سمجھ نہیں آتی کیوں کہ پھر آخر وہ کس پر یقین رکھتے ہیں ؟ اس کا مطلب جو بھی ویڈیو ان کی طرف سے آتی ہے جن میں جہاد کے نام پر بے گناہ لوگوں کا خون بہانے پر قائل کیا جاتا ہے وہ بھی نقلی ہے ؟؟
آخر وہ کس فلسفہ یا قانون کی بنیاد پر یہ فیصلہ کرتے ہیں کہ یہ نقلی ہے اور یہ اصلی جبکہ آج کل ہر کسی کو انٹرنیٹ تک رسائی ہے؟
جب بھی کوئی سفاک اور دہشت گردی پر مبنی کاروائی ہوتی ہے تو فورا دہشت گرد ذمہ داری قبول کرتے ہیں اور ان کے پاس اس وقت انٹرنیٹ تک رسائی ہوتی ہے لیکن جب بات تردید کی ہوتی ہے تو پھر ان کی زبانوں کو تالا لگ جاتا ہے یا پھر ان کا نیٹ کنکشن کٹ جاتا ہے ، یا پھر ان کے سگنل خراب ہوجاتے ہیں۔
جب ان ظالموں کی طرف سے تردید نہیں آتی تو اس کا یہی مطلب ہے کہ یہ خوارج ہی کی کاروائی ہے !
افسوس ان پر جو اسلام اور جہاد کے نام پر مسلمان کا خون حلال کرکے اپنی دنیا اور آخرت کو تباہ کررہےہیں !
یہ بات بھی بتاتا چلوں کہ ہم لوگ جہاد کے خلاف نہیں ! لیکن جہاد کے نام پر مسلمانوں کا قتل عام کرنے والوں اور اسلام اور مسلمانوں کو بدنام کرنے والوں کو خوارج سمجھتے ہیں!
اگر بے گناہوں کا خون بہانا جہاد ہے تو پھر خوارج سب سے عظیم ترین مجاہد تھے !!!

 

جو کل ہوا وہ جہاد نہیں بلکہ کسی ایکشن فلم کا منظر تها۔خون ہی خون۔۔۔