میں تو بس ایک مسافر ہوں

بسم اللہ الرحمن الرحیم

میں تو بس ایک مسافر ہوں​

ایک مرتبہ رسول اکرم صلی اللہ علیہ وسلم ایک چٹائی پر سو گئے، سو کر اٹھے تو جسم مبارک پر چٹائی کی بناوٹ کے نشان پڑ گئے تھے، حضرے عبداللہ بن مسعود رضی اللہ عنہ نے عرض کیا یا رسول اللہ صلی اللہ علیہ وسلم ! آپ حکم فرمائیں تو ہم آپ صلی اللہ علیہ وسلم کے لیے اچھا بچھونا بچھا دیا کریں اور اچھی اچھی چیزیں حاصل کر کے آپ کے لیے لایا کریں ۔ آپ صلی اللہ علیہ وسلم نے یہ سن کر فرمایا مجھ کو دنیا سے کیا تعلق؟

میرا دنیا سے بس ایک ہی واسطہ ہے جیسے کوئی مسافر درخت کے نیچے سایہ لینے کے لیے بیٹھ گیا اور پھر اسے چھوڑ کر چل دیا۔ [ مشکوۃ شریف]

سبحان اللہ ! یہ تھی شان ہمارے نبی صلی اللہ علیہ وسلم کی اور ہمیں بھی سبق دے دیا کہ اللہ خوش ہے تو دنیا کے نہ ہونے سے کچھ فرق نہیں پڑتا۔

خدا کی یاد میں بیٹھے جو سب سے بے غرض ہو کر

تو اپنا بوریہ بھی پھر ہمیں تخت سلیماں تھا​

سنہری کرنیں

عبد المالک مجاہد​