گھر سے باہر کھانا کھانا

السلام علیکم ورحمۃ اللہ وبرکاتہ
گھر سے باہر کھانا کھانا ایک بڑا انسانی مسئلہ ہے چاہے آپ طالب علم ہوں ، پیشہ ورانہ زندگی کی جدوجہد میں مصروف ہوں، مسافر ہوں یا کسی دعوت کے مہمان ہوں۔ میرے جیسے لوگوں کی مائیں ان کا کھانا تب بھی پکا کر رکھتی ہیں جب وہ دعوت پر گئے ہوں کیوں کہ کھانا تو گھر آ کر ہی کھانا ہوتا ہے نا؟
ہم لوگ یونیورسٹی کے زمانے میں دوپہر کا کھانا سامنے رکھ کر کہا کرتے تھے اگر ماؤں کو پتہ چل جائے کہ ان کے نازک مزاج بچے جو گھر کے دسترخوان پر کسی کھانے سے راضی نہیں ہوتے گھر سے باہر چپ چاپ کیا کھا لیتے ہیں تو وہ حیران رہ جائیںاور اگر بیویوں کو پتہ چل جائے کہ ان کے نفاست پسند شوہر جو گھر میں ہر کھانے پر تنقیدی مقالہ نشر کر دیتے ہیں باہر کس حال میں پیٹ بھرتے ہیں تو ان کا دنیا سے اعتبار اٹھ جائے۔
گھر سے باہر کی دنیا میں سب سے پہلے کھانے کے عجیب و غریب امتزاج سامنے آتے ہیں جو شاید ہی گھروں میں چلتے ہوں اور گھر جا کر ان کو کوئی یاد بھی نہیں کرتا۔ یہاں آپ نے اپنے اپنے وہ پسندیدہ کھانے بتانے ہیں جو گھر سے باہر ہونے کی وجہ سے کھائے ہیں ۔

 

Bar B Q
Chiken Almond
Fish Bar B Q
And much more

 

جزاک اللہ خیرا
اچها موضوع ہے سوچ کر بتاؤں گی .

 

سکول کالج کی کینٹین کے تجربات سب سے برے ہوتے ہیں۔ میں سکول میں صرف فرنچ فرائز پر گزارا کرتی تھی، میری بہن کو چناچاٹ پسند تھی اور سموسے۔ ایک بار ہمارا سکول بدلا تو نئے سکول میں ایک عجیب کمبی نیشن نان سموسہ کھایا جاتا تھا۔ شروع میں بہت عجیب لگا لیکن جب بھوک لگتی تھی تو وہی بہتر تھا۔ برگر اور بن میں اتنا عجیب کیچپ ہوتا تھا کہ میں نے کبھی نہیں لیا۔

 

کیا کیا بتائیں!
بس اپنا تو یہ اصول رہا ہے کہ گھر میں ایسی ویسی چیز خوشی سے کبھی نہیں کھائ..مثلا شلغم.آلو اور شملہ مرچ.ابلے ہوئے چاول اور دال...
لیکن گھر سے باہر کبھی نخرہ نہیں کیا جو مل گیا، کھالیا اور اب تو گھر میں بھی جو ملا بصد تعریف کھا لیتے ہیں کیونکہ اب اپنی ماں کے ساتھ نہیں ....بچوں کی ماں کے ساتھ جو رہتے ہیں..ہاں بچے اب بھی ماں کے ساتھ ضد اور پسند ناپسند کی بحث میں لگے رہتے ہیں.

 

کباب. سجی.پزے اور برگرز ... گھر میں بنتے نہیں ہرگز
دودھ جلیبی اور رس ملائ ..فالودہ ہریسہ و چکن کڑاہی

 

یہاں سعودی عرب میں کیونکہ طعامی اڈوں پر صفائی کے معیار کا کافی اچھا خیال رکھا جاتا اور بلدیہ کی طرف سے بھی کافی سختی ہے تو عموما صاف صفائی کا اتنا مسئلہ نہیں ۔
ویسے بندہ (میں ) خود اچھی کوکنگ کرتا ہے + اہلیہ تو ماشاء اللہ کیا ہی بات ہے ۔ جو دل چاہے گھر پر ہی بنا لیتے ہیں

 

دوسہ +جب گهر میں پکانے کا موڈ نہ ہو تو جو بهی مل جائے صبر اور شکر کر کے کها لیتے .

 

اچھا ذرا سکول، کالج اور یونیورسٹی وغیرہ کے کھانے یاد کریں۔

 

اتنی ثقیل چیزیں ہیں کہ پوسٹ کا شکریہ بٹن ہی کام نہیں کر رہا۔

 

کیا یاد کروایا وه تو بڑے مزے کے لگتے تهے.
سردیوں میں سکول کے باہر کٹی ہوئی مولی اور شکر قندی بہت مزے کی
سیالکوٹ کالج کی فروٹ چا ٹ اورنان ٹکی .ہوسٹل میں رہتے تهے جیب خرچ مہینہ ختم ہونےبسے پہلےہی ختم ہوجاتا.

 

واہ یہ تو شوق سے باہر کا کھانا ہوا نا۔ سوچیں جنہوں نے روز باہر سے کھانا ہو۔ مجھے اگر یونیورسٹی میں کچھ کھانا ہو تو وہی چائے بسکٹ یا فرنچ فرائز پر بات آ جاتی ہے۔ ایک دن عفراء کو آفر دی کہ باقاعدہ کھانا کھاتے ہیں کیا لیا تھا یاد نہیں آ رہا لیکن اتنا یاد ہےکچا تھا۔ اور اتنی جلدی پڑی تھی کہ کلاس سے دیر نہ ہو جائے۔

 

پراٹھا رول!

 

: ) اب یاد کیا نا درست کمبی نیشن، نان پکوڑے، نان سموسہ، نان چاٹ، تلا ہوا نان ۔۔۔ مجھے جب پہلی بار نان سموسے کا پتہ چلا تو بہت حیرت ہوئی کہ وہ کیسے کھاتے ہیں۔

 

لیکن جو مزه گهر کے کهانے کا ہوتا ہے وہ باہر کے کهانے کا نہیں .

 

اچھا؟ مجھے یاد نہیں رہا۔ اس کے بعد سے آپ ڈر گئیں ہیں لگتا ہے کچھ کھایا ہی نہیں اکٹھے : )

 

یہ نان سموسہ پہلی دفعہ سنا ہے

 

مجھے بچپن سے باہر کا کھانا برا لگتا ہے اور شک بھی ہوتا ہے صفائی کابیمار پڑنے سے ڈر لگتا ہے۔

 

ٹهیک کہ رہی ہیں .

 

ایسا نہیں ہے، میرا خیال ہے پھر موقع نہیں آیا کبھی۔

مجھے تو یونی میں دوستوں کے ساتھ بیٹھ کر چائے پینا پسند ہے صرف۔
باقی آپ کی بات درست ہے کہ کھانا تو گھر ہی کھانا ہوتا ہے۔ جبکہ آپ میری بات پر کبھی یقین نہیں کرتیں اور ہمیشہ ہی کچھ کھلا دیتی ہیں۔