نومبر1979بیت اللہ پر قبضــے کی سازش اور پاک فوج کی سعادت

نومبر1979بیت اللہ پر قبضے کی سازش اور پاک فوج کی سعادت

20 نومبر 1979 میں "جوہیمن ابن محمد بن سیف الاوطیبی "نامی شخص نــے اپنــے سینکڑوں دہشت گرد ساتھیوں کے ساتھ خانہ کعبہ پر قبٖضہ کر لیا اور اعلان کیا کہ اسکا کزن محمد بن عبد اللہ القحطانی امام مہدی ھــــے اور ساری دنیا کے مسلمانوں کو اس کے ہاتھ پر بیعت کرنی چاہئــے ۔ اور خانہ کعبہ میں موجود سینکڑوں حاجیوں کو یرغمال بنا لیا ۔ یہ شخص نجد کی امیر ترین خاندان سے تعلق رکھتا تھا۔ اس کا دادا شیخ عبدالعزیز کا دست راس بھی رہا تھا۔ اوطیبی اور قحطانی کی ملاقات جیل میں ہوئی تھی۔ اوطیبی ' قحطانی کی شخصیت سے متاثر ہوا۔ جیل سے رہائی کے بعد انہوں نــے اپنی تبلیغ کا سلسلہ شروع کیا اور بہت سے متبعین کو اپنــے ساتھ ملا لیا۔قحطانی کے ماننــے والــے صرف سعودی عرب ہی نہیں بلکہ کویت اور مصر میں بھی اچھی خاصی تعداد میں موجود تھــے۔ چونکہ اوطیبی کے پاس کافی دولت اور طاقت موجود تھی ۔اور یہ سعودی شیوخ کا امریکہ اور یورپ کے ساتھ اتحاد کا سخت مخالف تھا۔کہتــے ہیں یہ بڑا زبردست مبلغ اور تعلیم یافتہ شخص تھا۔اس کا کہنا تھا چونکہ امام مہدی کا ظہور ہوچکا ھــــے اس لئــے تمام مسلمانوں کو امام مہدی کی بیعت کرکے امریکہ اور یورپ کے خلاف متحدہ جدو جہد کرنی چاہیئــے۔اس لئــے اس نــے کعبہ میں میں لوگوں کو قحطانی کی زبردستی بیعت کے لئــے یہ طریقہ اختیار کیا۔
جوہیمن اوطیبی کے اس عمل سے پوری دنیا کے مسلمان سناٹــے میں آگئــے اور فوری طور پر دنیا بھر کے علماء نــے اس کے خلاف فتویٰ دیا اور خانہ کعبہ کے اندر کاروائی کرنــے کی بھی اجازت دی ۔وہاں سعودی آرمی اور فرنچ آرمی موجود تھی ۔ دہشت گردوں کے پاس سنائپرز اور شارپ شوٹرز تھــے جنہوں نــے مسجدالحرام میں جگہ جگہ پوزیشینیں سنبھال لیں ۔ دو دن تک مقابلہ ہوا لیکن سعودی فوجی ہلاکتوں کے باوجود سعودی اور فرنچ آرمی ذرا بھی کامیابی حاصل نہ کر سکــے ۔
پوری دنیا کی طرح پاکستان میں بھی زبردست بـےچینی تھی اور جنرل ضیاء الحق نــے ایس ایس جی کمانڈوز کا ایک دستہ ترتیب دیا تھا اور وہ مسلسل سعودی عرب سے رابطــے میں تھــے کہ انہیں آپریشن کرنے کا موقع دیا جائــے۔ بالا آخر دو دن بعد پاک فوج کو کاروائی کرنــے کا موقع دیا گیا ۔
کہا جاتا ھــــے کہ پاک فوج کے اس دستــے کی قیادت جو کپتان کر رہے تھــے۔ اس نــے آپریشن سے پہلــے کعبــــے کی حرمت کے لیــے جوانوں کو جان دینــے پر آمادہ کیا ۔ نہایت کم وقت میں آپریشن کی منصوبہ بندی کی گئی ۔ پاکستانی کمانڈوز نــے دہشت گردوں کے سنائپرز سے نمٹنــے کے لیے ایک عجیب ترکیب استعمال کی اور پورے مسجدالحرام میں پانی چھوڑا گیا ۔ پھر اس دستــے کے کمانڈر نــے سعودی حکومت سے فرمائش کی ھــــے اسکے جوانوں کو ہیلی کاپٹر کی مدد سے مسجد میں جگہ جگہ ڈراپ کیا جائــے ۔ سعودی حکومت نــے اس میں لاحق شدید خطرے کا اظہار کیا لیکن پاک آرمی کے اصرار پر انہیں مسجد میں گرایا جانــے لگا ۔ جس وقت انہٰیں مسجد میں گرایا گیا اسی وقت پوری مسجد کی گیلی زمین میں کرنٹ چھوڑا گیا جسکی وجہ سے دہشت گردوں کے شارپ شوٹرز اور سنائپرز کچھ دیر کے لیــے غیر مؤثر ہوگئــے ۔ پاک فوج نــے غیر معمولی سرعت سے تمام دہشت گردوں پر قابو پالیا بغیر کسی جانی نقصان کے اور سب کو فوری طور پر گرفتار کر لیا ۔ تمام یرغمالیوں کو رہائی دلائی گئی ۔
اس طرح اللہ تعالی نے یہ عظیم سعادت پاکستان کو عطا کی۔ اللہ ہمارے ان روحانی مراکز مکہ و مدینہ کو ہمیشہ قائم و دائم رکھے۔ اور انہیں حاسدوں کے شر سے محفوظ و مامون رکھے۔آمین - نہابـــــــــــ الرحمٰن


منقول ۔۔۔

1979 میں بیت اللہ پر تکفیری فکر کے حامل جھمان العتیبی اور اس کے ساتھیوں کے قبضہ کے حوالے سے مشہور واقعہ تھا ۔ لیکن اس واقعہ میں پاک فوج کے کردار کے حوالے سے مجھے کوئی مستند دلیل نہیں مل سکی ۔ کسی کے علم میں ہو تو ذکر کردیں ۔

 

حیرت ہے کہ فیس بک پر اس تھریڈ کی پوسٹ پر ایک منطقی تبصرہ نظر سے گزرا ۔ لوگ اپنے ملک میں ہوتے ہیں تو الف سے ب تک نہیں آتی ۔ پھر انگریز سرکار کے پاس جب جاتے ہیں تو سارے حقائق منکشف ہوجاتے ہیں ۔ ہم کہیں گئے کہ بھائی کتنے میں سودا طے ہوا ؟جن کو اصل واقعہ معلوم نہیں ، ان کی رائے لینا بے وقوفی ہے ۔ جہمان العتیبی نے نے ایسا کیوں کیا تھا ۔ اس پر ان شاء اللہ مستند حوالوں سے وضاحت کریں گے کہ اس بدو کے عقل میں فتور کیوں آیا !

شیخ عبدالغفار حسن رحمہ اللہ کا اس واقعہ کے بعد ایک مضمون غالبا الاعتصام میں چھپا تھا ۔ جس میں انہوں نے اس سعادت کو حاصل کرنے والوں کا کارنامہ ذکر کیا ہے ۔ جہاں تک مجھے یاد پڑتا ہے شیخ اس وقت جامعہ اسلامیہ میں ہی تھے ۔

 

شکریہ، اعجاز بھائی ۔ بہتر یہ ہوتا ہے کہ اصل کی طرف لوٹا دیا جائے ۔ آپ بحث میں قائل نہیں کرسکتے : ) ویسے تو مجھے بھی اس واقعہ کی حقیقت سے نکال دیا گیا ہے جس کے پاس کئی شاہد موجود ہیں ۔

 

وہ تو میں نے لکھ دیا کہ منقول ۔۔۔۔ لیکن اس سے فرق نہیں پڑتا ۔ یہ واقعہ کئی سائیٹس پر ایسے ہی لکھا ہوا موجود ہے ۔ لیکن یہ حد سے زیادہ خود پسندی ہے کہ انسان دوسرے کو لا علم اور اپنے آپ کو سب سے زیادہ جانکار ثابت کرنے کی کوشش کرے

 

یہ بات کسی حد تک درست ہے ۔ ایک عینی شاہد کے مطابق، تربیت کے لئے پاک فوج کو دعوت دی گئی تھی ، اس سے پہلے کی گئی کوشش نا کام ہو گئی تھیں ۔ لیکن فائنل آپریشن سعودیہ کی اسپیشل فورس کی طرف سے ہوا ۔ واللہ اعلم ۔

 

اس میں کوئی شک نہیں ۔ سعودیہ یا پاکستان کی نئی نسل کو معلوم نہ ہو کہ پاکستان کا کیا کردار رہا ہے ۔ خاص کر حرمین شریفین کے حوالے سے ان کی خدمات پوری دنیا سے مخفی ہو سکتی ہیں ۔ لیکن ذمہ دار لوگ اور اہل علم اعتراف کرتے رہتے ہیں ۔

 

یہ حفاظت خلیج کی جنگ اور نائن الیون وغیرہ کے تناظر میں لکھا گیا ہے ۔ پاکستان کے کمانڈوز حصہ لے سکتے ہیں ۔ لیکن کوئی مستند دلیل مل جائے تو بہتر ہے ۔

 

جی ۔ یہ میں نے دیکھا ہے ۔ عربی میں یہ واقعہ مختصر بیان کی کیا گیا ہے ۔ اور بعض جگہ حوالہ بھی ذکر نہیں کیا ۔ اس لئے کچھ چیزیں ایسی ہیں جو بہرحال تحقیق طلب ہیں ۔

 

: ) یہ بات صحیح ہے ۔ جھمان العتیبی اور اس کے امام مہدی کا یہی کہنا تھا کہ آل سعود شیخ محمد بن عبدالوہاب التمیمی رحمہ اللہ کی دعوت سے منحرف ہو چکے ۔ اس لئے ہم دوبارہ اسی کا احیاء چاہتے ہیں ۔ جیسا کہ آج کل کے بعض تکفیری فکر کے حامل تنظیمیں اور جہادی جماعتوں کا کہنا ہے ۔
http://www.urdumajlis.net/index.php...ے،-وہ-بھی-کافرہے-،-کا-معنی.33457/#post-462219