ہندوستان کے بعد اب پاکستان میں سوائن فلو کا خطرہ

ہندوستان میں سوائن فلو کی وبا اب تک سینکڑوں افراد کی جان لے چکی ہے۔ اب اس وبا کا رخ پاکستان کی جانب ہے۔
پتہ نہیں اب ہم لوگوں کے پاس ان قدرتی آفات پر غور کرنے کا وقت بھی ہے یا نہیں۔ ہر وقت فون، ٹی وی،کمپیوٹر، ٹیبلٹ، یا اور کسی سکرین سے چپکے رہنے کا یہ نتیجہ نکلا ہے کہ پیرس کے واقعات پر تبصرہ ہوتا ہے اپنے ملک میں آنے والے زلزلے ، سیلاب، وباؤں کا علم ہی نہیں ہو پاتا۔ میڈیا ان وباؤں کا ذکر کر بھی دے تو خوف پھیلاتا ہے لوگوں کو اللہ کی طرف رجوع کرنے کی ترغیب کم ہی دیتا ہے۔پرانے لوگ اچھے تھے استغفار اور توبہ کی اہمیت سے واقف بھی تھے اور ان کے پاس اپنی ذات کے لیے وقت ہوتا تھا۔ کاش کہ ہم سوچیں یہ پے در پے امتحان ہمیں کیا یاد دلانے کو آتے ہیں؟ کاش ہم آج سے اپنی ہر نماز آخری نماز جیسے خشوع سے پڑھیں، جھوٹ، خیانت، بزدلی سے توبہ کر لیں، جو حق ہم نے دبا رکھے ہیں جلد ادا کر دیں کہ نجانے کب ہم کفن اوڑھنے کے لیے بھی انہی کے محتاج ہوں جن کے حق کھاتے رہے۔زندگی بہت بے وفا ہے اتنی کہ بظاہر انتہائی تن درست آدمی چند روزہ بخار اور زکام سے ختم ہو جاتا ہے۔