کیفیت کا پیغام لکھنا

بسم اللہ الرحمن الرحیم
​

السلام علیکم ورحمۃ اللہ وبرکاتہ
اردو مجلس پر دیگر سوشل میڈیا سائٹس کی طرح سٹیٹس اپ ڈیٹ کرنے کا اختیار موجود ہے جسے ہم کیفیت تازہ کرنا کہتے ہیں۔
کسی انسان کے الفاظ اس کی شخصیت کا اظہار بھی ہوتے ہیں اور وہ ان کے لیے ذمہ دار ہوتا ہے، اس کے الفاظ ماحول بنا بھی سکتے ہیں اور بگاڑ بھی سکتے ہیں۔آپ اپنے موضوعات، مراسلات، کیفیت نامے اور ان پر تبصروں سے اردو مجلس کے ماحول کو سنوار سکتے ہیں، ارکان کی سوچ کو نیا رخ دے سکتے ہیں اور اپنے لیے دعائیں اور محبتیں سمیٹ سکتے ہیں۔ امید ہے ارکان مجلس اس اختیار کا مثبت استعمال جاری رکھیں گے۔

اب آتے ہیں کیفیت کا پیغام لکھنے کے طریقوں کی طرف۔۔۔
اردو مجلس پر اس کے کئی طریقے ہیں۔

پہلا طریقہ:
1- اپنے نام پر کلک کریں۔
2- اب جو صفحہ کھلا ہے اس پر آپ اپنی ذاتی تفصیلات مدون (ایڈٹ)کر سکتے ہیں۔
3- یہاں "کیفیت کا پیغام" نامی خانے میں اپنی کیفیت لکھیں اور اینٹر کا بٹن دبا دیں۔ کیفیت بدل جائے گی۔ (یا سٹیٹس اپ ڈیٹ ہو جائے گا۔)یہاں آپ کو کی بورڈ کا نشان بھی نظر آئے گا۔ آپ اس کی بورڈ کی مدد سے اردو ٹائپ کر سکتے ہیں۔
وضاحت کے لیےت تصویر دیکھیں۔

​

 

دوسرا طریقہ:
1-مجلس کے صفحے پر اوپر والے بائیں کونے میں اپنے نام پر کلک کریں۔
2- ڈراپ ڈاؤن مینیو کے آخری سرے پر ایک خانے میں یہ عبارت نظر آئے گی: " اپنی کیفیت تبدیل کریں"۔
3- یہاں اپنا مطلوبہ پیغام لکھ کر اینٹر دبا دیں۔
اس طریقے میں زبان کا اختیار اور کی بورڈ آُ کو نظر نہیں آ رہا، جیسا کہ پہلے طریقے میں تھا۔ لیکن یہ زیادہ فوری طریقہ ہے۔
امید ہے اب آپ بآسانی اپنی کیفیت بدل سکیں گے۔

 

تیسرا طریقہ:
اردو مجلس کے فورم فہرست والے صفحے پر بائیں ہاتھ آپ کو کیفیت تازہ کرنے کا اختیار نظر آئے گا۔ ہو سکتا ہے کبھی ویب ماسٹرزاس کو غائب کر دیں لیکن جب تک موجود ہے آپ یہاں سے بھی سٹیٹس اپ ڈیٹ کرسکتے ہیں۔

 

کچھ دوسری باتیں:
کیفیت کا پیغام مختصر ہونا چاہیے اردو مجلس میں یہ 140 حروف تک محدود ہے۔
اگر آپ کیفیت کے پیغام کو شائع کر چکے ہیں اور اس میں تبدیلی کرنا چاہتے ہیں تو اپنے پروفائل پر جا کر ترمیم کر سکتے ہیں۔
آپ اپنے اور دوستوں کے، یا حلقے میں شامل لوگوں کی کیفیت پر تبصرہ بھی کر سکتے ہیں۔ یہ تبصرے ایک لڑی کی صورت آپ کی پروفائل پر نظر آتے رہیں گے۔
کیفیت نامے کو صرف دوستوں تک محدود بھی کیا جا سکتا ہے۔ اس کے لیے اپنے پرائیویسی سیٹنگز میں جا کر مطلوبہ تبدیلی کر لیں۔