جو اللہ چاہے اور تو چاہے

بسم اللہ الرحمن الرحیم ​

“قتیلہ سے مروی ہے کہ ایک یہودی نبی اکرم صلی اللہ علیہ وسلم کے پاس آیا اور کہا کہ تم لوگ شرک کرتے ہو، کہتے ہو “ جو اللہ نے چاہا اور تم نے چاہا “ اور کہتے ہو “ کعبہ کی قسم “تو نبی اکرم صلی اللہ علیہ وسلم نے صحابہ کرام کو حکم دیا کہ جب وہ قسم کھانا چاہیئں تو کہیں “ رب کعبہ کی قسم “ اور کہیں “ جو اللہ نے چاہا اور پھر تم نے چاہا “
سنن نسائی ، امام نسائی نے اس روایت کو صحیح کہا ہے ۔

عبد اللہ بن عباس رضی اللہ عنہ سے روایت ہے کہ ایک شخص نے نبی اکرم صلی اللہ علیہ وسلم سے کہا “ جو اللہ نے چاہا اور آپ نے چاہا “ تو آپ صلی اللہ علیہ وسلم نےاس کہا کہ “ کیا تم نے مجھ کو اللہ کا ہمسر بنا دیا ، صرف اللہ نے جو چاہا وہی ہوا “سنن نسائی

ابن ماجہ نے طفیل سے روایت کی کہ جو عائشہ رضی اللہ عنہا کے ( ماں کی طرف سے) بھائی تھے ، وہ کہتے ہیں کہ میں نے خوب میں دیکھا کہ جیسے میں یہودیوں کی ایک جماعت کے پاس آیا ، اور ان سے کہا کہ : تم بڑے اچھے لوگ ہوتے اگر یہ نہ کہتے کے کہ عزیر اللہ کے بیٹے تھے ، تو یہودیوں نے کہا ،اور تم لوگ بڑے ہی اچھے ہوتے ، اگر یہ نہ کہتے کہ “ جو اللہ نے چاہا اور محمد نے چاہا “

پھر میرا گذر نصاری کی ایک جماعت کے پاس سے ہوا ، تو ان سے کہا کہ کہ : تم بڑے ہی اچھے لوگ ہوتے اگر یہ نہ کہتے کہ کہ عیسیٰ مسیح اللہ کے بیٹے تھے ۔ تو انھوں نے کہا : اور تم لوگ بڑے ہی اچھےہوتے اگر یہ نہ کہتے کہ “ جو اللہ نے چاہا اور محمد نے چاہا “

جب صبح ہوئی تو میں نے بعض لوگوں کو اپنے خواب کی خبر دی ، پھر نبی اکرم صلی اللہ علیہ وسلم کے پاس آیا اور آپ کو بھی خبر دی ۔ آپ صلی اللہ علیہ وسلم نے پوچھا ، “ کیا تم نے کسی سے اپنا خواب بیان کیا ہے ، میں نے کہا : ہاں ۔ تو آپ نے اللہ کی حمد و ثنا بیان کی ، پھر کہا : امابعد :
“ طفیل نے ایک خواب دیکھا ہے ، اور اسے بعض لوگوں سے بیان بھی کیا ہے ، اور تم لوگ ایک کلمہ کہا کرتے تھے جس کے استعمال سے میں نے اب تک فلاں فلاں اسباب کی وجہ سے تمہیں نہیں روکا تھا ، تو اب تم لوگ یہ نہ کہوکہ “ جو اللہ نے چاہا اور محمد نے چاہا “ بلکہ یوں کہو کہ “ وہی ہوا جو اللہ نے چاہا “ُُُ

جب نبی اکرم صلی اللہ علیہ وسلم " ماشاء اللہ وشئت " کہنے والے سے کہا کہ " کیا تو نے مجھے اللہ کا ہمسر بنا دیا ؟" تو اس آدمی کے بارے میں کیا کہا جائے جس نے آپ کو یا پھر اپنے کسی پیر ، امام ، عالم کو مخاطب کر کے کہے کہ "آپ کے سوال کوئی نہیں جس کی جناب میں مین پناہ لوں "

کتاب التوحید
محمد بن عبد الوہاب رحمہ اللہ
محمد لقمان سلفی