سچائی کی زبانیں

سچائی کی زبانیں

جس طرح اس دنیا میں خدا کی سچائی کے مختلف بھیس ہیں ـ خدا کی سچائی کے لیے مختلف نقاب ہیں ـ اگرچہ بھیس مختلف ہوتے ہیں،لیکن صورت مختلف نہیں ہوتی ـاسی طرح سچائی کی بھی مختلف زبانیں ہیں اور سچائی ہمیشہ ان مختلف زبانوں سے اپنی فصاحت و بلاغت آپ کے کانوں تک پہنچاتی ہےـ
میں آپ کو یاد دلانا چاہتا ہوں کہ سچائی کی زبان ایک تو وہ ہے جس کا تعلق ہماری آپ کی خدا کی دی ہوئی گویائی سے ہے ـ جو زبان سے تعلق رکھتی ہے ـ جس کے لیے زبان کو گویائی اور تکلم کی ضرورت ہے ـ لیکن اس دنیا میں ایک دوسری خاموش بلاغت اور گویائی بھی ہے ، وہ گویائی کہ جس کے لیے کانوں کی ضرورت نہیں ہے کہ کان سنیں بلکہ اس گویائی کو آنکھوں کی ضرورت ہے ،تاکہ دو آنکھیں اس کا مطالعہ کریں ـ

خطبات آزاد

 

لفظ خدا اللہ کا مستقل اسم نہیں لیکن استعمال کیا جاسکتا ہے ـ