میں نے آج کیا سیکھا؟

بسم اللہ الرحمن الرحیم

موضوع شروع کرنے کا مقصد یہ ہے کہ ہم دن بھر میں جو کچھ پڑھتے لکھتے ہیں اس کا حاصل دوسروں کے ساتھ شئیر کیا جائے۔
طریقہ کار یہ ہوگا کہ جو کچھ ہم پڑھیں اس میں کم از کم ایک دو باتیں ضرور ایسی ملیں گی جن سے یا تو ہمیں کوئی نئی معلومات ملیں گی یا پھر پرانی معلومات تازہ ہوں گی۔ بس وہی یہاں شئیر کرنی ہیں۔ موضوع کی کوئی قید نہیں کسی بھی مضمون سے متعلق ہوسکتا ہے۔

×××××××××××××​

مراسلہ لکھتے ہوئے کچھ انتہائی اہم اصول یاد رکھیے!

پہلا اصول: امتحان دیتے ہوئے مختصر سوالات کا ایک سیکشن ہوتا ہے جس میں ہدایت کی گئی ہوتی ہے کہ 3 یا چار سطور سے زیادہ کا جواب نہ لکھا جائے۔ اس موضوع میں بھی یہی اصول مد نظر رکھیے۔ کیونکہ زیادہ لمبی چوڑی تحریریں ہر ایک کے لیے پڑھنا ممکن نہیں ہوتیں۔

دوسرا اصول: کاپی پیسٹ یا لنکس قطعا نہیں چلیں گے۔ مراسلہ اپنے الفاظ میں لکھا ہونا چاہیے۔ آپ کے احساسات اور الفاظ ہونے چاہیے۔ حوالہ البتہ دے دیا کیجیے۔

اصولوں کی خلاف ورزی کی صورت میں صاحبہ موضوع مراسلہ حذف کرنے کا حق محفوظ رکھتی ہیں بعد میں کسی کو شکوہ نہیں ہونا چاہیے!

×××××××××××××​

تمام اراکین سے بھرپور شرکت کی استدعا ہے۔ کیونکہ تھوڑا بہت مطالعہ تو ہم تمام دن میں کر ہی لیتے ہیں۔ اگر نہیں کرتے تو آج سے کوشش کیجیے کہ کر لیا کریں۔
میں امید کرتی ہوں ہر دن کے اختتام پر ہم کم از کم پانچ نئے اسباق سے مستفید ہوسکیں گے۔

 

آج صبح تفسیر السعدی میں 'قرآن الفجر' کا مفہوم دیکھ رہی تھی تو یہ پڑھا کہ فجر کے قرآن سے مراد فجر کی نماز ہے۔ اس نماز میں بنسبت دوسری نمازوں کے قراءت لمبی ہوتی ہے۔ اور اس قراءت کی فضیلت بھی زیادہ ہے کیونکہ اس وقت رات اور دن کے فرشتے حاضر ہوتے ہیں۔
اس آیت سے نماز فجر کی فضیلت بھی ثابت ہوتی ہے اور یہ بھی ثابت ہوتا ہے کہ قراءت نماز کا رکن ہے کیونکہ جہاں عبادت کے جزو کو عبادت کے نام سے موسوم کر دیا جائے تو وہ جزو کی فرضیت پر دلیل ہوتی ہے۔

نوٹ: قرآن الفجر کے الفاظ سورۃ بنی اسرائیل کی آیت مبارکہ نمبر 78 میں وارد ہوئے ہیں۔

 

السلام علیکم ورحمة اللہ وبرکاتہ
جزاک اللہ خیرا عفراء
میں نے آج ابهی تک کچه پڑها تو نہیں لیکن ابهی تهوڑی دیر پہلے سائیڈ ٹیبل پر رکهی کتاب پر نظر پڑی جس کا ٹائٹل ہے "سیرت امام بخاری "سوچا اللہ شان والے کا فضل ہے کہ اس نے احادیث اورسیرت نبی صلی اللہ علیہ وسلم پر لکهنے والوں کی سیرت کو بهی پڑهنے والوں کے لیے محفوظ رکها .اللہ ہمیں بهی اس قابل بنائے کہ دین کی خدمت میں ہم اپنا کچه حصہ ڈال سکیں آمین یا رب العالمین

 

وعلیکم السلام
جزاک اللہ خیرا۔

کیا کسی نے کچھ بھی مطالعہ نہیں کیا؟

 

میں آج مجلس پر کچھ اور تلاش کر رہی تھی کہ اس لنک پر نظر گئی

http://www.urdumajlis.net/index.php?threads/حبر-الامہ-کس-کا-لقب-ہے؟.34845/

تو اس سبب حضرت عبداللہ بن عباس رضی اللہ عنہ کے متعلق مطالعہ کرنے کا موقع ملا۔ ایک دو نئی باتیں معلوم ہوئیں کہ حضرت عبداللہ بن عباس رضی اللہ عنہ کی عمر 13 سال تھی جب حضور صلی اللہ علیہ و سلم کا وصال ہوا۔ لیکن کم عمری میں ہی انہوں نے حضور صلی اللہ علیہ و سلم کی اس طرح خدمت اور گفتگو کی کہ آپ صلی اللہ علیہ و سلم نے ان کو علم و حکمت میں اضافہ کے لیے بڑی خوبصورت دعائیں دیں۔

ویسے تو اس دور کا آج کے زمانہ سے کوئی مقابلہ ہی نہین۔ لیکن پھر بھی یہ احساس ہوا کہ ہم اپنے بزرگوں کا ،اساتذہ کا احترام کرنے میں بہت پیچھے ہیں۔

 

آج پڑها اس میں سے دو اقتباسات
امام محمد بن یوسف فربری فرماتے ہیں:امام بخاری سے 90 ہزار لوگوں نے صحیح بخاری کا سماع کیا ......
محمد بن ابی حاتم کہتے ہیں کہ میں نے حاشد بن اسماعیل اور ایک دوسرے شخص کو یہ کہتے سنا کہ"بصرہ کے بڑے بڑے عاقل وفہیم لوگ علم حدیث کے لیے اس نوجوان(محمد بن اسماعیل بخاری )کے پیچهے پیچهے دوڑا کرتے تهے.وہ آپ کو حدیث سنانے کے لیے اس قدر مجبور کردیتے تهے کہ راستے ہی میں بٹها لیتے تهے .پهر وہاں ہزاروں لوگ جمع ہو جاتے.ان میں اکثر لوگ بڑے شوق سے لکهتے تهے.ان دنوں امام بخاری بالکل بے ریش تهے.*سیرت امام بخاری رحمہ اللہ*
اللہ کرے آج بهی مسلمان اتنےذوق اور شوق سے اتنی بڑی تعداد میں حدیث سنیں .آمین .آج کل اکثریت تو ان کی دیکهی جو کہتے ہیں کہ قرآن کی بات تو ٹهیک ہے کہ اللہ نے اس کی حفاظت کا ذمہ لیا ہے.حدیث کا کویی اعتبار نہیں اللہ تعالی رحم فرمائے آمین یا الرحم الراحمین

 

بہت عمدہ
جزاک اللہ خیرا
جی ہاں افسوس کی بات ہے۔
لیکن جیسے انکار حدیث کا سننے لگے ہیں ویسے ہی ایسے لوگوں کی تعداد بھی الحمد للہ بڑھ رہی ہے جن میں علم حدیث کا شعور بڑھ رہا ہے۔ مجھے یاد ہے ہم جب نئے یونیورسٹی میں داخل ہوئے تھے اور غالبا پہلا رمضان تھا، اور ہم دوستیں گروپ میں بیٹھ کر کسی کتاب سے احادیث کا مطالعہ کر رہے تھے تو میری ایک دوست کہنے لگی اس حدیث کے آخر میں حوالہ نہیں ہے جو کہ ہونا چاہیے۔ اور مزے کی بات میری وہ دوست کورس کی کتابوں کے علاوہ کسی کتاب کو آنکھ اٹھا کر بھی نہیں دیکھتی تھی۔ میرا منکرین حدیث والی سوچ رکھنے والے لوگوں سے واسطہ نہی پڑا کبھی۔

 

میں نے تو آج صرف کوڈنگ کی ہے مطالعہ کا وقت نہیں ملا۔
البتہ تلاوت کرتے ہوئے دو آیات دل پر لگیں۔
ایک سورۃ المجادلہ کی
انما النجوی من الشیطان
لیحزن الذین امنوا
و لیس بضارهم شیئا
الا باذن الله
و علی الله فلیتوکل المؤمنون

اور دوسری سورۃ الممتحنہ کی آیت
وَاتَّقُواْ اللّهَ
الَّذِیَ
أَنتُم بِهِ
مُؤْمِنُونَ

تفسیر یکھنے کا وقت ابھی نہیں ملا، اس کے بعد ہی کچھ لکھوں گی ان شاء اللہ۔

 

ماشاءاللہ اچهی بات ہے
ضرورت اس بات کی ہے کہ شعور بیدار کیا جائے ان میں زیادہ تعداد ان لوگوں کی جو دین کو نماز روزہ حج اور قرآن کی تلاوت سے زیادہ نہیں جانتے.پتہ نہیں ان کو منکر حدیث کہ سکتے ہیں کہ نہیں .

 

اردو مطالعہ نہیں کیا، عربی مطالعہ کیا جو ڈسکلوز نہیں کر سکتے، انگریزی میں سماع کیا جس کے لنک مجلس پر بھی شئیر کر چکی ہوں۔

 

چند دن قبل ایک مضمون ایچ ٹی ایم ایل 5 کے حوالے سے نظر سے گزرا تھا۔
مضمون کا موضوع html5 کے نئے متعارف کردہ ٹیگز کا مقصد اور ان کا استعمال بتانا تھا۔
html 5 دراصل syntax کے بجائے semantics سیمینٹکس یعنی معانی کے حساب سے ترتیب دی گئی ہے۔ اس کے بنانے والے انجینئیرز نے بہت بڑے پیمانے پر یہ سروے کیا کہ ویب ڈیویلپرز اور ڈیزائنرز کونسی css classes کلاسز کا زیادہ استعمال کرتے ہیں۔ ان کو سامنے رکھ کر ٹیگز کو نام دیے گئے۔ جن میں درج ذیل اہم ٹیگز شامل ہیں۔
header, nav, main, section, article, aside and footer.
یہ ٹیگز سرچ انجن کے لیے بھی مفید ہوتے ہیں۔
اگر موقع ملا تو ایچ ٹی ایم ایل 5 کے ان ٹیگز کا مقصد آسان مثالوں کے ساتھ الگ مضمون میں شئیر کیا جائے گا۔ ان شاء اللہ۔

 

سورۃ النساء کی ایک آیت کا حصہ ہے
[TRADITIONAL_ARABIC]وَلَوْ أَنَّهُمْ فَعَلُوا مَا يُوعَظُونَ بِهِ لَكَانَ خَيْرًا لَهُمْ وَأَشَدَّ تَثْبِيتًا [/TRADITIONAL_ARABIC]
اس کی تفسیر پڑھتے ہوئے جو چیزیں سمجھ میں آئیں ان میں سے ایک یہ ہے کہ
جو انسان ان کاموں کو کرے جن کا اللہ اور اس کے رسول نے حکم دیا ہے تو اس کو جو فوائد حاصل ہوتے ہیں ان میں سے ایک ہے کہ نیکی پر دوام اور ثابت قدمی۔
یعنی اگر بندہ اپنا ایمان قائم رکھے (اوامر و نواہی کا خیال رکھے ) تو اللہ تعالیٰ کی طرف سے اس پر ثابت قدمی عطا ہوتی ہے۔
دنیا کی زندگی میں مصائب و آلام کے نازل ہونے کے وقت ثابت قدمی
نفس کی مشکلات پر استقامت اور ثابت قدمی کے لیے اللہ تعالیٰ کی طرف سے مدد
موت اور نزع کے وقت ثابت قدمی
اور پھر یہ بندہ مؤمن شرعی احکام کا پابند ہوجاتا ہے تو ان احکام سے مانوس ہوجاتا ہے اور یہ انس اس کے لیے ثابت قدمی کا ذریعہ بن جاتا ہے۔

اس سے مجھے یہ بات بھی سمجھ میں آتی ہے کہ ہدایت ہاتھ پر ہاتھ دھرے بیٹھے رہنے سے نہیں ملتی۔ بلکہ خود کچھ محنت کرنی پڑتی ہے۔عمل کرنے سے عمل کی توفیق ملتی ہے۔

 

سورۃ الفاتحہ کی تفسیر میں ڈاکٹر لقمان سلفی اپنی تفسیر تیسیر الرحمن لبیان القرآن میں لکھتے ہیں:
'رب' کا ایک معنی مربی بھی کیا گیا ہے، بایں طور کہ وہ (تربیۃ) سے مشتق ہے، یعنی اللہ تعالیٰ اپنی مخلوق کا بطور خاص مدبر و مربی ہے۔
بطور عام مربی اس طرح ہے کہ اس نے تمام خلائق کو پیدا کیا، ان کو روزی دی، اور ان امور کی طرف رہنمائی کی جو دنیاوی زندگی کے لیے نافع ہیں۔ اور بطور خاص اپنے اولیاء کا مربی ہے، یعنی ایمان کے ذریعہ ان کی تربیت کرتا ہے، انہیں ایمان کی توفیق دیتا ہے اور صاحب کمال بناتا ہے اور ان رکاوٹوں کو دور کرتا ہے، جو اس کے اور ان اولیاء کے درمیان حائل ہوسکتے ہیں، یعنی انہیں ہر خیر کی توفیق دیتا ہے اور ہر شر سے محفوظ رکھتا ہے۔ اور غالبا یہی راز ہے کہ انبیاء کرام کی تمام دعائیں کلمہ (الرب) سے شروع ہوتی ہیں۔ اس لیے کہ ان کے تمام مطالب اللہ کی ربوبیت خاص کے ضمن میں آتے ہیں۔

 

جزاکم اللہ خیرا
تجوید کے رولز پڑهے. مدود کی اقسام سیکهیں جو پہلے بهی پڑھ چکی ہوں اورمختلف کلاسز میں سیکه چکی ہوں سبحان اللہ ہر ایک کے پڑهانے کا اپنا انداز اور ہر کلاس میں ذہن کوئی بند دریچہ کهلتا ہے .الحمد للہ
رب زدنی علما

 

ماشاءاللہ، آپ آج کل تجوید کو پیاری ہو چکی ہیں۔

 

ماشاءاللہ،
ہم آج کل جامعہ میں ٹی پی آئی کی کلاس لے رہے ہیں جس میں جدید طریقے سے قرآن سمجھنے کی ورکشاپ چل رہی ہے۔
بہت کچھ جدید سیکھنے کو مل رہا ہے۔ آج بحمدللہ سات اسباق مکمل ہوگئے ہیں۔

 

ہم آج کل نئے سمسٹر کی پلاننگ کر رہے ہیں، یعنی طلبہ و طالبات کو اچھی طرح سبق سکھانے کی سازش ہو رہی ہے۔
عموما ایک نئی کتاب کے مطالعے میں غرق ہوں۔

 

غصہ پینا ۔ لیکن یہ ایک ایسا سبق ہے جو بار بار بھول جاتا ہے۔

 

نیا تو کچھ خاص نہیں ۔ آج کل پرانے سبق ہی دہرا رہی ہوں۔ کسی نے ایک مرتبہ مجھے سمجھاتے ہوئے نصیحت کی تھی کہ مایوس نہیں ہونا چاہیے۔ آپ صرف کوشش کر سکتے ہیں ۔ اور خلوص نیت سے کوشش کے بعد نتیجہ کی پروا نہیں کرنی چاہئے۔ اس کے ساتھ ہی حضرت نوح علیہ السلام کی مثال دی اور کہا کہ انہون نے نو سو سال تبلیغ کی لیکن صرف چند لوگوں کو ہی توحید پر آمادہ کر سکے ۔ تو کیا ان کا شمار کامیاب لوگوں میں نہیں ہوتا؟ اب آپ اپنی زندگی کے سال گن لیں اور پھر ان میں سے بھی وہ جو اللہ تعالی کی راہ میں کوشش کرتے ہوئے گزاریں ہو اور پھر بتائیں کہ کیا آپ کا مایوس ہونا جائز ہے؟
مزے کی بات کہ میں بھی ان دنوں ڈھٹائی کی انتہا پر تھی ۔ سکون سے جواب دیا کہ اس بات کا تعین کیسے ہو کہ کوشش صحیح رخ میں بھی جا رہی ہے یا پھر سارا زور رسی لے کر کنویں میں وآپس جانے کی طرف ہے ۔ اب یاد نہیں کہ آگے سے کیا جواب ملا لیکن الحمداللہ اتنا ضرور ہوا کہ مایوس ہوتے ہوتے اس نصیحت کو یاد کر کے کافی پر سکون ہو جاتی ہوں ۔
جمعہ کو پھر ایک امتحان ہے ۔ ہے تو میرا پسندیدہ مضمون یعنی پروگرامنگ۔ لیکن طبیعت ناسازی کی وجہ سے دو کلاسز نہیں لے سکی اور بہت حرج ہو گیا ۔ اب اسی نصیحت کو یاد کرکے اپنے آپ کو حوصلہ دے رہی ہوں ۔ اللہ آسانی کرے۔

 

کل ہمارے استاد کا ایک جملہ سنا جو رہ رہ کر یاد آ رہا ہے۔ " دل کی طہارت یہ ہے کہ گناہ کی خواہش سے بھی پاک ہو جائے۔"
اللہ عمل کی توفیق دے۔