صاحب کو بھی کرسی سے ہٹا سکتے ہیں چمچے

ظفر سریش والا کے نام

مـزاحـیـہ غـزل

صاحب کو بھی کرسی سے ہٹا سکتے ہیں چمچے
چپراسی کو کرسی پہ بٹھا سکتے ہیں چمچے

چاہیں تو یہ غالب کے برابر تجھے کر دیں
ورنہ تری ہوٹنگ بھی کرا سکتے ہیں چمچے

چمچے کوئی مصری ہوں کہ بنگالی یا ہندی
شیخوں کو ہتھیلی پہ نچا سکتے ہیں چمچے

سنتے ہیں وفادار بہت ہوتے ہیں کُتّے
دُم اُن سے کہیں زیادہ ہلا سکتے ہیں چمچے

مل بیٹھیں یہ آپس میں تو یکجا نہ سمجھنا
چمچوں کو بھی چمچوں سے لڑا سکتے ہیں چمچے

ممبر کے ہیں چمچے کہیں دربار کے چمچے
ایمان شریفوں کا بِکا سکتے ہیں چمچے

گرگٹ سے یہ پوچھا کہ ترے رنگ ہیں کتنے
بولا کہ صحیح گنتی بتا سکتے ہیں چمچے

آیا نہ تمہیں پالنا چمچوں کو فلکی
مسند پہ صدارت کی بٹھا سکتے ہیں چمچے

شاعر:علیم خاں فلکی

Sent from my HUAWEI P7-L10 using Tapatalk

 

اچھا! !!!!!!!!

 

یعنی! شیخ ہم نے آپ کی بات پر حیرت کا اظہار کیا ہے۔ وجہ اس کی یہ ہے کہ ہم بھی چمچوں پر یقین رکھتے ہیں لیکن ان چمچوں پر جو کہ کھانے کے لیے استعمال ہوتے ہیں یا کھانا نکالنے کے لیے یا چاۓ میں چینی ہلانے کے لیے۔ یہ دوسری قسم کے خوش آمد سے بھرپور چمچوں پر ہم یقین نہیں رکھتے۔

 

اگر چمچوں کو واقعی چمچا سمجھا جائے تو چمچے بڑے کام کے ہوتے ہیں۔ چمچے کو چمچے کی طرح ہی استعمال کرنا چاہیے۔ یعنی ضرورت پڑی استعمال کرلیا، ضرورت ختم ہوگئی تو ایک طرف رکھ دیا۔
کیسے رہے گا۔؟؟؟؟؟