ڈی بگ (debug) کی بنیاد

پروگرامنگ کی دنیا میں قدم رکھنے کے بعد جس چیز پر بہت زیادہ زور دیا جاتا ہے وہ ڈی بگنگ ہے ۔ یعنی اپنے کوڈ یا پروگرام میں سے غلطیاں دور کرنا۔ڈی بگنگ کرنا جتنا محنت طلب کام ہے اس کی تاریخ اتنی ہی دلچسپ ہے ۔ تو ہوا کچھ یوں تھا کہ 1945 میں گریس ہوپر نامی ایک خاتون سائنس دان Relay کیلکولیٹر (قدیم کمپیوٹر) پر کام کر رہی تھیں ، کہ انہین کچھ مسائل کا سامنا کرنا پڑا ۔ جب انہوں نے مشین میں جھانکا تو انہیں اندر کیڑا نظر آیا جس کی وجہ سے اس مشین نے کام کرنا بند کر دیا تھا ۔ تو یوں وہ پہلا bug تھا جسے گریس ہوپر نے ختم کیا اور وہیں سے ڈی بگ کی تاریخ شروع ہوئی ۔

 

بہت خوب

 

کیا 1945 میں بھی کمپیوٹر ہوا کرتے تھے؟ ایم ایس ڈاس وغیرہ تو 1970 میں شاید وجود میں آئے ہیں اس سے پہلے کمپیوٹر میں کون سے پروگرام تھے

 

1980 کے شروع میں غالبا ایم ایس ڈاس ریلیز ہوا تھا ۔ لیکن اس سے بھی پہلے 1960-70 میں مین فریم(Main Frame) ہوا کرتے تھے۔مین فریم سے پہلے کوئی اور ممبر اضافہ کر دیں کے مجھے نہیں یاد کون سے تھے ۔ لیکن پہلا کمپیوٹر ENIAC تھا جو 1940 کے شروع میں بنا تھا ۔

 

مین فریم تو ڈھانچہ رہا ہوگا مجھے یہ جاننا ہے کہ پروگرام کون سا استعمال کیا جاتا تھا۔ خیر گوگل پر اس بارے میں معلومات ہوں گی۔

 

واہ بہت خوب! ویسے کیا اتفاق ہے ' گریس ہوپر' نے 'bug' ختم کیا

 

ٹھیک ٹھیک۔ اگر آپریٹنگ سسٹم کی بات ہے تو میرا بھی یہی خیال ہے کہ ڈاس پہلا آپریٹنگ سسٹم تھا ۔
جتنے بھی پہلے زمانے کے کمپیوٹر تھے وہ مشین لینگویج استعمال کیا کرتے تھے-ابھی بھی کرتے ہیں لیکن اب اتنی ترقی ہو گئی ہے کہ سافٹ وئر کے ذریعے یہ کام کافی آسان ہو گیا ہے۔ اس زمانے میں کمپیوٹر جب نئے نئے ایجاد ہوئے تھے تو ان کا مقصد صرف numerical پرابلمز حل کرنا ہوتا تھا۔ جس کے لیے مشین لینگویج بہت بڑی کامیابی تھی۔ مشین لینگویج کی تفصیل میں جائیں تو یہ ایک بائنری لینگویج ہے ۔ یعنی ایک اور صفر کی زبان آپ کمپیوٹر کو ڈائیریکٹ 1 اور 0 کی زبان میں بات سمجھاتے تھے ۔ کسی کی بورڈ کی ضرورت ہی نہیں : )۔

جو معلومات ملیں وہ یہاں بھی شیئر کر دیجیے گا۔

 

بالکل صحیح !
پہلے پنچ اور ری لے وغیرہ ہوتے تھے اور کمپیوٹر کا تصور بہت پہلے چارلس بیبج نے analytical engine کی صورت میں پیش کیا تھا بس فرق یہ تھا کہ وہ کام سافٹ وئیر کی بجائے ہارڈوئیر پر کرتا تھا۔

 

میں نے کہیں پڑھا تھا اباکس کو بھی کمپیوٹر کہتے تھے جسے چینیوں نے دریافت کیا تھا۔

 

اباکس تو بہت ہی بنیادی ٹول تھا جس سے صرف بنیادی حساب کتاب کیا جاتا تھا۔ اس کو کمپیوٹر کہنا تو کمپیوٹر کی توہین ہے۔ : )

البتہ یہ کمپیوٹر کی تاریخ میں بنیادی چیز سمجھی جاتی ہے۔ اور جب بھی کمپیوٹر کی ہسٹری پڑھائی جائے تو یہ ضرور ڈسکس ہوتا ہے۔