کمانڈ لائن سیکھنے کے لیے مفید کتاب

اگر آپ کمانڈ لائن سیکھنا چاہتے ہیں تو میں ایک مفید کتاب متعارف کروانے جارہی ہوں جس کی مدد سے آپ بہت جلد اور باآسانی لینکس کے کمانڈ لائن پر عبور حاصل کر سکتے ہیں۔
کتاب کا نام: Learn Enough Command Line to Be Dangerous
مصنف: Michael Hartl
اس کتاب میں نہایت عمدگی سے لینکس کی کمانڈز سکھائی گئی ہیں۔ عموما جو لوگ لینکس کے عادی نہیں ہوتے وہ کمانڈ لائن سے گھبراتے ہیں۔ لیکن ڈیویلپرز یا سسٹم ایڈمنسٹریٹرز کا اس کے بغیر گزارہ نہیں۔
مصنف کی اس سے پہلے روبی آن ریلز ٹیوٹوریل پر موجود کتاب بے حد مقبول ہے۔ لیکن جو لوگ کمانڈ لائن نہیں جانتے ان کو ٹیوٹوریل میں تھوڑی مشکل کا سامنا کرنا پڑتا ہے۔ لہذا انہوں نے یہ کتاب بطور پیشگی شرط کے لکھی ہے اور اس سے پہلے کسی پروگرامنگ وغیرہ کی قابلیت ہونا ضروری نہیں۔ اگر یہ کتاب پڑھ اور سمجھ لی جائے تو نہ صرف روبی آن ریلز ٹیوٹوریل بلکہ اور بھی کئی مشکلات آسان ہوجائیں گی!
کتاب بہت آسان فہم اور دلچسپ ہے۔ ہر سیکشن کے بعد متعلقہ مشق بھی دی گئی ہے۔ سب سے اچھی بات یہ کہ آنلائن مفت دستیاب ہے۔
ربط: http://www.learnenough.com/command-line

 

بہت شکریہ
روبی آن ریلز کا تعارف کروائیں بہت جگہ اس کو سنا ہے لیکن ٹھیک سے معلوم نہیں ہوا اس زبان کا تعلق جاپان سے ہے؟

 

جاپان سے کس طرح؟
روبی آن ریلز ایک ویب فریم ورک ہے جو روبی لینگویج میں لکھا گیا ہے۔ یہ مکمل اوپن سورس ہے اور ڈائنامک ویب ایپلیکیشنز بنانے کے لیے استعمال ہوتا ہے۔ کئی بڑی ویب ایپلیکیشنز مثلا ٹویٹر، گٹ ہب اس میں بنائی گئی ہے۔
مزید، تکنیکی تفصیلات جاننے کے لیے آپ یہ کتاب دیکھ سکتے ہیں۔

 

اس کا نام سننے کے بعد مجھے لگا اس کا تعلق ضرور جاپان سے ہونا چاہیے وجہ مجھے نہیں معلوم :

 

میں نے جاپان کا ذکر کہیں نہیں پڑھا۔ اس کے بانی ڈیویلپر کا تعلق ڈینمارک سے ہے۔

 

شاید میں روبی آن ریلز کے ساتھ کوئی جاپان کا آرٹیکل پڑھ رہا تھا کنفیوز ہوگیا!

 

جزاک اللہ خیر ۔ بک مارک تو کر لیا ہے ۔ باقی تبصرہ کتاب پڑھنے کے بعد کرتی ہوں : ) ۔