مشہور پکوان "حلیم" کو حلیم کہنے میں اسلامی لحاظ سے کوئی حرج نہیں

سوال کھانے کی ڈش کا نام ''حلیم'' کیسا ہے؟جبکہ یہ اللہ کا صفاتی نام ہے

جواب : الحمد للہ و الصلاة و السلام علی رسول اللہ اما بعد!

کسی بھی چیز کا وہ نام رکھنا جائز ہے جو شریعت کے مخالف نہ ہو ، مثال کے طور پر کسی آدمی کا نام عبد النبی رکھنا وغیرہ جو کہ غلط ہے

دوسری بات یہ ہے کہ ''حلیم'' ڈش کا نام ہے اردو زبان میں جبکہ ''الحلیم'' اللہ عز وجل کا صفاتی نام ہے عربی میں تو میرا سوال ہے کہ کیا ڈش کانام لیتے ہو ئے کوئی اس بات کا خیال دل میں لاتا ہے کہ میں اللہ تعالی کا صفاتی نام لے رہا ہو یا دوسرے لفظوں میں یوں کہیے کہ کیا کوئی اللہ کا نام لینے کی نیت کرتا ہے ؟ یقینا نہیں (بلکہ کئی لوگوں کو تو اس چیز کا علم ہی نہیں کہ ''الحلیم '' بھی اللہ تعالی کا صفاتی نام ہے )جب معاملہ ایسے ہی ہے تو رسول اللہ صلی اللہ علیہ و سلم کی یہ روایت ہمارے لئے فیصل ہے :

عن عمر بن الخطاب رضی اللہ عنہ قال سمعت النبی صلی اللہ علیہ و سلم یقول : انما الاعمال بالنیات
صحیح البخاری حدیث نمبر :١

ترجمہ: عمر بن خطاب رضی اللہ عنہ نے نبی صلی اللہ علیہ و سلم کو کہتے ہوئے سنا : اعمال کا دارو مدار نیت پر ہے۔

لہذا اگر کوئی شخص اس انداز سے لفظ ''حلیم'' کو بولتا ہے اور اس نیت سے کہ یہ اللہ کا نام ہے اور میں اسکی اہانت کررہا ہوں (العیاذ باللہ ) تو یہ غلط ہے لیکن یہ تو ناممکن اور محال سے بھی کوسوں دور ہے ۔

تیسری بات یہ ہے کہ اس ڈش کا صحیح نام بھی ''حلیم ''ہی ہے نہ کہ ''دلیم'' دیکھیں مندرجہ ذیل ربط
لفظ دلیم کیلئے یہ ربط دیکھیں

چنانچہ ''حلیم '' نامی ڈش کو ''حلیم '' کہنے میں کو حرج نہیں یہ آپکی مرضی ہے کہ آپ اسکو ''دلیم ''سے تبدیل کریں یا نہ کریں

چوتھی بات میں فتاة القرآن بہن سے کہنا چاہوں گا کہ اگر آپ یہ سمجھتی ہیں کہ آپ کے گھر میں لفظ ''حلیم'' بول کر اللہ عزوجل کے صفاتی نام کی نیت کر کے اسکا مذاق اڑایا جاتا ہے تو بالکل آپ پر ضروری ہے کہ اسکو اپنے گھر میں تبدیل کریں اور ان لوگوں کو سمجھائیں اور اللہ کی پکڑ سے ڈرائیں اللہ تعالی آپکا حامی و ناصر ہو ۔

ھذا ما عندی و اللہ اعلم بالصواب

و صلی اللہ علی نبینا محمد

و السلام علیکم و رحمة اللہ و برکاتہ

 

حلیم یا دالیم..زباں زد عام تو حلیم ہے.لیکن زباں زد خاص دالیم ہونا چاھیے یا حلیم کی املاء بدل دینی چاھیے.ھلیم.الیم.ہلیم [emoji1]
کیونکہ یہ اللہ کا صفاتی نام ہے.

Sent from my LG-E970 using Tapatalk

 

اللہ ایسی دینی معلومات والوں کودو تولہ عقل نصیب فرمائے آمین۔

 

محترم ابن مبارک بھائی اس پر لکھ چکے ہیں
کیا خیال ہے آپ کا؟؟

 

یہ بحث کہیں پڑھی تھی کہ اصل میِں یہ دلیم تھا کیونکہ دالوں اور گوشت کا مرکب ہے.لیکن مرور زمانہ کے ساتھ بدل کر حلیم ہو گیا. فارسی کے ایک مضمون میں ھ کے ساتھ ھلیم لکھنے کو درست قرار دیا گیا ہے.جسے کاپی کیا تھا لیکن اب دیکھا تو نہ کاپی مل رہی ہے نہ لنک. حلیم یا دلیم کے عنوان پہ کافی تحقیق نظر آتی ہے.
عربی میں شاید ہریسہ کہتے ہیں اس کو..حلیم تو صرف برصغیر میں کہا جاتاہے.حلیم کا معنی نرم بھی ہے شاید اس وجہ اس کا نام پڑگیا.
مجھے ایک لنک ملا ہے جس میں دالیم لکھ کر بریکٹ میں حلیم لکھا گیا ہے.
http://www.google.com.pk/url?q=http...toPYSw&usg=AFQjCNH151NnB_EUTZIBNCYpGONLd9qJ2A

Sent from my LG-E970 using Tapatalk

 

حلیم بنا لینے سے حلم آتا ہے نہ تحمل و بردباری.یہ دینی معلومات نہیں.غلط العوام لفظ ہے تو اصلاح ہونی چاہیے.درست ہونے پہ اصرار ہے تو بھی بتانا چاہیے نہ کہ توجہ دلانے والے کی عقل پہ شبہ...ہم سے لوگ پوچھتے ہیں حلیم کہنا چاہیے یا نہیں؟


Sent from my LG-E970 using Tapatalk

 

درست ہونے پہ کس غریب نے اصرار کیا ہے؟ امیج بنانے والے کی موٹی عقل کے حق میں دعائے خیر کی ہے۔ ویسے دینی معلومات بغیر تصدیق کے آگے پھیلانے والے کی عقل پر تو قرآن نے بھی شبہ کیا ہے۔
اگر آپ توجہ دلانا چاہتے ہیں تو نیٹ سے کوئی امیج اٹھا کر نہیں لے آتے کہ حلیم کہنے سے بے ادبی ہو گئی۔ اور اللہ کے صفاتی نام کی بحث کے ساتھ بے ادبی کا شور دینی معلومات نہیں ہے؟

 

جزاک اللہ خیرا..عکاشہ بھائ.


Sent from my LG-E970 using Tapatalk

 

مسئلہ حلیم و دلیم کا حل یہی ہے کہ #دلیم پارٹی کے سامنے اس کو #حلیم کہیے اور جم کر کہیے۔ وسوسے کا عملی #علاج یہی ہوتا ہے۔
یہ حل کئی سال سے میرے کام آ رہا ہے اور زیادہ اسلامی لوگ مجھے کچا چبانے والی نظروں سے دیکھتے ہیں تو بہت اچھا لگتا ہے۔