خدمت کیا ہے؟

میری نظر میں خدمت کیا ہے؟

خدمت اک سرشاری کیفیت ہے،
خدمت ذاتی مقاصد سےعاری اور اور مادیت سے خالی ہوتی ہے۔
مجبورا نہیں ہوتی ۔۔ مجبورا کروائی نہیں جا سکتی۔
یہ ادب، احترام اور محبت کے خمیر سے بنی ہے،
تشکر کے ایندھن سے چلتی ہے اور نسل در نسل اپنا اثر قائم رکھتی ہے۔
یہ بے لوث کوشش کسی بھی مذہب، مسلک، رنگ، نسل اور سرحدوں سے بالاتر ہو کر کسی کی زندگی میں آسانی پیدا کرنے کا نام ہے۔
یہ کسی کے لئے کچھ کرنے، کام آنے اور شمع سے شمع جلاتےچلے جانے کا نام ہے۔
کسی کو ایک لفظ سکھا دینا بھی خدمت ہے۔
اور کسی راہگیر کو رستہ دکھا دینا بھی خدمت ہے۔
ایجادات بھی خدمت سے کم نہیں،
اور کسی کے لئے کچھ اچھا، کچھ مثبت سوچنا بھی خدمت ہے ۔
------------
- خرّم امتیاز