اردو مجلس کی ویب ماسٹر عفراء سے برنچ پر یادگار ملاقات

کئی دن سے میں اور عفرا ملنے کے منصوبے بنا رہی تھیں۔ایک دوسرے کو خبر کرتیں کہ آج ہمارا ایک دوسرے کے علاقے میں پائے جانے کا امکان ہے لیکن فارغ وقت ہی نہیں مل رہا تھا۔ میں سوچ رہی تھی ڈگری مکمل کر کے کہیں مغرور نہ ہو گئی ہوں۔ آج اتفاق سے میری کلاسز کے دوران بریک میں عفراء بھی فارغ تھیں۔ سو جیسے ہی میں نے انہیں پیغام بھیجا۔ ان کا بھی پیغام آ گیا کہ یہ قریب ہی ہیں سو بہت دنوں بعد ہماری ملاقات ہو ہی گئی۔ میری خوشی کا پیمانہ تو اچھی طرح بھر گیا۔ برنچ عفراء نے کروایا اور میں نے جی بھر کے انصاف کیا۔ اس دوران گپ شپ بھی ہوئی۔ بالکل بھی مغرور نہیں ہوئیں ڈگری لے کر۔ اور گھر رہنے سے صحت اچھی ہو گئی ہے۔ مجھے بہت خوشی ہوئی۔ واپسی پر اکٹھے واک کی اور ایک خوش گوار ملاقات کی یاد لے کر واپس کلاسز لینے پہنچ گئی۔ بہت بہت شکریہ عفرا اتنے اچھے برنچ اور ملاقات کے لیے۔ جتنی محنت اور محبت سے آپ بہت سارے کام کر رہی ہیں اللہ تعالی ان سب کو آپ کے لیے صدقہ جاریہ بنائے۔ ہماری اللہ کے لیے محبت قبول کر لے۔ اور ہمیں جنت میں بھی ایسی اچھی ملاقاتیں نصیب ہوں۔

 

آمین۔

ماشاءاللہ ۔ ملاقات کا حال پڑھ کر خوب مزا آیا۔

الحمداللہ یہ تو اچھی بات ہے : ) ۔ میں اسے ڈگری کی ٹریٹ سمجھوں؟
عفراء میں سب نوٹ کرتی جا رہی ہوں ۔ بہت ساری ٹریٹس جمع ہو گئی ہیں۔

 

آمین۔ وایاک۔
گھر رہنا تو نصیب نہیں ہوا، صحت اگر بہتر ہوگئی ہے تو الحمد للہ : )
اچھا مغرور بھی ہونا تھا؟ بتا دیتیں نا پہلے : )
انا ٹریٹ کوئی نہیں تھی بس چائے تھی جس کی پے مینٹ عین باجی نے پہلی بار مجھے کرنے کی اجازت مرحمت فرمائی، ورنہ پورے ماسٹرز کے دوران خود زبردستی کھلاتی آئی ہیں۔
اوپر سے یہ بھی فرماتی رہتی ہیں کھانے میں کوئی مزہ نہیں مزہ تو بس کتاب پڑھنے میں ہے وغیرہ وغیرہ تو اس کے بعد کون کافر کھانا آفر کرنے کی جرات کرے : )
آپ ضرور نوٹ کرتی جائیں لیکن لینی کوئی نہیں ہوتی آپ نے مجھے یاد ہے اچھی طرح ! گھر تشریف نہیں لاتیں تو باہر کا کھانا معیار پر پورا نہیں اترتا : )

 

بڑے ہوتے کس لیے ہیں اسی لیے نا کہ چھوٹے مزے کریں۔ آپ یہ سمجھا کریں کہ ام حسن آپ کے لاڈ اٹھا رہی ہیں۔

 

نہیں نہیں اس مرتبہ ان شاء اللہ امید ہے کہ ملاقات کے لیے گھر پر آ جاؤں گی

 

جی ڈگری نکلوانا بھی ایک درد سر ہے۔ اللہ یہ مرحلہ آسان کرے۔ پھر ایک اور زور دار مبارک ملے گی۔
صحت اچھی ہی ہونی چاہیے اب۔ خیال رکھنا ہے۔

 

میری طرف بھی انا۔ اب میری کٹیا کو گھر کہہ سکتے ہیں۔