آپ اپنے تعلیمی ادارے میں کون کون سی سہولیات دیکھنا چاہتے ہیں؟

السلام علیکم و رحمتہ اللہ

اکثر مجلس پر تھریڈز دیکھتے ہوئے یہ جملا کئی مرتبہ نظروں کے سامنے سے گزرتا ہے کہ مسلمانوں میں تعلیم کی کمی ہے۔ اور مجھے ہمیشہ خیال آتا ہے کہ یہ کمی اس لیے ہے کہ تعلیمی ادارے اپنا حق ادا نہیں کر رہے۔ اور وہ اس لیے نہیں کر رہے کہ ان تعلیمی اداروں کی فیسیں بھرنے والے لوگ خاموشی سے چپ چاپ تعلیم حآصل کر کے نکل جاتے ہیں لیکن جو کمی پیشی محسوس کرتے ہیں اس کا اظہار نہیں کرتے ۔احتجاج کرنا تو بہت آگے کی بات ہے۔

تو اس تھریڈ کا مقصد انہیں چیزوں کو یہاں سامنے لانا ہے جن کی کبھی آپ کو تعلیم حاصل کرتے وقت کمی محسوس ہوئی ہو گی۔ اور ان بہترین اداروں کی نشاندہی کرنا بھی مقصود ہے جو دیگر کسی بھی ادارے کے لیے ایک مثال بن سکتے ہیں ۔

میرے پاس ویسے تو ایک طویل فہرست ہے لیکن جو دو بہت اہم چیزیں ہیں وہ یہ ہیں ۔ باقی تفصیل بعد میں لکھتی ہوں

1) دنیاوی تعلیم کے اسکول اور کالجز میں دینی تعلیم کا نہ ہونا اسی طرح
دینی تعلیم یا مدرسوں کے اندر دنیاوی تعلیم کا نہ ہونا
2) جسمانی صحت ، نشونما ، ورزشیں کھیل کا فقدان
3) صحت مند غذاؤں کا فقدان - مدرسے یا اسکول کی کینٹین میں آپ کو چپش یا چاکلیٹ تو مل جائے گی لیکن پھلوں کا سلاد شاید ہی ملے۔ اس کے بعد سادہ غذا پر استانی صاحبہ لیکچر دیں بھی تو وہ اثر نہیں کرے گا۔

 

میں سمجھتا ہوں کہ مسلمان ہونے کے ناطے ہمیں اسکولوں میں پرائمری لیول سے عربی کی تعلیم کا اہتمام کرنا چاہیے۔ بلکہ اسے لازمی قرار دیا جانا چاہیے۔ تاکہ عصری تعلیم کے ساتھ ساتھ، قرآن، حدیث اور دین کو بہتر انداز میں سمجھا جاۓ

 

آرٹس جیسے کے خوش خطاطی ، کیلیگرافی ، سلائی کڑھائی ، بیکنگ کورسز کا فقدان۔ چند اسکول یا کالجز ان پر مقابلے منعقد کروا دیتے ہیں لیکن باقاعدہ شارٹ کورسز نہیں ہوتے ، نہ ہی دینی مدرسوں میں نہ ہی دنیاوی تعلیمی اداروں میں ۔

اس کے بعد ایک اور چیز جو بہت نمایاں نظر آتی ہے وہ یہ کہ چند شعبوں کو صرف خواتین کے لیے مخصوص کر دینا مثال کے طور پر کوکنگ ، سلائی کڑھائی وغیرہ اسی طرح تجارتی شعبے ، مکینک ، گاڑٰوں کی مرمت کا کام ، گھر اور لکڑی کی مرمت کا کام ، پینٹ وغیرہ کو صرف مردوں کے لیے مخصوص کر دینا۔

 

دینی تعلیم ہوتی ہے ۔ عمل کیسے کروایا جائے وہ نہیں سکھایا جاتا ۔ بلکہ الٹ عمل کر کے مزید طالب علم کو کنفیوز کر دیا جاتا ہے۔ آپ اپنے ایک سبق میں طلبہ کو نرمی کا برتاؤ کریں اور غصہ پی جائیں کی تلقین کریں اور اگلے دن ہوم ورک مکمل نہ کرنے ہر چار ڈنڈے لگا دیں ۔ تو اپنے تشدد کا نیا سبق تو پڑھا دیا لیکن باقی نرمی اور غصے اور self respect کے تمام سبق بھلا دیے۔

 

ویسے اس تھریڈ کا مقصد ایسے تمام اسکول یا کالجز جو دنیا کے کسی بھی خطے میں ہوں اور وہ آپ کے معیار پر پورا اترتے ہیں ان کو سامنے لانا بھی ہے۔ تو بلا جھجھک اپنے اسکول یا کالج کا تعارف بھی ضرور کروائیں۔

 

کوئی مثال؟ تاریخ وغیرہ میں ایسی کوئی بات جس سے واضح ہو کہ کیسے یہ بنیادی تعلیم دلائی جائے۔ یا آپ کے مطابق کیا طریقہ کار ہونا چاہیئے؟