فہم قرآن کیسے ممکن ھے

فہم قرآن کیسے ممکن ہے

ابو الکلام آزاد رحمۃ اللہ لکھتے ہیں

قرآن کریم کے معارف اتنے ارزاں نہیں ،جن کو میں اپنی حرف شناسی دیکر خرید سکوں۔ اگر اسکے حقائق واسرار کے فہم کیلئے عربی دانی کی ضرورت ہوتی تو میں عربی کچھ نہ کچھ سمجھ لیتا ہوں۔اگر مذہبی معلومات کی ضرورت ہوتی تو ان کے حاصل کرنے کی کوشش کرتا،اگر کتب تفاسیر کے مطالعے کی ضرورت ہوتی تو کتابوں کی میرے پاس کمی نہ تھی۔
لیکن اس کے لئے یہ تمام باتیں بیکار ہیں، یہاں پہلی شرط "اتقا" اور "تزکیہ قلب " ہے اور ساری محرومی اسی میں ہے کہ دل اسی سے محروم ہے۔جو دل زاد تقویٰ سے محروم ہوئے نفسانی وآلایش دنیا پرستی میں گرفتار ہوئے،وہ اک لمحہ کیلئے بھی قرآن کے حقائق ومعارف کا تجلی گاہ نہیں بن سکتا۔علم وفضل اس کیلئے بیکار ہے اور دماغ کو یہاں کوئی نہیں پوچھتا،، ذلك فضل الله يؤتيه من يشاء والله ذو الفضل العظيم(الہلال)