میں جو سوچتا ہوں

***تقدیر***
وہ پکا دہریہ تھا اور مولویوں کا کٹر دشمن بھی، پھر ایک دن اس کی ماں مرجاتی اور تقدیر اسے مولوی کے پاس لے آتی ہے۔ (تحریر: انجنئیر #محمد_اجمل_خان)

 

اس دنیا میں سب سے خوبصورت مخلوق انسان ہے " فی انفسکم افلا تبصرون " اپنے اندر جھانک کر دیکھو، تم غور کیوں نہیں کرتے؟ (انجنئیر #محمد_اجمل_خان)

 

زندگی کی شام ہونے کو ہے اور آگے اندھیری رات ہے' بس رب سے دعا ہے کہ اندھیری رات روشن بنا دے۔ آمین

 

بعض یاروں کے محفل میں بھی تنہا ہوتے ہیں اور بعض تنہائی میں بھی یاروں کے محفل سجا لیتے ہیں، (ماضی کی یادوں کے دیئے جلا کر)۔
یاد ماضی عذاب ہے یارب
چھین لے مجھ سے حافظہ میرا

 

جوانی میں موت کا ڈر نہیں ہوتا اور بڑھاپے میں موت کا ڈر سونے نہیں دیتی۔ (انجنئر #محمداجملخان )۔

 

×× × ثبوت ×××

"تمہارے سینے میں تو دل ہے ہی نہیں" ساری زندگی لوگ جسے یہ کہہ کر طعنہ دیتے رہے، آج وہ "ہارٹ اٹیک" سے مر گیا اور اس بات کا ثبوت دے گیا کہ اس کے سینے میں بھی دل تھا لیکن لوگ اسے سمجھے ہی نہیں۔ (انجنئیر #محمد_اجمل_خان )

 

مثبت سوچ ہار کو بھی جیت بنا دیتی ہے جبکہ منفی سوچ جیت کو بھی ہار میں تبدیل کر دیتی ہے۔

 

اچھے دوست آئنہ کے مانند ہوتے ہیں اور ہمیں ہماری اچھائی اور برائی سے آگاہ کرتے۔ میرے دوست تو بہت کم ہیں لیکن بیوی کی روپ میں جسے پایا وہ اچھی دوست ثابت ہوئی۔ اللہ تعالٰی اس آئنے کو ٹوٹنے سے بچائے۔ (تحریر: انجنئیر محمد اجمل خان)

 

آئنہ پر گرد پڑا ہوتو چہرہ صاف نظر نہیں آتا
اور اگر چہرہ گندہ ہوتو آئنہ کی صفائی سے کام نہیں چلتا۔
دونوں کی صفائی ضروری ہے۔
دل بھی پاک ہو اور کردار بھی صاف ہو۔
(تحریر: انجنئیر محمد اجمل خان)

 

"دل کے پھپھولے جل اٹھے سینہ کے داغ سے
اس گھر کو آگ لگ گئی گھر کے چراغ سے"
۔ ۔ ۔ سقوط ڈھاکہ کے بعد مدتوں والد مرحوم یہ شعر گنگنایا کرتے تھے۔ میں اس وقت 10 سال کا تھا۔ سقوط ڈھاکہ کی وجہ سے ہر پاکستانی کے سینےمیں جو پھپھولے بن گئے تھے، اس کا مرہم شاید اس شعر کو گنگنانا ہی تھا۔ اس لئے والد صاحب اس دور میں یہ شعر گنگنایا کرتے تھے اور اپنے دل کے پھپھولے پر مرہم لگایا کرتے تھے۔ آج جب ملک کی حالت زار کو دیکھتا ہوں تو آج بھی مجھے ہر طرف آگ ہی آگ نظر آتا ہے اور یہ آگ لگانے والے آج بھی اسی گھر کے چراغ ہی ہیں۔ آج وہ کون سی آگ ہے جو وطن عزیز میں لگی ہوئی نہ یو۔
۔ یہاں بے روزگاری کی آگ نوجوان نسل کو جھلس رہی ہے
۔ مہنگائی کی آگ ہر ماہ غریب عوام کے سینے جلا دیتی ہے
۔ کرپشن، حرام خوری و رشوت خوری کی آگ ملک کی معیشت کو جلا کر بھسم کر چکی ہے
۔ امن و امان کا فقدان، معاشرتی بد نظمی و بے چینی کی آگ عوام کی نیند حرام کر چکی ہے۔
یہ سب آگ لگانے کیلئے پڑس کے دشمن ملک سے کوئی نہیں آیا۔
یہ سب آگ لگانے اور اسے بھڑکانے والے اس گھر کے چراغ ہی تو ہیں،
لیکن ان سے کون نمٹے؟
تحریر: انجنئیر #محمد_اجمل_خان

 

خرابی
مچھلی ہمیشہ سر کی جانب سے سڑتی ہے، اور خرابی سب سے پہلے اہل اقتدار میں پیدا ہوتی ہے۔
اہل اقتدار ہی ہوتے ہیں جو عوام کو راہ راست پر رکھتے ہیں، اگر وہی بگڑ جائیں تو انہیں راہ راست پر کون لائے؟
لہذا جب اہل اقتدار میں خرابی پیدا ہو جاتی ہے تو وہ نیچے کی طرف سفر کرتی ہے پھر ہر طبقہ اس خرابی کی لپیٹ میں آجاتا ہے اور ملک ڈیفالٹ کر جاتا ہے۔

 

نفرت علم کے ذریعے نہیں پھیلتی، نفرت جہالت سے پھیلتی ہے اور معاشرے کو اس کی قیمت ادا کرنی پڑتی ہے۔

 

جہالت سے بڑی کوئی بدبختی نہیں۔

 

صرف متوسط طبقے کے لوگ ہی معاشرے کا اصل چہرہ دیکھ سکتے ہیں۔

 

غریبی اور امیری کے دن صرف متوسط طبقے کو ہی نصیب ہوتے ہیں اور وہی لوگ غربت اور امارت دونوں کے مزے لوٹتے ہیں

 

اگر آپ زندگی کی حقیقی تصویر دیکھنا چاہتے ہیں تو آپ کو متوسط طبقے کے ساتھ رہنا ہوگا

 

دنیا کی زیادہ تر کامیابی متوسط طبقے کی مرہون منت ہے۔

 

معاشرے میں متوسط گھرانوں کے لوگ ہی زیادہ مستحکم ہوتے ہیں۔

 

"اگر عورتیں باتیں نہیں کرتیں تو سارے مرد گونگے ہوتے"

 

جھوٹ کی سب سے خطرناک پہلو یہ ہے کہ وہ "سچ" کی قیمت پر بولا جاتا ہے