اب سرما میں گیس کی لوڈ شیڈنگ نہیں ہوگی

حالیہ سرما کی ایک بہت اچھی خبر سوئی گیس کمپنی کس یہ اعلان ہے کہ آئندہ موسم سرما میں لوڈشیڈنگ نہیں ہو گی۔
اس موضوع کا مقصد یہ جاننا ہے کہ کیا اس اعلان کا زمین پر کوئی اثر ہوا ہے۔
الحمدللہ ہمارے علاقے میں گیس کے پریشر اور فراہمی میں کوئی کمی نہیں ہوئی۔ یعنی صورت حال واقعی بہتر ہے۔۔۔

 

ملکی ذخائر مسلسل کم ہو رہے ہیں۔ مستقبل قریب میں اس میں خاطر خواہ اضافے کا امکان نہی ہے۔
قطر سے مائع گیس کی فراہمی کی وجہ سے صورت حال قدرے بہتر ہے مگر اس کو سب اچھا ہے ، نہی کہا جا سکتا۔
ہم اپنے ملک کی گیس اپنی گاڑیوں میں پھونک چکے ہیں۔ اگر سی این جی پر روک لگا لیا جاتا تو ملکی گیس چند سال اور وسیع پیمانے پر ملتی رہتی۔
اگر گھروں کو گیس دینی ہے تو صنعتوں کو گیس کی معطلی لازمی ہو گی۔ اگر صنعتوں کو چلانا ہے تو پھر اس سال بھی کچھ علاقوں کو چھوڑ کر باقیوں کو متبادل ذرائع کا بندوبست کرنا ہو گا۔

 

اچھا۔ کچھ دن پہلے وزیراعظم پاکستان کو انرجی سرپلس ہونے کی نوید دے رہے تھے۔ کیا وہ کاغذی بات ہے؟

 

سب علاقوں میں اچھا نہیں ہے، ایک ہی علاقے کی وہ گلیاں جو مین پائپ لائن سے قریب ہیں وہاں گیس سپلائی بہتر ہوتی ہے، اور قدرے دور گلیوں میں اتنی ہی کم، بعض علاقوں میں تو رات 12 بجے سے صبح 5-6 بجے تک ہی گیس آتی ہے

 

یہ سب سیاسی بیان ہوتے ہیں۔ پاکستان میں ایسا کچھ نہی ہوا کہ توانائی کا بحران مستقل بنیادوں پر ختم ہو سکے۔
گیس کی درآمد بڑھانا ہو گی۔ بجلی کو پانی سے بنانا پڑے گا۔ گیس سے چلنے والے بجلی گھروں کی گیس دوسری صنعتوں اور گھروں میں کام آئے گی۔
پن بجلی ہی واحد حل ہے ۔ سستا اور پالوشن فری۔ مگر ہمارے پالیسی ساز ایسا ہونے نہی دیتے۔ اس میں ہمیشہ کے لیے ان لوگوں کا کمیشن ختم ہو جاتا ہے۔ گیس ، تیل و کوئلہ سے چلنے والے بجلی گھروں میں مستقل مختلف چیزوں کی رسد رہتی ہے۔ جس سے بہت سے حکومتی، با اثر افراد کے گھروں کا "چولہا" جلتا رہتا ہے۔

 

ہماری طرف ابھی حالات ٹھیک ہیں۔ رات گیارہ سے تین بجے تک گیس کم یا غائب ہوتی ہے دن میں نہیں۔ اصل صورت حال جنوری یا فروری کی سرد بارش میں پتہ چلے گی۔

 

یہ مسئلہ شاید غیر قانونی کمپریسرز کی وجہ سے ہو رہا ہے۔