السلام علیکم و رحمۃ اللہ و برکاتہ 1- پودینہ 2- ہرا دھنیا 3- سبز مرچ 4- کالی مرچ 5- اجوائین 6- کلونجی 7- زیرہ 8- خشک دھنیا 10- نمک 11- کاجو 12- بادام 13- پستہ ترکیب : کالی مرچ، اجوائین، کلونجی، زیرہ، خشک دھنیا ان سب کو گرائنڈر میں موٹا موٹا پیس لیں ،اسی طرح کاجو، بادام، پستہ اب پودینے کے پتے اور سبز مرچ ، دھنیا جگ میں ڈال کر پیس لیں اور تھوڑا پانی بھی شامل کرلیں اور پھر باقی کے اجزاء اس میں ڈال لیں اور حسب ذائقہ نمک ڈال کر پھر سے 2 منٹ کیلئے انکو پیس لیں اگر زیادہ گاڑھی لگے تو مزید پانی ڈال لیں ، اب آپ آئس کیوبز کی ٹرے میں اس کو ڈال لیں اور فریزر میں رکھ دیں 3 سے 4 گھنٹے تک یہ برف بن جائیں گے انکو نکال کر زپ بیگ یا شاپنگ بیگ میں ڈال کر واپس فریزر میں رکھ دیں ، جب چٹنی بنانی ہو حسب ضرورت کیوبز نکالیں اور دہی میں ڈال لیں اور چاہے تو کھانے میں ڈالیں ،ویسے میں تو جو بھی کھانا بناتا ہوں مسالہ تیار ہونے پر حسب ضرورت 1 یا 2 کیوبز ڈال دیتا ہوں میری اہلیہ مجھے کہتی ہے کہ یہ پودینہ کی چٹنی یا سالن ؟ اور میرا جواب ہوتا ہے کھاتی کیوں ہو ،اچھی نہیں لگتی تو ؟ جواب ملتا ہے میرے میاں نے اتنی محنت سے بنائی ہے اب ایسے کیسے رہنے دوں ؟ اللہ تعالی ہمارے درمیاں اس محبت مزید بڑھائے اور ہر فتنہ ڈالنے والوں اور ہر شر سے ہمیں محفوظ رکھے اور آپ سبکو بھی اس سے نوازے ،آمین نوٹ : کاجو، بادام، پستہ آپ نہ ڈالنا چاہیں تو آپکی مرضی ہے ، اور سب اجزاء کی مقدار حسب ضرورت ہے ،آپ زیادہ کیوبز بنالیں تو 4 سے 5 ماہ آسانی سے استعمال ہوسکتے ہیں ان شاءاللہ
السلام علیکم جیسا کہ آپ نے لکھا کہ مصالحہ تیار ہوتے ہی پودینہ چٹنی کی ایک، دو کیوب ڈال دیتا ہوں تو محترم برادر! ان ممالک کے ریسٹورٹس میں کھانے پر 300 کے قریب ریسپی ہیں اور ہر ریسپی کا اپنا الگ ہی ذائقہ ہوتا ہے، اور ہم گھروں میں جو کھانے تیار کرتے ہیں تعداد جتنی بھی ہے اس پر سب کا ذائقہ الگ ہوتا ہے۔ ہم جب لقمہ منہ میں ڈالتے ہیں تو اس کا ذائقہ منہ کو محسوس ہوتا ہے اس کے بعد ہم سلاد یا چٹنی منہ میں ڈالتے ہیں تو اس کا ذائقہ الگ ہوتا ہے یعنی سب ذائقہ الگ الگ منہ میں محسوس کئے جاتے ہیں۔ جب ان کھانوں میں مصالحہ تیار ہونے کے بعد پودینہ چٹنی کو مصالحہ میں ڈال دیں گے تو ہر کھانے کا اپنا ذائقہ ختم ہو جائے گا اور پودینہ چٹنی مصالحہ مکس ایک ہی ذائقہ منہ کو ہر ریسپی پر محسوس ہو گا۔ ایسے ہی ایک دوست کے ہاں جانا ہوا تو پوری ریسپی میں میتھی موجود تھی جس پر ذائقہ صرف میتھی کا ہی تھا پوچھنے پر انہوں نے بتایا کہ وہ ہر کھانے میں میتھی ڈالتے ہیں۔ باقی پسند اپنی اپنی جسے جو جس طرح پسند ہے ویسا ہی کرے کھانوں پر میں جو جانتا ہوں اسے آپ سے شیئر کر دیا۔ والسلام
وعلیکم السلام میں نے تجربہ کرنے کے بعد لکھا ہے اور ظاہری سی بات اگر قصوری میتھی کی طرح یہ بھی مسالوں پر غالب آجاتی تو پھر یہ لکھنے کی ضرورت نہ تھی کہ کھانے میں ڈالیں قصوری میتھی اسی طرح ہے جیسے عطورات میں "مسک اسود" آپ کسی بھی مخلط میں اسکے چند قطرے ڈال دیں تو یہ سب عطورات پر غالب آجائے گی
پودینہ کا سالن نئ چیز اور نیا نام سامنے آیا ہے..کوئ بھی باغیچہ پودینہ کے بغیر مکمل نہیں ہو سکتا.اور سب سے عمدہ پودینہ سفید پودینہ ہے.جو ندی نالوں کے کنارے موجود ہوتا ہے.اور خود رو ہوتا ہے. بہت عمدہ تجویز ہے اور موسم گرما میں ہمارے ہاں اس پہ عمل بھی ہوتا ہے.
