حماقت اور اسکے شکار

حماقت اور اسکے شکار

اخبار الحمقی و المغفلین از/ ابن جوزی رحمہ اللہ


جحا "اسطوری " شخص ہے اسکی کنیت "ابو الغصن " تھی اور کہا جاتا ہے کہ یہ کوفہ عراق میں رہتے تھے ،حماقت میں ضرب المثل

ایک مرتبہ جحا نے آٹا خریدا اور مزدور سے اٹھوایا ، مزدور آٹا لیکر بھاگ گیا،

جحا نے کافی دن بعد اسے دیکھا تو چھپ گیا ،

لوگوں نے پوچھا تو کیوں چھپ رہا ہے ؟ جحا نے کہا

مجھے ڈر ہے کہ کہیں مزدور" اجرت کا مطالبہ " نہ کردے

-----------------------


ایک مرتبہ اسکا والد مکہ جانے لگا (حج کیلئے ) تو جحا نے رخصت ہوتے وقت اسے کہا

زیادہ دن نہ لگانا اور کوشش کرنا کہ تم قربانی کیلئے عید پر ہمارے ہاں پہنچ جاؤ ۔


---------------------

ایک دن جامع مسجد کے دروازے پر آیا اور پوچھا یہ کیا ہے ؟

لوگوں نے کہا جامع مسجد

اس نے کہا اللہ " جامع " پر رحم کرے اسنے کتنی اچھی مسجد بنائی ہے

--------------------

ایک مرتبہ مہدی نے اسے مزاحیہ باتیں کرنے کیلئے بلایا اور پھر تلوار اور ( مجرم کو قتل کرنےکیلئے بچھایا جانے والا ) چمڑے کا فرش منگوایا اور اسے اس پر بٹھایا

اس نے بیٹھ کر تلوار والے کو کہا

" دیکھ بھال کر مارنا میرے حجامہ کی جگہ نہ لگے ، میں نے حجامہ کروایا ہوا ہے "

--------------------

ان شاءاللہ جاری ہے ، آپ بھی شئیر کریں اگر آپ کے پاس کچھ محفوظ ہے اس کتاب سے

 

ایک دن ابن الجصاص ، ایک وزیر ابن الفرات کے پاس گیا

اِس کے ہاتھ میں کافوری خربوزہ تھا

اِس نے اسے وزیر کو دیکر منہ والا دجلہ میں تھوکنے کا سوچا

تو وزیر کے منہ پر تھوک دیا اور خربوزہ دجلہ میں پھینک دیا

وزیر کو بہت غصہ آیا

اور " ابن الجصاص " خود بھی ڈرا اور حیرانگی کے عالم میں بولا

اللہ کی قسم مجھ سے غلطی ہوگئی

حالانکہ میرا ارادہ یہ تھا کہ تمہارے منہ پر تھوکوں اور خربوزہ دریا میں پھینک دوں

تو وزیر نے کہا !

ارے جاہل ! تونے یہی تو کیا ہے

یعنی ابن الجصاص سے فعل اور معذرت دونوں میں غلطی ہوگئی

 

جزاک اللہ خیرا نشاندہی کیلئے

لکھ ابن جوزی رہا تھا اضافہ قیم کا کردیا

 

کوئی مینوں دسے

یہ غلطی دانستہ تھی یا نا دانستہ!!!

 

نا دانستہ

 

شجاع ایک بار خلیفہ مستعین باللہ کے پاس آیا

اسکی قبا ایک طرف سے پھٹی ہوئی تھی

تو خلیفہ مستعین باللہ نے پوچھا یہ قمیص کیسے پھٹ گئی ؟

شجاع نے کہا ، میں ایک گلی سے گزر رہا تھا اور وہاں کتا تھا

میں نے اسکی قمیص پر پاؤں رکھا اور اس نے میری دم پھاڑ ڈالی

یہ سن کرخلیفہ مستعین باللہ اپنی ہنسی پر قابو نہیں رکھ سکا

 

ایک نصرانی نے عبداللہ بن بشار ( والی مدینہ ) کے پاس آکر کہا

میں آپ کے ہاتھ پر مسلمان ہونا چاہتا ہوں

تو اس نے کہا ! ارے ایسی ویسی عورت کے بچے

تجھے امیر المؤمنین کے لشکر میں مجھ سے زیادہ کوئی بے وقوف نظر نہیں آیا ؟

تو یہ چاہتا ہے کہ قیامت کے دن حضرت عیسی علیہ السلام کی اور میری لڑائی ہوجائے ؟

 

ابو العیناء سے مروی ہے کہ " مدنی " نماز میں امام کے پیچھے کھڑا تھا

امام کو ناپاکی وغیرہ کچھ یاد آگیا اس نے مدنی کو امامت کیلئے آگے کردیا اور خود چلا گیا

یہ کافی دیر کھڑا رہا ، جب لوگ تنگ ہوگئے تو انہوں نے " سبحان اللہ " کہنا شروع کیا

مگر یہ پھر بھی نہ ہلا

تو کسی نے آگے بڑھ کر اسے ہٹا دیا اور دوسرے کو آگے کیا

بعد میں لوگ مدنی کو برابھلا کہنے لگے

تو مدنی نے کہا ! میں تو سمجھا تھا کہ امام مجھے یہ کہہ کر گیا ہے کہ

جب تک میں نہ آجاؤں میری جگہ کی حفاظت کرنا

 

ایک اعرابی ( دیہاتی ) کو لومڑی نے کاٹ لیا

تو یہ دم کرنے والے کے پاس آیا

اُس نے پوچھا کس جانور نے کاٹا ہے ؟

اسے شرم آئی کہ لومڑی کا نام لے تو

کہہ دیا کہ کتے نے کاٹا ہے

اُس نے دم پڑھنا شروع کیا تو

اعرابی ( دیہاتی ) بولا ! اس میں تھوڑا سا لومڑی والا دم بھی ملا لینا

 

ایک امام نے تلاوت کی " إنا أرسلنا نوحاً إلى قومه " ( ہم نے نوح کو اسکی قوم کی طرف بھیجا ) اور پھر اٹک گیا

تو یہ اس کو بار بار دہراتا رہا

تو پیچھے سے اعرابی ( دیہاتی ) نے کہا

" لم يذهب نوح فأرسل غيره وأرحنا "

"اگر نوح علیہ السلام نہیں جارہے ؟ تو کسی اور کو بھیج دے اور ہماری جان چھڑا "

 

ہہہہہہہہ

 

ایک اعرابی ( دیہاتی ) نماز پڑھ رہا تھا

تو لوگوں نے اِسکی تعریف شروع کردی اور اِسکی نیکی بیان کرنے لگے

تو اِس نے نماز توڑ کر کہا !!!

" مع هذا إني صائم! "

اسکے ساتھ ساتھ میں روزے سے بھی ہوں

 

ایک اعرابی ( دیہاتی ) نے جسکا نام مجرم تھا

ایک امام کے پیچھے پہلی صف میں نماز پڑھی

امام نے " سورۃ المرسلات " تلاوت کی جب اس نے پڑھا " أَلَمْ نُهْلِكِ الْأَوَّلِينَ " کیا ہم نے پہلے والوں کو ہلاک نہیں کیا

تو یہ اعرابی ( دیہاتی ) آخری صف میں پہنچ گیا ،


پھر امام نے پڑھا " ثُمَّ نُتْبِعُهُمُ الْآَخِرِينَ " پھر ہم آخر والوں کو انکے بعد کریں گے

تو یہ اعرابی ( دیہاتی ) درمیانی صف میں کھڑا ہوگیا ،


پھر امام نے پڑھا " كَذَلِكَ نَفْعَلُ بِالْمُجْرِمِينَ " اس طرح مجرموں کے ساتھ ہم کرتے ہیں

تو یہ الٹے پاؤں یہ کہتے ہوئے بھاگا " ما أرى المطلوب غيري " کہ میرا خیال ہے مطلوب میں ہی ہوں

 

محمد بن خلف سے مروی ہے کہ !

ایک شخص کا کسی امام کے پاس سے گزر ہوا

وہ پڑھ رہا تھا " الم غلبت الترك "

جب فارغ ہوئے تو میں نے کہا

امام صاحب ! قرآن میں تو " غلبت الروم " ہے ؟

تو اس نے کہا کہ !

یہ سب میرے دشمن ہیں اور مجھے ان میں سے کسی کا ذکر کرنے کی کوئی پرواہ نہیں

 

اصمعی سے مروی ہے کہ!

ایک اعرابی ( دیہاتی ) حج کرنے گیا

اور سب لوگوں سے پہلے مکہ میں داخل ہوا

اور غلاف کعبہ سے چمٹ گیا اور کہنے لگا

" اللهم اغفر لي قبل أن يدهمك الناس "

اے اللہ میری مغفرت فرمادے قبل اس کے کہ لوگوں کا ازدھام ہوجائے

 

قرآن میں تحریف، اسلامی شعائر کا مذاق اڑانا اور اس کی اشاعت کرنا تاکہ کوئی اور اس سے حوصلہ پکڑے، قطعی مناسب نہیں۔

 

یہ اقتباس " اخبار الحمقی و المغلفین از/ ابن جوزی رحمہ اللہ" سے لیا گیا ہے

 

جی بھائی مجھے معلوم ہے، اللہ ان پر رحم فرمائے، یقینا انہوں نے یہ واقعات صرف حظ اٹھانے کے لئے نقل نہیں کئے ہوں گے۔ بلکہ ہمیں ان سے بچانے اور سبق حاصل کرنے کے لئے ہیں۔ یہاں پر مغلفین سے مراد ایسے ہی نا ہنجار ہیں جو احمق تو نہیں لیکن ان کے دلوں پر پردہ چڑھا ہوا ہے۔ ورنہ ان کے پائے کے امام کے سامنے اگر کوئی ایسی حرکت کرتا تو وہ اس کی نکیر ضرور فرماتے۔

 

اسی طرف تو اشارہ ہے کہ ٹوکنے والے نے فوری ٹوکا اور ظاہری سی بات " ابن جوزی رحمہ اللہ " اس سے سبق حاصل کرنے کیلئے اور سچے واقع کو نقل کیا ہے نہ کہ آج کل جیسے منگھڑت اور جھوٹے واقعات بنائے جاتے ہیں صرف ہنسنے اور ہنسانے کیلئے